Both 11:15 - Sơ̆p Hlabơar Nơ̆r 'Bok Kei-Dei

¹⁵ Sư kư̆m gô pơm ăn kơ mir tơmăn đei 'nhĕt chăt ăn kơ sem dơrong iĕm; iĕm gô đei sŏng sa phĭ mah rơkah rơkai.

Both 11:15 Iomraidhean Croise

I Pot 18:5

Ahap khan kơ Ôbadia: “Ih athei chă năm tơ jơ̆p-jang dêh char păng tơ rim kơ tu thong đak, rŏ lăng bơ̆n chă oei 'bôh đei 'nhĕt wă kơ hiĕm aseh oei arih, wă kơ lu sem dơrong huay kơ lôch hiong.”

Horiso 104:14

Sư pơm ăn kơ 'nhĕt bluh ăn kơ lu sem brem. 'Long pơle wă yua kơ kon bơngai păng 'ba hơ'bo 'nhot sa chăt đơ̆ng teh.

Je 14:5

Juei akăn 'nao tuh kon, kư̆m achăng lê̆ kon sư, yua kơ ưh kơ đei 'nhĕt wă sa.

Jôel 1:18

To, lu kon sem dơrong đĭ ôr hơrum dêh! To khŭl rơmo đĭ hơwơ̆l hơwang, yua kơ sư pă đei 'nhĕt sa boih! Lu khŭl triu kư̆m pơmat-tat.

Jôel 2:19

Kră Yang đei tơl tơwih kơ kon pơlei Sư: 'Nâu Inh gô ăn kơ iĕm 'ba, sik 'nao, đak rơmă, iĕm gô phĭ jơnap. Inh pă ăn kơ lu iĕm mơlâu kơ đe dơ̆ng tơ lăm lu kon pơlei đe.

Jôel 2:22

Ơ lu kon sem brem lăm bri brah, 'nĕ pă hli, yua kơ 'nhĕt lăm bri noh bluh tơmơ̆ng boih, 'long đei plei, tơm 'long hơra đei plei păng tơm hơmu plei trem ngăl boih.

Jôel 2:26

Lu iĕm gô phĭ jơnap sŏng sa rơkah rơkai, na lu iĕm gô bơnê ư-ang kơ Anăn Inh Kră Yang 'Bok Kei-Dei iĕm, Tơ'ngla mă đei ăn kơ lu iĕm dôm tơdrong hlĭch chrơp. Đơ̆ng âu tơ anăp kon pơlei Inh đe ưh pă wă pơjăm dơ̆ng.

Lêwi 26:5

Bơyan kĕch 'ba oei đei truh tơ bơyan phĕ plei hơmu, oei đei truh tơ bơyan rei, lu iĕm gô sŏng sa phĭ mah, arih hiôk hơđơ̆ng lăm char iĕm.

Hagai 1:6

Lu iĕm rei lơ mă-lei kĕch iŏk tŏ sĕt; sŏng sa ră mă-lei ưh kơ phĭ; nhă ră mă-lei ưh kơ hrăp; hrŭk mă ưh kơ tơtŏ. Păng lu mơ'nah jang chă jên; mong jên sư kơdih noh lăm kơdŭng hlôh.’

Both 6:11

Hnam oei 'bĕnh-'bang kơ mŭk tơmam 'lơ̆ng mă lu iĕm ưh kơ đei răt mong, lu sơlŭng đak mă lu iĕm ưh kơ đei sir, tơm hơmu păng 'long ôliwơ mă lu iĕm ưh kơ đei pơtăm, gô đei sa mah rơkah rơkai.

Both 8:10

Mưh iĕm sŏng sa phĭ mah rơkah rơkai, iĕm gô bơnê ư-ang kơ Kră Yang 'Bok Kei-Dei iĕm, yua kơ teh đak 'lơ̆ng mă đơ̆ng Sư ăn boih kơ iĕm.