Both 11:14 - Sơ̆p Hlabơar Nơ̆r 'Bok Kei-Dei

¹⁴ Na Sư gô ăn đak 'mi jur trŏ kơ bơyan mă bơyan nê̆-năm mă bơyan puih, lu iĕm gô đei 'ba hơ'bo, sik hơmu 'nao păng đak rơmă plei 'long ôliwơ.

Both 11:14 Iomraidhean Croise

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Je 5:24

Lu sư ưh kơ đei khan ôh lăm jơhngơ̆m lu sư: ‘Lu bơ̆n athei hli yom kơ Kră Yang 'Bok Kei-Dei bơ̆n, Tơ'ngla mă ăn đak 'mi trŏ kơ bơyan sư. Bơyan 'mi păng bơyan puih, Ăn kơ bơ̆n kư̆m oei bơwei năr giĕng lăm bơyan kĕch yuă.’

Êsêkiên 34:26

Inh gô ăn dơ̆ng kơ lu sư tơring jum dăr kơ kông inh. Inh gô ăn đak 'mi trŏ kơ bơyan, đak 'mi pŭn hiôk.

Jôel 2:19

Kră Yang đei tơl tơwih kơ kon pơlei Sư: 'Nâu Inh gô ăn kơ iĕm 'ba, sik 'nao, đak rơmă, iĕm gô phĭ jơnap. Inh pă ăn kơ lu iĕm mơlâu kơ đe dơ̆ng tơ lăm lu kon pơlei đe.

Lêwi 26:3

Tơdah iĕm yak rok kiơ̆ khôi juăt Inh, wei răk păng pơm kiơ̆ nơ̆r Inh tơtă,

Lêwi 26:4

thoi noh Inh gô tơjur ăn đak 'mi trŏ kơ bơyan sư lăm teh gô đei lơ 'long plei sa tơ mir gô đei 'nhot sa.

Malachi 3:11

Inh gô găn lu hơdrông kơnu wă kơ lu sư huay kăp kuer sa pơkao plei 'long đơ̆ng teh iĕm; păng lu tơm 'long hơmu lăm mir pơgar plei pơkao sư huay kơ hơlŭng adrol kơ bơyan sư, Kră Yang khan thoi noh.

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Both 28:12

Kră Yang gô pơih anih 'mong tơmam gĭt đơ̆ng plĕnh, ăn đak 'mi jur tơ teh trŏ bơyan păng ăn pŭn hiôk dôm tơdrong jang đơ̆ng tơpang ti iĕm pơm. Iĕm gô ăn kơ lơ teh đak tŏk iŏk, mă-lei gah iĕm ưh kơ đei tŏk iŏk đơ̆ng bơngai bu.

Ya 5:7

Ơ 'nhŏng oh, iĕm băt kơ thoi noh boih, na mă đe pơm kơnê̆ kơ iĕm, iĕm thĕng đĕch hŏ, truh tơ năr Kră Yang jur dơ̆ng. Pơtih gia thoi lu bơngai jang mir 'ba, lu sư băt tơpă gô đei 'ba na lu sư adrin jang truh kơ bơyan 'ba đum.