Bl 9:23 - Sơ̆p Hlabơar Nơ̆r 'Bok Kei-Dei

²³ Mă-lei Sem păng Japhet iŏk ao trăk tơ hơngiĕng măr sư, sư năm kơdŭn wih rŏng na klơ̆p akâu 'bă sư yua kơ măr sư lăng măt tơ nai, na huay kơ 'bôh 'bă sư akâu hoh,

Bl 9:23 Iomraidhean Croise

Bl 9:22

Cham mă 'bă Kanaan 'bôh 'bă sư brao akâu hoh thoi noh na lĕch tơ 'nguaih roi ăn kơ bre 'nhŏng oh sư.

Bl 9:24

Lăp Nôê praih kơ suai boih băt hloi kơ kon sư mă 'barb đei pơm kiơ kơ sư,

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Lêwi 19:32

Lu iĕm athei iung dơ̆ng 'bơ̆t anăp bơngai sŏk ko, lu iĕm athei pơyom kơ bơngai kră păng hli yom kơ 'Bok Kei-Dei Inh boih Kră Yang.

Rom 13:7

Păng yua kơ thoi noh na tơdrong kiơ trŏ kơ bơ̆n ăn, bơ̆n athei ăn; 'bok pơgơ̆r sư wă iŏk thuê̆ đơ̆ng bơ̆n, bơ̆n athei ăn kơ sư; sư wă kơ bơ̆n pơm kiơ, bơ̆n chu pơm.

Galati 6:1

Ơ 'nhŏng oh, dah iĕm 'bôh lu 'nhŏng oh bơ̆n bơngai lui pơm tơdrong yoch, na lu iĕm mă lui kơjăp, iĕm athei tơgŭm sư pơm mă 'lơ̆ng hŏ. Iĕm tơgŭm sư, iĕm kư̆m athei 'mêm mơnat kơ sư mơ̆n, 'nĕ hil kơ sư păng iĕm athei kơchăng akâu iĕm kơdih mơ̆n, hli kơ yang Satan kư̆m wă pơhlŭ pơlung iĕm.

I Tim 5:1

Ih khă lu bơngai kră mă 'lơ̆ng, ih athei pơma lung sư yua kơ sư kră hloh kơ ih; păng ih lăng sư thoi lĕ kơ 'bă ih. Ih lăng lu bơngai drŏ-nglo 'lơ̆p kơ ih kư̆m thoi oh ih mơ̆n.

I Tim 5:17

Lu kră wei-lăng bơngai lui bơngai bu jang 'lơ̆ng iĕm thim 'biơ̆ jên khei sư, mă loi lu bơngai bơtho tơdrong 'Bok Kei-Dei.

I Tim 5:19

Dah đe jâu kơnê̆ kơ kră wei-lăng bơngai lui, ih 'nĕ kơ mơ̆ng sư hŏ, dah minh 'nu bơngai đĕch jâu sư. Dah lu sư 'bar pêng 'nu wă pơma thoi noh tơpă, 'noh ih gơh mơ̆ng păng jet hloi lu sư khan: “Tơdrong kiơ iĕm jâu sư?”

I Pet 2:17

Bơ̆n athei pơhiôk jơhngơ̆m đe ling-lang, băt 'mêm mơnat kơ lu 'nhŏng oh bơngai lui, chu kơ 'Bok Kei-Dei hli kơ bơ̆n pơm ưh kơ lăp kơ Sư păng bơ̆n athei chu yom kơ 'bok pơtao tơm mơ̆n.

I Pet 4:8

Mă loi bơ̆n 'nĕ hiơt kơ tơdrong 'mêm mơnat, dah bơ̆n 'mêm mơnat dih băl bơ̆n huay kơ jô̆ yo kơ tơdrong yoch bôl buăl ôh.