Both 1:28 - Sơ̆p Hlabơar Nơ̆r 'Bok Kei-Dei

²⁸ Lu bơ̆n wă năm tơ yơ? 'Nhŏng oh lu bơ̆n pơm kơ lu bơ̆n hli na khan: Adrĕch noh tih păng kơjung hloh kơ lu bơ̆n; pơlei lu sư ei tih păng man dur kơjăp kơjung truh tơ plĕnh; tơ noh lu nhôn kư̆m 'bôh lu kon sâu kon pơlei Anakim tih kơjung.

Both 1:28 Iomraidhean Croise

Bl 11:4

Na khan thoi âu: “'Nâu bơ̆n athei pơjing minh pôm pơlei tih păng pơm hnam Thôt tŏk-bŏk pơlei, kơjung truh tơ plĕnh;a bơ̆n athei pơm ư-ang kơ bơ̆n; hli kơ bơ̆n tơklah tơklang tơ jơ̆p-jang kơpal teh đak âu.”

Le 15:15

Lu kră pơgơ̆r Eđôm hli tơrơ rŭng răng dêh. Dôm lu kră pơgơ̆r char Môap dai hli tơtơ̆; Đĭ-đăng kon pơlei lăm char Kanaan jơhngơ̆m rŭng răng đĭ.

Êsai 13:7

Yua kơ thoi noh bơih na jơ̆ng ti đĭ rơdu, jơhngơ̆m rim 'nu kon bơngai đĭ hơwơ̆l hơwang.

Êsêkiên 21:7

Tơdah lu sư jet ih: Yua kơ kiơ ih ôr krao? Ih tơl tơwih khan: Noh yua kơ đei kơtơ̆ng tơdrong 'nao truh, pơm kơ rim jơhngơ̆m gô pơchah hach, lu ti gô rơdu, jơhngơ̆m đon tơchĕng gô hơngơ̆t; gô rơdu. Tơdrong noh gô truh, nơ̆r noh gô đei tơpă, Kră Yang khan thoi noh!

Both 1:29

Na inh khan kơ lu iĕm: Lu iĕm 'nĕ kơ hli tơrơ kơ kiơ.

Both 2:10

Adrol sơ̆, kon pơlei Êmim oei tơ noh, jơ̆ minh adrĕch kon pơlei tih, lơ, akâu tih hơbŏ thoi adrĕch bơngai Anakim.

Both 20:20

Lu iĕm athei pơrăm păng kăl lu 'long ưh kơ đei plei sa; yua bĕ lu 'long noh pơm kơđông anih wă tơblah hăm pơlei, dĭng mă lu iĕm gơh mơ̆t blah iŏk.

Both 20:8

Lu yŏng pơgơ̆r linh khan dơ̆ng hăm lu linh: Bơngai bu hli tơrơ? Brŏk bĕ tơ hnam sư, kơnh jơhngơ̆m 'nhŏng oh wang hơdai hli thoi sư mơ̆n,

Both 7:17

Lu iĕm 'nĕ kơ khan lăm jơhngơ̆m iĕm: Lu adrĕch 'nâu lơ pran hloh kơ bơ̆n, liơ bơ̆n gơh kĕ puh tơweh lê̆ lu sư?

Jôsuê 11:22

Ưh pă đei minh 'nu bu bơngai Anakim oei hơdai lăm char lu bơngai Isơrael; oei đei đăi arih lăp lu bơngai lăm pơlei Gasa, pơlei Gat păng lăm pơlei Asdôt.

Jôsuê 14:8

Mă-lei lu 'nhŏng oh tŏk năm kiơ̆ hơdai inh pơm kơ jơhngơ̆m kon pơlei hli jing rơdu, lei ră inh kiơ̆ boih Kră Yang 'Bok Kei-Dei inh đĭ jơhngơ̆m.

Jôsuê 15:14

Đơ̆ng pơlei Hêbrôn Kalep puh tơweh pêng adrĕch Anak noh adrĕch Sêsai, Ahiman păng Thalmai noh adrĕch adrung Anak ngăl.

Jôsuê 2:11

Lu nhôn kư̆m hlôi băt tơdrong noh, jơhngơ̆m hli mah hach hiong thoi đak ro, ưh kơ đei bu lăm lu nhôn wă nuih blah lu iĕm dơ̆ng, yua kơ Kră Yang 'Bok Kei-Dei lu iĕm boih Kră Yang 'Bok Kei-Dei tih hloh, mă oei tơ kơpal plĕnh ti păng ala teh âu.

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.

Lu 1:10

Đơ̆ng noh lu sư blah kon pơlei Kanaan oei tơ Hêbrôna păng blah Sêsai, Ahiman, hăm Tanmai.

Lu 1:20

Kiơ̆ kơ Môis athei, lu sư jao pơlei Hêbrôn ăn kơ Kalep. Kalep pơpuh tơweh pêng 'nu kon drŏ-nglo Anak lĕch đơ̆ng pơlei ei.