Bl 9:16 - Sơ̆p Hlabơar Nơ̆r 'Bok Kei-Dei

¹⁶ Thoi noh plĕnh chro gô tơ'bôh tơ hơmơ̆l Inh lăng tơ noh 'blŏk âu boih tơdrong pơgơ̆p ling-lang mă đơ̆ng Inh đei pơkă hăm dôm lu adrĕch mă đei tơdrong arih kơpal teh.”

Bl 9:16 Iomraidhean Croise

Bl 17:13

Bơngai mă hơiơch lăm hnam ih dah ih răt athei kăt tơdra akar ngăl. Nơ̆r pơgơ̆p pơkăm hăm lu iĕm noh jơ̆ tơdra lăm akar lu iĕm wă kơ 'blŏk tơdrong inh pơkă wă tơgŭm iĕm ling-lang.

Bl 17:19

Kră Yang 'Bok Kei-Dei khan dơ̆ng thoi âu: “Sĭt tơpă, Sara, akăn ih, gô pơjing kơ minh 'nu hơ'lơ̆p drŏ-nglo, na ih gô krao anăn sư Isăkc Inh gô pơgơ̆p pơkă hăm sư, wă pơgơ̆p pơkă ling-lang hăm adrĕch adrung sư.

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Bl 9:17

Kră Yang 'Bok Kei-Dei pơma dơ̆ng hăm 'bok Nôê: “Âu boih tơdra gah tơdrong Inh pơgơ̆p hăm dôm lu adrĕch arih kơpal teh.”

II Sam 23:5

Kră Yang 'Bok Kei-Dei sĭt gô tuh ăn tơdrong pŭn hiôk kơ adrĕch adrung inh thoi noh! Yua kơ Sư đei pơjing boih hăm inh tơdrong pơgơ̆p khŏm khŏm. Tơdrong đei pơkă tôm, ưh kơ đei tơplih dôm tơdrong inh hơpơi, sư gô ăn tơdrong noh bluh chăt.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Êsêkiên 34:26

Inh gô ăn dơ̆ng kơ lu sư tơring jum dăr kơ kông inh. Inh gô ăn đak 'mi trŏ kơ bơyan, đak 'mi pŭn hiôk.

Êsêkiên 37:26

Inh gô pơm tơdrong pơgơ̆p hiôk-hian hăm lu sư, noh pơgơ̆p ling-lang lu sư hăm Inh, Inh gô ăn kơ lu sư jing rai lơ. Inh gô 'măn anih rơgoh Inh tơ lăm lu sư ling-lang hlŏng hloi.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.