Both 10:15 - Sơ̆p Hlabơar Nơ̆r 'Bok Kei-Dei

¹⁵ Noh boih Kră Yang 'mêm kơ 'bok lu iĕm, Sư rơih iŏk iĕm đơ̆ng lăm lu kon pơlei nai. Thoi lu iĕm năr âu.

Both 10:15 Iomraidhean Croise

I Ho 16:13

Ơ adrĕch adrung Isơrael đĭch đam Sư, ơ lu kon sâu Jakôp mă sư rơih iŏk bơih!

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Horiso 44:3

Ưh kơ trŏ đơ̆ng yua khêl đao sư mă đei dêh char, kư̆m ưh kơ đei đơ̆ng tơpang ti kơdih mă đei jơnei.a Mă-lei đơ̆ng ti 'ma Ih, kơkŏng Ih păng tơdrong hơdah đơ̆ng muh măt Ih. Yua kơ Ih 'mêm kơ lu sư.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Jo 14:8

tơdah Kră Yang lăp đon hăm bơ̆n sư chông ba ăn kơ bơ̆n mơ̆t oei lăm char noh; char noh đei mơ̆r 'lơ̆ng tơmam sa rơkah rơkai. Kră Yang gô ăn char noh kơ lu bơ̆n.

Rom 11:28

Dang ei lu bơngai Isơrael mơ'nah ưh tam mă lui kơ tơdrong 'nao 'lơ̆ng Yêsu, lu sư dang ayăt kơ 'Bok Kei-Dei. Mă-lei 'Bok Kei-Dei oei 'mêm kơ lu sư. Yua kơ thoi noh na Sư krao iĕm lui kơ Yêsu hơdrol kơ lu sư, wă kơ lu sư kiơ̆ iĕm. Sư 'mêm tơpă kơ lu bơngai Isơrael yua kơ Sư rơih iŏk lu yă 'bok lu sư đơ̆ng hơdrol sơ̆ hloi boih.

Both 4:37

Yua kơ đơ̆ng Sư 'mêm kơ lu 'bok iĕm, na rơih iŏk adrĕch adrung lu iĕm 'nâu, kơ Sư kơdih păng Sư yua tơdrong mơsêh tih Sư krao tơlĕch boih iĕm đơ̆ng dêh Êyiptơ.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.