Bl 9:2 - Sơ̆p Hlabơar Nơ̆r 'Bok Kei-Dei

² Lu sem dơrong kơpal teh, lu sem păr kơpal plĕnh păng lu sem brem adrŏ kơpal teh, lu ka lăm đak dơsĭ, đĭ-đăng gô hli păng chu yom kơ iĕm yua kơ Inh jao boih lăm ti lu iĕm.

Bl 9:2 Iomraidhean Croise

Bl 1:21

Kră Yang 'Bok Kei-Dei pơjing lu ka tih păng lu kon sem brem arih lăm đak rai lơ kiơ̆ kơ adrĕch sư. Kră Yang 'Bok Kei-Dei 'bôh tơdrong noh 'lơ̆ng.

Bl 1:26

Kră Yang 'Bok Kei-Dei khan thoi âu: “Bĕ lu bơ̆n pơjing kon bơngai hơbŏ thoi bơ̆n, nhen thoi bơ̆n, wă kơ pơgơ̆r lu ka lăm đak dơsĭ, lu sem păr, lu sem dơrong, lu hơdrông mơmŏ kơpal teh păng jơ̆p-jang kơ teh đak.”

Bl 1:28

Kră Yang 'Bok Kei-Dei ăn pŭn hiôk kơ kon bơngai păng khan thoi âu: “Athei pơjing chek lar rai lơ, wă kơ 'bĕnh jơ̆p kơ teh; athei pơm ăn kơ teh đak chu yom, athei pơgơ̆r lu ka lăm đak dơsĭ, khŭl sem păr kơpal plĕnh păng đĭ-đăng kon sem brem adrŏ kơpal teh.”

Bl 2:19

Kră Yang 'Bok Kei-Dei iŏk 'mui teh man pơjing lu kon sem brem, lu sem păr, na năm ba 'bơ̆t anăp Ađam wă kơ sư chă anăn lu sư thoi yơ, wă kơ kon sem kiơ mă Ađam đei anăn ăn đei anăn ei hloi kiơ̆ kơ adrĕch sư.

Bl 35:5

Đơ̆ng noh lu sư pơtơm yak, Kră Yang 'Bok Kei-Dei pơm ăn kơ rim pơlei tăp dăr kơ noh đei tơdrong hli krưp, na lu đe huay kơ druh lu đe Jakôp.

Bl 9:1

Kră Yang 'Bok Kei-Dei ăn pŭn hiôk kơ Nôê păng lu kon drŏ-nglo sư, Sư khan thoi âu: “Athei pơjing adrĕch adrung hrôh ngôh rai lơ dĭng 'bĕnh-'bang kơpal teh.

Bl 9:3

Mă dôm kon sem brem đei tơdrong arih yak mơmŏ kơpal teh gô jing tơmam sa lu iĕm. Inh ăn dôm kon sem brem noh kư̆m thoi Inh ăn boih kơ lu 'bok yă iĕm sơ̆ sa hla 'nhot.

Jop 39:11

Ih hăm wă yua rơmo bri mă pran jăng dêh? Hăm wă jao kơ sư tơdrong jang gleh lap?

Êsêkiên 34:25

Inh gô pơjing tơdrong pơgơ̆p hiôk-hian hăm lu sư. Inh pơpuh lu sem bri đơ̆ng teh weh tơ nai; lei wă kơ lu sư oei sa hiôk-hian tơ anih bri rơwơ̆ng.

Hôsia 2:18

Lăm năr noh, Inh pơgơ̆p kon pơlei Inh hăm lu sem bri, lu sem păr păng lu hơdrông kơep mơmŏ kơpal teh Inh kư̆m gô gơ̆ lê̆ đĭ đao gưm, hră đơ̆ng lăm teh đak âu, pơgăn lê̆ lu tơdrong tơblah tơblŭng păng pơm ăn kơ kon pơlei tep pơdơh hiôk-hian.

Lêwi 26:22

Inh gô ăn sem bri rôp lu kon hơ'lơ̆p iĕm păng kăp sa lu sem dơrong iĕm, pơm kơ kon bơngai iĕm jing kơtuei, tơ trong glung pă đei bu yak năm rơhiăng kơkot.

Lêwi 26:6

Inh gô ăn tơdrong rơnŭk rơnua lăm char iĕm, lu iĕm gô tep pơdơh pă đei hli kơ bu, Inh gô puh đĭ lu sem bri nuih kơtang đơ̆ng char iĕm, đao hơlă pă đei truh bơih tơ char iĕm.

Ya 3:7

Tôm kơ khŭl kon sem brem, mă sem păr, mă 'bih, mă ka oei lăm đak dơsĭ, kon bơngai kư̆m gơh pơjuăt pơđep. Kon bơngai bơ̆n đei pơjuăt pơđep lu sư thoi noh tơpă.