Bl 9:27 - Sơ̆p Hlabơar Nơ̆r 'Bok Kei-Dei

²⁷ Apinh Kră Yang 'Bok Kei-Dei pơih teh mă să kơ Japhet ăn kơ sư oei hơdai hăm Sem; gah Kanaan athei pơm đĭch lu sư.”

Bl 9:27 Iomraidhean Croise

Bl 10:2

Kon drŏ-nglo Japhet anăn Gômer, Magok, Madai, Jawan, Tubal, Mêsiek păng Tiras.

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Bl 9:28

Đơ̆ng rŏng kơ đak lơ̆p, Nôê arih pêng-hrĕng pơđăm-jĭt sơnăm.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 66:19

Inh gô dan minh tơdrong tơdra tơ lăm lu sư; lu bơngai mă lăm lu sư oei arih đơ̆ng tơdrong truh pơmat na inh gô wơh lu sư năm truh tơ jơ̆p-jang teh đak, wă khan truh tơ Tarsis, lu bơngai Phun, Lut, lu kon pơlei gơh hơgei kơ prah hră, lu bơngai Tubal păng Jawan, truh tơ lăm lu bŏl đak dơsĭ ataih, lu anih ưh tam mă kơtơ̆ng anăn Inh păng ưh tam mă 'bôh tơdrong ư-ang Inh, lu sư gô bơtho tơdrong ư-ang Inh tơ jơ̆p kơ teh đak.”

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Jang 17:14

Na lu bơngai lui athei hloi Pôl năm tơ jih đak dơsĭ. Na bre Silas păng Timôthê oei kơtă 'bơ̆t Pơlei Bêrê ei, ưh kơ năm ôh.

Rom 11:12

Yua kơ lu bơngai Isơrael yoch na lu bơngai nai jơ̆p kơ teh đak jing hiôk jơnap. Lu bơngai Isơrael ning-mônh gô lui kơ 'Bok Kei-Dei đĭ. Đĭ-đăng kơ bơ̆n jing hiôk jơnap hloh kơ chăl arih lu bơ̆n sơ̆.

Rom 15:12

Êsai sơ̆ sư kư̆m khan thoi âu: “Đơ̆ng adrĕch adrung Jesê gô đei minh 'nu bơngai iung pơgơ̆r tôm kơ khŭl kon bơngai jơ̆p kơ teh đak. Đĭ-đăng kon bơngai gô gơnang kơ 'Bok ei.”

Êphêsô 2:19

Thoi noh nhôn lăng iĕm dang ei ưh pă thoi tơmoi nai boih, nhôn lăng iĕm thoi 'nhŏng oh pôm pơlei pơla, yua kơ bơ̆n jing kon 'Bok Kei-Dei ngăl boih.

Êphêsô 3:13

Thoi noh na inh apinh iĕm 'nĕ kơ sơ'ngon kơ tơdrong inh pơmat yua kơ iĕm. Inh oei tơ lăm hnam phak kư̆m bưh mơ̆n yua kơ inh wă adrin bơtho tơgŭm iĕm; na iĕm athei hiôk bĕ.

Êphêsô 3:6

Tơdrong 'noh lĕch đơ̆ng tơdrong 'nao 'lơ̆ng Yêsu Krist, na lu iĕm bơngai khŭl nai dang ei kư̆m hơdai đei tơdrong hiôk jơnap noh. Tơdrong hiôk jơnap noh sơ̆ Sư khan wă ăn kơ lu bơngai Juđê nhôn mă dang ei đei truh tơ iĕm boih; bơ̆n dang 'nhŏng oh minh sĕch minh akar. Iĕm klaih đơ̆ng tơdrong yoch oei hiôk jơnap hăm 'Bok Kei-Dei kư̆m thoi 'Bok Kei-Dei ăn kơ lu nhôn mơ̆n.