Bl 9:6 - Sơ̆p Hlabơar Nơ̆r 'Bok Kei-Dei

⁶ Thoi noh bơngai bu mă pơlôch đe, na kư̆m đei đe nai pơlôch sư, yua kơ Kră Yang 'Bok Kei-Dei pơjing lu iĕm hơbŏ thoi rup sư.

Bl 9:6 Iomraidhean Croise

Bl 4:14

Âu, năr 'nâu, Ih pơpuh inh đơ̆ng teh âu, inh weh đơ̆ng muh măt Ih, gô thông mang huang jơ̆p kơ teh đak, đơ̆ng noh dah đei bu tơ'bơ̆p inh, sư gô pơlôch inh.”

Bl 42:22

Rubên tơl; Hăm trŏ kơ inh khan kơ lu đe oh khan: 'Nĕ kơ pơm yoch kơ bơngai 'lơ̆p noh? Mă-lei lu iĕm ưh kơ mơ̆ng, 'nâu dang tơiung pham sư tuh kơ lu bơ̆n.

Bl 5:1

Âu boih sơ̆p hla bơar chih răk adrĕch adrung Ađam. Năr mă Kră Yang 'Bok Kei-Dei pơjing kon bơngai, Sư pơjing kon bơngai hơbŏ thoi Kră Yang 'Bok Kei-Dei.

II Sam 4:11

Pơma kơ kiơ kơ lu bơngai pơm kơnê̆ pơlôch bơngai 'lơ̆ng oei 'bĭch tep kơpal giơng lăm hnam sư kơdih! Inh wă apinh pham bơngai noh đơ̆ng ti măr iĕm păng inh gô pơlôch măr iĕm dang ei đơ̆ng teh âu.”

I Pot 2:9

Yua kơ thoi noh na dang ei ih 'nĕ kơ jô̆ sư noh ưh kơ đei yoch, yua kơ ih jơ̆ minh 'nu bơngai gơh hơgei, ih băt wă pơm kơ sư thoi yơ, ih athei pơm kơ kơ̆l sŏk ko sư 'bơm pham ngăl na jur tơ dêh atâu.”

II Pot 11:1

Lăp yă Athalia, mĕ pơtao Ahasia 'bôh kon drŏ-nglo sư lôch bơih, sư iung blah hloi, pơlôch đĭ-đăng adrĕch pơtao.

II Pot 11:16

Đe rôp chông yă ei tơ hnam pơtao sư kơplah sư oei rok trong năm mơ̆t tơ anih pơtao 'bơ̆t trong 'măng jang 'măn kơ aseh mơ̆t, na đe pơlôch sư tơ noh.

II Pot 11:20

Đĭ-đăng kon pơlei chơt hiôk ngăl, păng pơlei ei gơh hiôk hơđơ̆ng, đơ̆ng rŏng kơ đe pơlôch yă Athalia hăm đao gưm 'bơ̆t anih hnam pơtao.

II Ho 33:24

Lu yŏng jang kơ sư chă đon wă pơm kơ sư, na pơlôch hloi sư kơtă lăm hnam pơtao.

Horiso 51:4

Inh pơm yoch boih hăm Ih. Lăp minh 'nu Ih đĕch, păng pơm kơnê̆ boih 'bơ̆t anăp Ih. Ih tơpăt, mưh Ih sek tơdrong păng trŏ 'lơ̆ng dah Ih sek tơlang.

Le 20:13

'Nĕ kơ pơlôch bơngai.

Tơdrông Pơđơk 28:17

Bơngai bu tuh pham pơlôch đe, lê̆ sư kơdâu ôn truh tơ lôch; 'nĕ ăn bu tơgŭm sư.

Bôk Bơthô 3:3

Đei năr pơlôch, đei năr ming pơklaih; Đei năr pơrăm, đei năr pơm tơiung;

Lêwi 17:4

na ưh kơ dui ba tơ 'măng Bơsŭn Anih Akŭm, wă pơyơ̆r kơ Kră Yang 'bơ̆t anăp Bơsŭn Anih Akŭm kơkuh kơ Kră Yang, pham noh gô tuh tơpŭ tơdrong yoch kơ bơngai drŏ-nglo noh; sư 'bet tuh pham bơih; đe gô tơlĕch sư đơ̆ng kon pơlei Isơrael.

Lêwi 24:17

Bu mă pơlôch minh 'nu bơngai, đe gô pơlôch sư mơ̆n.

Jo 35:16

Mă-lei dah sư teh đe hăm mam, na lôch hloi, lei bơngai noh jô̆ sư pơlôch bơngai; bơngai mă pơlôch đe noh pơlôch bĕ sư.

