Both 1:8 - Sơ̆p Hlabơar Nơ̆r 'Bok Kei-Dei

⁸ Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 1:8 Iomraidhean Croise

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Ne 9:15

Đơ̆ng kơpal plĕnh Ih tơjur ăn 'bĕng sa wă huay kơ pơngot, pơm kơ tơmo đei đak lĕch ro ăn kơ lu sư nhă, pơkă kơ lu sư mơ̆t iŏk asong dêh char mă Ih wă ăn kơ lu sư.

Le 23:31

Inh gô chĕng hơdral iĕm iŏk đơ̆ng đak dơsĭ 'brê truh tơ đak dơsĭ Philistin, a đơ̆ng char glă truh tơ đak glung tih;b yua kơ inh gô pơjao adrĕch adrung 'noh lăm tơpang ti ih păng ih gô puh lu sư weh đơ̆ng anăp iĕm.

Le 33:1

Kră Yang khan kơ Môis: Năm bĕ đơ̆ng âu, ih hăm lu kon pơlei pơla ih đei chông lĕch đơ̆ng char Êyiptơ, năm bĕ tơ char Inh đei pơkă pơkăm boih kơ Abraham, Isăk, Jakôp: Inh gô ăn char noh kơ kon sâu ih.

Je 32:22

Ih jao ăn kơ lu sư teh đak âu, teh đak 'bĕnh kơ đak toh păng đak sut, mă Ih đei pơkă wă ăn kơ lu yă 'bok lu sư sơ̆.

Êsêkiên 47:14

Rim 'nu gô klah asong dih băl teh wă jang sa lei-lăi băl; yua kơ Inh đei pơkă boih gô ăn teh char âu kơ 'bok yă lu iĕm, na teh âu lu iĕm gô iŏk wă jang sa.

Jo 14:23

lei na lăm lu sư ưh kơ đei minh 'nu bu mă gơh 'bôh char mă Inh đei pơkă wă ăn kơ lu 'bok yă lu sư păng lu bơngai mă ưh kơ chu boih nơ̆r Inh, ưh kơ đei bu mă gơh 'bôh char noh.

Jo 32:11

Lu bơngai mă lĕch đơ̆ng dêh char Êyiptơ, iŏk đơ̆ng 'bar-jĭt sơnăm tơ kơpơ̆ng, gô ưh kơ 'bôh ôh dêh char mă Inh đei pơkă pơ'ngam wă ăn kơ Abraham, Isăk, Jakôp, yua kơ lu bơngai noh ưh kơ kiơ̆ Inh tơnăp,

Both 1:11

Apinh Kră Yang 'Bok Kei-Dei 'bok lu iĕm pơm kơ lu iĕm chek lar rai lơ rơbâu hơtăl păng ăn pŭn hiôk, kiơ̆ kơ Sư đei khan pơkă boih kơ lu iĕm.

Both 1:35

Ưh kơ đei drŏ-nglo bu lăm adrĕch kơnê̆ âu gô 'bôh dêh 'lơ̆ng rŏ mă Inh đei pơkă wă ăn kơ lu 'bok iĕm.

Both 10:11

Kră Yang khan kơ inh: Iung bĕ, năm adrol kơ kon pơlei, mơ̆t iŏk dêh mă Inh đei pơkă pơkăm hăm 'bok lu sư.

Both 11:24

Tơ anih ayơ tơpang jơ̆ng lu iĕm juă, tơ noh jing anih lu iĕm. Teh hơdral lu iĕm đơ̆ng char glă truh tơ Liban đơ̆ng Krong Ơphrat truh tơ dơsĭ gah bơmơ̆t.a

Both 11:9

Wă kơ lu iĕm arih sot tơ teh đak mă Kră Yang pơkă boih wă ăn kơ lu 'bok iĕm păng ăn kơ adrĕch adrung lu sư, teh đak toh păng đak sut.

Both 2:29

Kŭm thoi kon sâu Êsâu mă oei tơ char Seir păng kon pơlei Môap mă oei tơ char Ar hlôi ăn boih kơ inh thoi noh gô dĭng mă nhôn tŏk năm hlôi kơ đak Krong Jôrđăn, wă mơ̆t tơ dêh mă Kră Yang 'Bok Kei-Dei nhôn wă ăn kơ nhôn.

Both 26:15

Apơi kơ Kră Yang đơ̆ng anih 'lơ̆ng rơgoh Ih tơ kơpal plĕnh ti, nger lăng păng ăn tơdrong pŭn hiôk kơ lu bơngai Isơrael, Ih hăm teh đak mă Ih ăn boih kơ lu nhôn kư̆m thoi đei pơkă boih hăm 'bok yă lu nhôn sơ̆, wă khan dêh thoi đak toh thoi đak sut 'nâu.

Both 26:3

Lu iĕm athei năm tơ 'bok soi mă oei bơ̆jang kơplah noh, na khan kơ sư: Năr 'nâu, inh năm 'bơ̆t anăp Kră Yang 'Bok Kei-Dei ih, wă khan kơ sư: Inh băt kơnăl kơ inh mơ̆t boih lăm dêh mă Kră Yang pơkă hăm 'bok yă wă ăn kơ lu bơ̆n.

Both 28:11

Kră Yang iĕm gô ăn kơ iĕm đei mŭk tơmam rơkah rơkai, tơ lăm dêh mă Kră Yang hlôi pơkă boih hăm lu 'bok iĕm wă ăn kơ iĕm ăn kơ lu kon sâu iĕm hrôh lơlang lơlap, sem dơrong chek lar păng hơnik nơnăm đơ̆ng teh pơgar iĕm gô đei thim rai lơ.

