Both 10:12 - Sơ̆p Hlabơar Nơ̆r 'Bok Kei-Dei

¹² Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Both 10:12 Iomraidhean Croise

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

II Pot 10:31

Mă-lei Jêhu ưh kơchăng đĭ jơhngơ̆m pơm kiơ̆ tơdrong juăt Kră Yang 'Bok Kei-Dei Isơrael, sư ưh kơ weh achăng lê̆ đơ̆ng tơdrong yoch Jêrôbôam, bơngai mă pơhlŭ lu bơngai Isơrael pơm yoch.

II Pot 18:3

Sư pơm 'lơ̆ng 'bơ̆t anăp Kră Yang thoi Đawit, 'bok kơdră sư sơ̆ hlôi pơm.

II Pot 18:6

Sư oei kơjăp hăm Kră Yang, ưh kơ achăng lê̆ ôh, sư wei răk dôm nơ̆r Kră Yang tơtă ăn kơ Môis.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 15:12

Lu sư pơgơ̆p pơkă băl rim 'nu athei chă Kră Yang 'Bok Kei-Dei 'bok yă lu sư hăm đĭ jơhngơ̆m klơm klak.

Jop 36:11

Tơdah lu sư chu mơ̆ng păng bơ̆jang kơ Kră Yang, lei dôm năr lu sư gô arih đei tơdrong hiôk chơt, sơnăm lu sư pŭn jơnap.

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 128:1

Pŭn dêh kơ bơngai bu mă hli yom kơ Kră Yang. Yak năm lăm trong sư!

Horiso 145:20

Kră Yang wei-lăng lu bơngai mă 'mêm kơ Sư, Mă-lei gô pơlôch pơrăm lu bơngai pơm kơnê̆.

Horiso 18:1

Ơ Kră Yang, inh 'mêm kơ Ih boih jơhngơ̆m inh pran.

Horiso 34:9

Ơ lu bơngai 'lơ̆ng rơgoh lăm Kră Yang, hli yom bĕ kơ Sư! Yua kơ bơngai bu mă hli yom kơ Sư ưh kơ đei kơ'bah kiơ.

Horiso 81:13

Ơ! Rŏ kơ lu kon pơlei Inh oei mơ̆ng Inh. Rŏ kơ Isơrael chu yak kiơ̆ trong Inh!

Horiso 81:14

Lei ưh kơ đunh ôh Inh gô pơrăm lu bơngai ayăt kơ sư. Hiŏng ti Inh pơm tơwih kơ lu bơngai pơm kơnê̆ kơ lu sư.

Le 23:25

Iĕm athei kơkuh kơ Kră Yang 'Bok Kei-Dei iĕm; sư Kră Yang gô tơgŭm iĕm tơmam sŏng sa, ăn kơ iĕm liĕm akâu păng huay kơ đei jĭ jăn.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Êsêkiên 11:20

Wă kơ lu sư chu kiơ̆ khôi juăt Inh, wei răk păng pơm kiơ̆ nơ̆r Inh tơtă, lu sư kon pơlei Inh păng Inh Kră Yang 'Bok Kei-Dei lu sư.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Jêphania 3:9

Yua kơ Inh wă ăn 'bơ̆r 'lơ̆ng rơgoh kơ kon pơlei pơla, wă kơ đĭ-đăng lu sư tă kơ krao chă Kră Yang ngăl, wă kơ đei minh jơhngơ̆m bơ̆jang kơ Kră Yang.

Mathiơ 22:37

Yêsu khan kơ sư thoi âu: “ ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng.’

Luka 10:27

'Bok thây ei khan: “Lăm sơ̆p hla bơar tơdrong juăt khan: ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng. Păng bơ̆n athei 'mêm kơ bôl buăl thoi bơ̆n 'mêm akâu bơ̆n kơdih.’ ”

Luka 11:42

“Ơ lu bơngai Pharisi, ning-mônh iĕm pơmat-tat dêh. Iĕm pơm hăt hot tĕch lu tơmam hơi thoi lĕ kơ hla gơsơ̆m, hla hla-kat, dôm hla 'nhot nai, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei gah tơdrong kăl hloh thoi lĕ kơ pơm 'lơ̆ng kơ đe păng 'mêm bơnê kơ 'Bok Kei-Dei, tơdrong noh iĕm pơm pơhơi, ưh kơ wă. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei iĕm athei pơm 'lơ̆ng kơ đe păng 'mêm bơnê kơ 'Bok Kei-Dei, 'noh kăl hloh.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

Both 10:11

Kră Yang khan kơ inh: Iung bĕ, năm adrol kơ kon pơlei, mơ̆t iŏk dêh mă Inh đei pơkă pơkăm hăm 'bok lu sư.