Jo 35:25

Khŭl tơpôl kon pơlei athei dŏng tơgŭm pơklaih lu bơngai mă pơlôch đe đơ̆ng ti lu bơngai wă iung kơting păng athei bơngai noh brŏk tơ pơlei tih ôn kơ'nơp, tơ anih mă sư đei kơdâu ôn akâu; păng bơngai noh athei oei tơ noh hloi dĭng truh tơ năr 'bok soi tơm mă đe đei tuh đak rơmă tơ kơ̆l sư noh lôch 'mơ̆i.

Jo 35:33

Lu iĕm 'nĕ kơ pơm kơnê̆ 'mê̆-'mach kơ teh iĕm wă oei; yua kơ đơ̆ng pham pơm mơgrĭ kơ teh đak; ưh kơ đei kiơ mă gơh pơm kơ teh rơgoh dơ̆ng dah đei bơngai tuh pham pơlôch đe, lăp minh tơdrong đĕch pơm mơgrĭ kơ teh, mưh ưh kơ pơlôch plơ̆ sư tuh pham lei ưh kơ gơh huai iŏk teh noh ôh.

Mathiơ 26:52

Na Yêsu khan kơ sư: “Tah lê̆ đao ih tơ anglop bĕ. Bu yua đao, sư gô lôch yua kơ đao mơ̆n.

Rom 13:4

Lu bơngai pơgơ̆r noh lu sư dang jang tơdrong 'Bok Kei-Dei, wă kơ kon bơngai arih hiôk-hian. 'Noh na tơ̆ng bơ̆n pơm kơnê̆, bơ̆n hli kơ lu sư. Lu bơngai pơgơ̆r chĕp tak đao, lu sư trŏ tơdrong gơh chĕp. Yua kơ lu sư jang tơdrong 'Bok Kei-Dei, lu sư gơh rôp phak lu bơngai pơm kơnê̆ mă 'Bok Kei-Dei ưh kơ lăp đon.

I Kor 11:7

Kơplah oei akŭm, drŏ-nglo ưh kơ gơh yơ̆l kiơ ôh yua kơ drŏ-nglo sư hơbŏ thoi 'Bok Kei-Dei. 'Bok Kei-Dei pơjing bơngai drŏ-nglo sư ăn pơgơ̆r lăm tôm tơdrong. Gah bơngai drŏ-kăn 'Bok Kei-Dei pơjao ăn pơm iĕ 'biơ̆ păng chu yom kơ drŏ-nglo pơgơ̆r sư.

Both 19:11

Mă-lei tơdah đei minh 'nu bơngai drŏ-nglo hil areh kơ bơngai rông 'bôt sư, chă đon wă răp pơlôch bơngai noh, bơngai noh lôch, na kơdâu ôn kơ'nơp kơdih lăm minh lu pơlei 'nâu,

Both 5:17

Ih 'nĕ kơ pơlôch bơngai.

Ya 3:9

'Bă tơm bơ̆n 'Bok Kei-Dei pơjing kon bơngai bơ̆n hơbŏ thoi Sư. Bơ̆n băt kơ ư-ang Sư, mă kư̆m băt kơ blei hiap bôl buăl tơduă kon bơngai. 'Noh kư̆m dang bơ̆n blei hiap 'Bok Kei-Dei yua kơ bơ̆n đơ̆ng 'Bok Kei-Dei pơjing.

Tơdrông Tơ'bôh 13:10

Bơngai bu trŏ kơ đe wă tah sư tơ lăm hnam phak sư athei chu kơ đe tah đĕch. Bơngai bu trŏ kơ đe pơlôch păng đao sư athei chu lôch kơ pla đao đĕch. Iĕm băt kơ thoi noh boih, na lu bơngai mă lui athei adrin gơnang kơ 'Bok Kei-Dei đĕch.

Lu 9:56

Thoi noh Kră Yang 'Bok Kei-Dei pơm tơwih kơ Abimêlek yua kơ sư pơm kơnê̆ hăm 'bă sư, yua kơ sư pơlôch tơpơh-jĭt 'nu 'nhŏng oh sư kơdih.

I Sam 15:33

Mă-lei Samuel khan: Dah đao ih pơm boih kơ bơngai drŏ-kăn hiong kon thoi yơ, na mĕ ih kư̆m gô hiong kon thoi noh mơ̆n. Đang kơ pơma, Samuel pơlôch hloi Agak 'bơ̆t anăp Kră Yang tơ Gilgal.