Both 11:13 - Sơ̆p Hlabơar Nơ̆r 'Bok Kei-Dei

¹³ Tơdah lu iĕm chu mơ̆ng kiơ̆ dôm nơ̆r tơtă mă inh bơtho ăn kơ lu iĕm năr 'nâu, đĭ jơhngơ̆m klơm klak 'mêm kơ Kră Yang 'Bok Kei-Dei iĕm păng bơ̆jang kơ Sư.

Both 11:13 Iomraidhean Croise

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 119:4

Ih đei bơtho pơkă boih tơdrong juăt Ih Wă kơ lu nhôn rok kiơ̆.

Je 17:24

Kră Yang khan: “Tơdah lu iĕm 'maih mơ̆ng Inh, tơdah iĕm ưh pă đei pŭ dah tung tơmam rok trong 'măng jang pơlei âu lăm năr Sa'bat, mă-lei lu iĕm 'măn lê̆ năr Sa'bat noh jing năr 'lơ̆ng rơgoh, ưh kơ jang tơdrong kiơ lăm năr noh,

Êsêkiên 34:26

Inh gô ăn dơ̆ng kơ lu sư tơring jum dăr kơ kông inh. Inh gô ăn đak 'mi trŏ kơ bơyan, đak 'mi pŭn hiôk.

Lêwi 26:3

Tơdah iĕm yak rok kiơ̆ khôi juăt Inh, wei răk păng pơm kiơ̆ nơ̆r Inh tơtă,

Lêwi 26:4

thoi noh Inh gô tơjur ăn đak 'mi trŏ kơ bơyan sư lăm teh gô đei lơ 'long plei sa tơ mir gô đei 'nhot sa.

Both 10:12

Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Both 11:1

Iĕm athei băt 'mêm yom kơ Kră Yang 'Bok Kei-Dei ling-lang păng athei wei răk dôm tơdrong juăt Sư, nơ̆r Sư athei păng nơ̆r Sư tơtă.

Both 11:22

Tơdah lu iĕm kơchăng wei răk păng pơm kiơ̆ đĭ dôm nơ̆r tơtă, mă inh bơtho boih kơ lu iĕm athei, 'mêm kơ Kră Yang 'Bok Kei-Dei lu iĕm, yak kiơ̆ trong Sư păng oei pơgơ̆p kơjăp hăm Sư.

Both 11:8

Thoi noh iĕm athei wei răk bĕ dôm nơ̆r tơtă mă inh bơtho ăn kơ lu iĕm năr 'nâu, wă kơ lu iĕm đei jơhngơ̆m pran, mơ̆t iŏk dêh mă lu iĕm wă iŏk tơ pah to Krong Jôrđăn.

Both 28:1

Tơdah iĕm mơ̆ng kiơ̆ nơ̆r Kră Yang 'Bok Kei-Dei iĕm mă kơjăp, pơ'lơ̆ng pơm kiơ̆ dôm nơ̆r Sư tơtă, mă inh bơtho khan kơ iĕm năr 'nâu, na Kră Yang 'Bok Kei-Dei iĕm gô pôk hơtŏk iĕm hloh kơ adrĕch nai mă oei tơ kơpal teh âu.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Both 6:17

Athei kơchăng wei răk dôm lu nơ̆r Kră Yang tơtă păng nơ̆r Sư tơbăt, khôi juăt Sư mă inh đei bơtho ăn kơ iĕm.

Both 7:12

Tơdah iĕm mơ̆ng păng pơm kiơ̆ dôm lu tơdrong juăt âu, Kră Yang 'Bok Kei-Dei iĕm gô wei nơ̆r pơgơ̆p păng tơdrong 'mêm mơnat mă Sư đei pơkă hăm lu 'bok iĕm sơ̆.