Both 10:13

wei răk khôi juăt păng nơ̆r tơtă Kră Yang mă inh đei bơtho ăn kơ lu iĕm năr 'nâu, wă kơ lu iĕm đei pŭn hiôk?

Both 11:1

Iĕm athei băt 'mêm yom kơ Kră Yang 'Bok Kei-Dei ling-lang păng athei wei răk dôm tơdrong juăt Sư, nơ̆r Sư athei păng nơ̆r Sư tơtă.

Both 11:13

Tơdah lu iĕm chu mơ̆ng kiơ̆ dôm nơ̆r tơtă mă inh bơtho ăn kơ lu iĕm năr 'nâu, đĭ jơhngơ̆m klơm klak 'mêm kơ Kră Yang 'Bok Kei-Dei iĕm păng bơ̆jang kơ Sư.

Both 26:16

Năr 'nâu, Kră Yang 'Bok Kei-Dei iĕm athei pơkă khan kơ iĕm pơm kiơ̆ dôm lu khôi juăt păng nơ̆r tơtă 'nâu, iĕm athei kơchăng wei răk hăm đĭ jơhngơ̆m klơm klak,

Both 27:10

Thoi noh iĕm athei mơ̆ng bĕ nơ̆r Kră Yang 'Bok Kei-Dei iĕm păng wei răk pơm kiơ̆ dôm lu nơ̆r Sư tơtă păng dôm khôi juăt Sư, mă inh bơtho khan ăn kơ iĕm năr 'nâu.

Both 30:16

Năr 'nâu inh athei iĕm 'mêm kơ Kră Yang 'Bok Kei-Dei, yak kiơ̆ trong Sư păng wei răk dôm lu nơ̆r tơtă, khôi juăt Sư păng nơ̆r Sư athei, wă kơ iĕm arih sot hrôh ngôh, Kră Yang 'Bok Kei-Dei ăn pŭn hiôk kơ lăm dêh char mă iĕm gô mơ̆t iŏk.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Both 6:13

Iĕm athei hli yom kơ Kră Yang 'Bok Kei-Dei iĕm bơ̆jang kơ Sư păng yua anăn Sư na pơkă pơkăm,

Both 6:2

Wă kơ lu iĕm păng kon sâu iĕm băt kơ hli yom kơ Kră Yang 'Bok Kei-Dei iĕm, đĭ chăl arih tơ kơpal teh wei răk dôm lu tơdrong juăt păng nơ̆r Sư tơtă; wă kơ lu iĕm oei arih sot.

Both 6:24

Kră Yang đei bơtho khan kơ bơ̆n athei pơm kiơ̆ đĭ-đăng dôm tơdrong juăt âu păng băt hli yom kơ Kră Yang, wă kơ lu bơ̆n gơh đei hiôk-hian ling-lang păng oei arih thoi lu bơ̆n năr 'nâu.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Jôsuê 22:5

Mă-lei athei kơchăng pơm kiơ̆ nơ̆r pơkă păng khôi juăt Môis đĭch đam Kră Yang bơtho pơkă boih kơ lu iĕm 'mêm bĕ kơ Kră Yang 'Bok Kei-Dei lu iĕm păng rok kiơ̆ trong Sư, wei răk nơ̆r Sư tơtă pơgơ̆p hăm Sư păng đĭ jơhngơ̆m đon bơ̆jang kơ Sư.

Jôsuê 24:14

Thoi noh dang ei, athei chu yom bĕ kơ Kră Yang păng pơm kiơ̆ kơ Sư hăm đĭ jơhngơ̆m păng tơnăp, hŭt lê̆ bĕ lu yang mă 'bok lu iĕm kơkuh tơ gah hơlĕch kơ đak Krong Tih păng tơ lăm char Êyiptơ; athei chu yom bĕ kơ Kră Yang.

I Yo 2:15

Iĕm 'nĕ kơ 'mêm dôm tơdrong ala teh âu. Bơngai bu 'mêm kơ tơdrong ala teh âu, bơngai 'noh sư ưh kơ 'mêm kơ 'Bă bơ̆n 'Bok Kei-Dei ôh.

I Yo 5:5

Dôm tơdrong ala teh âu thuơ kơ bu? Dôm tơdrong ala teh âu thuơ kơ lu bơngai mă lui kơ Yêsu Kon 'Bok Kei-Dei.

I Sam 12:20

Samuel tơl kon pơlei: 'Nĕ kơ hli. Tơpă iĕm đei pơm dôm tơdrong yoch âu; mă-lei 'nĕ kơ achăng Kră Yang, athei đĭ jơhngơ̆m chu kiơ̆ kơ Kră Yang.