Both 1:7 - Sơ̆p Hlabơar Nơ̆r 'Bok Kei-Dei

⁷ Năm bĕ yak dăr dơ̆ng năm tơklă tơ kông groi kon pơlei Amôrit kư̆m năm truh tơ lu tơring jê̆ lu sư lăm thŭng glă Araba păng tơ kông groi bơmơ̆t teh dơnă tơ tơring gah gơal rok cheng đak dơsĭ, mơ̆t tơ dêh kon pơlei Kanaan păng char Liban, truh tơ đak krong tih noh krong Ơphrat.

Both 1:7 Iomraidhean Croise

Bl 12:9

Đơ̆ng rŏng, Abram yak rah pơm rah bơsŭn 'net 'net dĭng truh tơ gah gơal, anăn Nêgeo.

II Sam 8:3

Đawit blah Hadadêser kon tơdăm pơtao Rêhôp dêh Sôba; kơplah pơtao 'nâu oei wă năm lăm tơring đak Krong Ơphrat wă pơdơ̆ng ming 'blŏk kơ tơdrong sư pơgơ̆r.

I Ho 18:3

Đawit tơblah hăm Hadadêser pơtao Sôba truh tơ pơlei Hamat, kơplah sư pơjing kơjăp tơdrong sư wei-lăng truh tơ đak Krong Ơphrat.

I Ho 27:29

Sitrai, bơngai Sarôn, wei-lăng lu khŭl rơmo lăm tơmăn glă Sarôn. Saphat kon drŏ-nglo Attai wei-lăng khŭl rơmo lăm thŭng dơnă;

I Ho 5:9

Gah hơlĕch sư oei tơ char glă mă să truh tơ đak Krong Ơphrat, yua kơ khŭl sem dơrong lu sư chek hrôh rai lơlap lơlang lăm dêh Gileat.

Le 23:31

Inh gô chĕng hơdral iĕm iŏk đơ̆ng đak dơsĭ 'brê truh tơ đak dơsĭ Philistin, a đơ̆ng char glă truh tơ đak glung tih;b yua kơ inh gô pơjao adrĕch adrung 'noh lăm tơpang ti ih păng ih gô puh lu sư weh đơ̆ng anăp iĕm.

Am 2:9

Mă-lei ră, inh pơrăm boih bơngai Amôrit 'bơ̆t anăp lu sư, khŭl bơngai mă tih kơjung dang 'long Sêđar păng pran thoi tơm 'long kôih. Inh pơrăm boih lu plei sư kơpal păng rơh lu sư tơ ala sŭng.

Jo 10:12

Lu kon pơlei Isơrael, pơm kiơ̆ tơdrong tơdă lê̆ boih lu sư năm lĕch đơ̆ng char glă Sinai păng hơmơ̆l dơ̆ng 'bơ̆t char glă Pharan:

Both 1:19

Lu bơ̆n yak đơ̆ng Hôrêp năm rok hlôi kơ char glă să păng krưp dêh mă lu iĕm 'bôh boih. Rok tơklă kông groi kon pơlei Amôrit, kiơ̆ thoi Kră Yang 'Bok Kei-Dei bơ̆n đei pơkă kơ bơ̆n, đơ̆ng noh lu bơ̆n truh tơ Karđes Parnêa.

Both 11:11

Mă-lei dêh lu iĕm gô năm mơ̆t iŏk noh, jơ̆ minh dêh đei kông groi păng teh dơnă 'lơ̆ng, yua đak 'mi đơ̆ng plĕnh ruh hngôm.

Both 11:24

Tơ anih ayơ tơpang jơ̆ng lu iĕm juă, tơ noh jing anih lu iĕm. Teh hơdral lu iĕm đơ̆ng char glă truh tơ Liban đơ̆ng Krong Ơphrat truh tơ dơsĭ gah bơmơ̆t.a

Jôsuê 1:4

Teh lu iĕm să iŏk đơ̆ng tơmăn glă păng kông Liban âu truh tơ đak Krong Tih, noh krong Ơphrat păng đĭ kơ dêh char kon pơlei Hêtit, truh tơ đak Dơsĭ Tih tơ gah 'năr mơ̆t.

Jôsuê 10:40

Thoi noh Jôsuê blah iŏk đĭ pơlei đĭ tơring char, tơ gah tơring groi kông, tơring gah gơal, tơring gah groi bơmơ̆t. Tơring tơter kông krang gah hơlĕch păng lu pơtao kơ tơring noh, ưh kơ đei lê̆ bu oei arih, kiơ̆ thoi đơ̆ng nơ̆r Kră Yang 'Bok Kei-Dei Isơrael đei pơkă.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

Jôsuê 9:1

Đĭ-đăng lu pơtao gah bơmơ̆t kơ đak Krong Jôrđăn đei kơtơ̆ng tơdrong âu, lu pơtao oei lăm bri kông, lăm thŭng dơnă, ala jơ̆ng kông gah bơmơ̆t păng tơring rok tơter đak Dơsĭ Tih truh tơ Liban, noh lu pơtao kon pơlei Hêtit, kon pơlei Amôrit, kon pơlei Kanaan, kon pơlei Perêsit, kon pơlei Hêwit, kon pơlei Jêbus,

Tơdrông Tơ'bôh 9:14

sư pơma kơ linh jang mă tơdrâu thoi âu: “Ih năm yaih achăng puăn 'nu yang mă đe chô̆ kron lu sư tơ jih đak krong Êphrat.”