Both 29:12

Lu iĕm dơ̆ng tơ âu wă yak mơ̆t lăm tơdrong pơgơ̆p Kră Yang 'Bok Kei-Dei iĕm, noh boih tơdrong pơgơ̆p mă Kră Yang 'Bok Kei-Dei iĕm, pơm hăm iĕm năr 'nâu, wă kơ iĕm pơkă wă pơm keh, wă kơ iĕm pơkă wă pơm kiơ̆ thoi đei chih lăm tơdrong pơgơ̆p pơkă Kră Yang.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Both 31:7

Đơ̆ng noh Môis krao Jôsuê khan kơ sư 'bơ̆t anăp đĭ-đăng bơngai Isơrael: Ih athei chơ̆n jơhngơ̆m; păng nuih kơtang bĕ, yua kơ ih gô năm mơ̆t hơdai hăm lu kon pơlei 'nâu lăm dêh char mă Kră Yang hlôi pơkă boih wă ăn kơ 'bok lu sư păng ih gô klah asong ăn kơ lu sư dêh noh.

Both 34:4

Kră Yang khan kơ Môis: 'Nâu bơih dêh char mă Inh pơkă wă ăn kơ Abraham, Isăk păng Jakôp. Inh gô ăn dêh âu kơ lu adrĕch adrung ih. Inh tơ'bôh ăn kơ ih lăng dêh noh, mă-lei ih ưh kơ gơh mơ̆t tơ noh ôh.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 6:10

Layơ Kră Yang 'Bok Kei-Dei iĕm chông ba iĕm mơ̆t tơ dêh mă Sư đei pơkă pơkăm wă ăn kơ lu 'bok iĕm Abraham, Isăk păng Jakôp, wă ăn kơ iĕm, đei pơlei tih păng mơdrŏng mă lu iĕm ưh kơ đei man pơdơ̆ng.

Both 7:12

Tơdah iĕm mơ̆ng păng pơm kiơ̆ dôm lu tơdrong juăt âu, Kră Yang 'Bok Kei-Dei iĕm gô wei nơ̆r pơgơ̆p păng tơdrong 'mêm mơnat mă Sư đei pơkă hăm lu 'bok iĕm sơ̆.

Both 7:13

Kră Yang sư 'mêm mơnat kơ iĕm, ăn tơdrong pŭn hiôk kơ iĕm ăn kơ lu kon sâu iĕm rai lơ hrôh ngôh; Sư gô ăn tơdrong pŭn hiôk kơ lu kon iĕm đơ̆ng blu pôih, ăn tơmam đơ̆ng teh, ăn phe 'ba, hơ'bo, plei hơmu păng đak rơmă plei 'long ôliwơ kơ iĕm, ăn rơmo, triu rai lơ lăm teh đak, mă sư đei pơkă pơkăm boih hăm 'bok iĕm, wă ăn kơ iĕm.

Both 7:8

Mă-lei yua kơ Kră Yang 'mêm kơ lu iĕm păng wei nơ̆r pơkă hăm lu 'bok iĕm sơ̆, Kră Yang yua tơpang ti pran kơtang Sư dui lu iĕm lĕch hlôi đơ̆ng pơm đĭch păng dŏng pơklaih đơ̆ng tơpang ti Pharaôn, pơtao dêh Êyiptơ.

Both 8:1

Lu iĕm athei kơchăng pơm kiơ̆ bĕ đĭ dôm nơ̆r tơtă mă đơ̆ng inh roi ăn kơ lu iĕm năr âu, wă kơ lu iĕm arih, gơh pơjing băl rai lơ, na mơ̆t iŏk dêh mă Kră Yang đei pơkă pơkăm hăm lu 'bok iĕm sơ̆.

Both 9:5

Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.

Hêbrơ 6:13

Kiơ̆ kơ tơdrong juăt kon bơngai, mưh wă pơkă băl tơdrong kiơ wă kơ kơjăp, sư pao anăn tơ'ngla Kră Yang sư kơdih wă kơ đĭ-đăng bơngai lui kơ nơ̆r sư. Kơplah 'Bok Kei-Dei pơkă kơ Abraham sơ̆, Sư wă kơ đe băt kơ Sư gô tơgŭm tơpă, na Sư ưh kơ đei pao anăn bu nai ôh yua kơ ưh kơ đei bu tih hloh kơ Sư, Sư pao anăn Sư kơdih đĕch. Sư khan kơ Abraham thoi âu: “Inh wă tơgŭm ih tơpă, Inh gô ăn kơ ih đei lu kon sâu lơ.” Abraham lui tơpă, sư chang gô truh tơ 'Bok Kei-Dei ăn kơ sư tơpă.

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Lu 2:1

Linh jang 'lơ̆ng Kră Yang năm tŏk đơ̆ng pơlei Gilgal truh tơ Bôkim păng khan thoi âu: Inh chông ba lu iĕm hlôi đơ̆ng dêh Êyiptơ boih, ba iĕm mơ̆t tơ dêh char mă Inh đei pơkă hăm 'bok yă wă ăn kơ adrĕch adrung lu sư. Inh đei khan kơ iĕm. ‘Inh ưh kơ đei layơ hŭt lê̆ dôm tơdrong mă Inh pơkă hăm lu iĕm;