Bl 9:19 - Sơ̆p Hlabơar Nơ̆r 'Bok Kei-Dei

¹⁹ Noh pêng 'nu kon drŏ-nglo Nôê păng đơ̆ng lu sư boih na mă đei kon bơngai jơ̆p kơpal teh.

Bl 9:19 Iomraidhean Croise

Bl 10:1

Âu, adrĕch adrung Sem, Cham păng Japhet, pêng 'nu kon drŏ-nglo Nôê đơ̆ng rŏng kơ đak lơ̆p sư pơjing kon sâu.a

Bl 5:32

Gah Nôê, dĭng truh sư pơđăm-hrĕng sơnăm, sư pơjing pêng 'nu kon drŏ-nglo, Sem, Cham păng Japhet.

Bl 8:17

Athei pơih đĭ lu kon sem arih gah sĕch akar mă oei hơdai ih, lu sem păr, lu sem dơrong, sem brem, lu hơdrông kơep lep-ler mơmŏ kơpal teh, wă kơ lu sư chek lar char kon 'bĕnh kơ teh.”

Bl 9:1

Kră Yang 'Bok Kei-Dei ăn pŭn hiôk kơ Nôê păng lu kon drŏ-nglo sư, Sư khan thoi âu: “Athei pơjing adrĕch adrung hrôh ngôh rai lơ dĭng 'bĕnh-'bang kơpal teh.

Bl 9:20

Đơ̆ng noh Nôê pơtơm choh teh păng pơtăm plei hơmu.

Bl 9:7

Gah lu iĕm athei pơjing adrĕch adrung rai lơ 'bĕnh-'bang jơ̆p-jang kơpal teh đak.”