Both 1:11 - Sơ̆p Hlabơar Nơ̆r 'Bok Kei-Dei

¹¹ Apinh Kră Yang 'Bok Kei-Dei 'bok lu iĕm pơm kơ lu iĕm chek lar rai lơ rơbâu hơtăl păng ăn pŭn hiôk, kiơ̆ kơ Sư đei khan pơkă boih kơ lu iĕm.

Both 1:11 Iomraidhean Croise

Bl 15:5

Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 26:4

Inh gô ăn thim kơ adrĕch adrung ih lơ thoi sơnglŏng tơ plĕnh ti: Gô ăn kơ lu sư dêh char âu đĭ-đăng kon bơngai jơ̆p pơlei pơla lăm teh đak gô đei tơdrong pŭn hiôk đơ̆ng lu sư,

Bl 49:25

Kră Yang 'Bok Kei-Dei đơ̆ng 'bă gô tơgŭm e; Kră Yang mơsêh mơyang gô ăn pŭn hiôk kơ e, Wă khan tơdrong pŭn hiôk jruh đơ̆ng plĕnh. Hăm tơdrong pŭn hiôk jruh đơ̆ng anih jrŭ. Tơdrong pŭn hiôk đơ̆ng toh păng đơ̆ng lăm klak mĕ.

II Sam 24:3

Jôap tơl: “Apinh Kră Yang 'Bok Kei-Dei ih, ăn kơ ih đei minh khŭl linh tơpôl lơ hloh kơ hrĕng wơ̆t khŭl linh mă đei dang ei. Apinh ăn kơ măt ih kơdih yŏng tơ'ngla inh gơh 'bôh tơdrong noh. Mă-lei liơ pơtao yŏng tơ'ngla inh 'maih pơm tơdrong 'nâu?”

I Ho 21:3

Mă-lei Jôap khan: “Apinh Kră Yang pơthim kon pơlei pơla Sư minh-hrĕng wơ̆t lơ hloh! Ơ yŏng pơtao inh, ưh kơ trŏ đĭ-đăng lu sư jing kon pơlei ih hă? Yua kơ kiơ ih wă pơm tơdrong âu? Ih wă kơ bơngai Isơrael pơm yoch hă?”

Horiso 115:14

Apinh Kră Yang ăn kơ iĕm hrôh ngôh. Ăn kơ lu iĕm păng lu kon sâu iĕm.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Êsêkiên 16:7

Inh ăn kơ ih wơ̆ tih thoi 'long lăm mir, wơ̆ tih kơjung. Truh ih iung adruh wơ̆ 'lŏ, sŏk ih bluh kơjung, kơtơh ih rai tih mă-lei ih oei hang-hông koh hoh.

Jo 22:12

Kră Yang 'Bok Kei-Dei khan kơ Balaam thoi âu: “Ih 'nĕ kơ năm hơdai lu sư, 'nĕ kơ hiap khŭl kon pơlei 'nâu yua kơ adrĕch kon pơlei 'nâu lu sư đei tơdrong pŭn hiôk.”

Jo 6:27

Lu sư athei dan 'măn anăn Inh tơ kơpal lu kon pơlei adrĕch Isơrael thoi noh, lei na Inh gô ăn tơdrong pŭn hiôk kơ lu sư.

Both 1:10

Kră Yang 'Bok Kei-Dei lu iĕm ăn kơ iĕm bơngai rai lơ, năr 'nâu lu iĕm lơ thoi sơnglŏng kơpal plĕnh.

Both 1:12

Minh 'nu inh bơ̆jang pơm liơ gơh kĕ pŭ dôm tơdrong anat anot păng tơdrong lu kon pơlei pơjah pơjăng băl?

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 10:22

Kơplah 'bok lu iĕm jur tơ dêh Êyiptơ, đei lăp tơpơh-jĭt 'nu đĕch; mă dang ei, Kră Yang 'Bok Kei-Dei ăn kơ iĕm lơ thoi sơnglŏng tơ kơpal plĕnh ti.

Both 28:62

Kon bơngai iĕm lơ thoi sơnglŏng kơpal plĕnh mă-lei oei pă tŏ sĕt, yua kơ iĕm ưh kơ wă mơ̆ng nơ̆r Kră Yang 'Bok Kei-Dei iĕm.