Bl 9:15 - Sơ̆p Hlabơar Nơ̆r 'Bok Kei-Dei

¹⁵ Na Inh gô 'blŏk tơdrong Inh đei pơgơ̆p boih hăm lu iĕm păng lu kon sem mă đei tơdrong arih na đak ưh kơ đei layơ wă lơ̆p pơrăm pơlôch đĭ dơ̆ng.

Bl 9:15 Iomraidhean Croise

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Bl 9:10

Păng lu kon sem mă oei arih hơdai iĕm, lu sem păr, mă lu sem dơrong, lu sem bri oei kơpal teh, wă khan đĭ lu kon sem brem mă 'nao lĕch đơ̆ng duk mă truh tơ kon sem brem oei kơpal teh.

Bl 9:11

Thoi noh Inh pơjing tơdrong pơgơ̆p hăm lu iĕm păng đĭ-đăng lu kon sem, ưh pă đei layơ đak wă lơ̆p pơlôch dơ̆ng păng kư̆m pă đei khan wă lơ̆p pơrăm teh.”

Bl 9:14

Mưh layơ Inh akŭm đĭ lu hơmơ̆l kơpal teh păng đei plĕnh chroa tơ hơmơ̆l noh.

I Pot 8:23

Păng khan; “Ơ Kră Yang lu bơngai Isơrael, mă oei tơ kơpal plĕnh ti dah tơ anih âu, ưh kơ đei yang nai thoi Ih, Ih 'mêm mơnat kơ lu đĭch đam Ih păng wei răk dôm nơ̆r Ih đei pơkă pơkăm hăm lu sư. Bu mă đĭ jơhngơ̆m năm păng oei hăm Ih.

Ne 9:32

Yua kơ thoi noh na dang ei. Ơ Kră Yang 'Bok Kei-Dei lu nhôn Ih boih Kră Yang 'Bok Kei-Dei tih hloh mơsêh mơyang trŏ kơ hli yom, bơwei tơdrong pơgơ̆p păng tơdrong pơm 'lơ̆ng, 'nĕ lăng tơdrong âu thoi iĕ đĕch 'bơ̆t anăp Ih dôm lu tơdrong jĭ jăn pơmat-tat đei truh boih kơ lu nhôn, tơ lu pơtao păng lu kră pơgơ̆r, tơ lu 'bok soi păng lu 'bok khan lê̆ adrol, kơ 'bok yă lu nhôn păng tơ kon pơlei Kră Yang, đơ̆ng chăl lu pơtao Asiri truh tơ dang ei.

Horiso 106:45

'Blŏk dơ̆ng kơ lu sư, yua đơ̆ng nơ̆r Sư pơgơ̆p. Yua kơ đơ̆ng tơdrong 'mêm mơnat tih Sư 'mêm mơnat kơ lu sư.

Le 28:12

Klaih kơ noh tah 'bar tŏ tơmo gĭt tơ tơlei 'băk tơ hơngiĕng wă pơm 'blŏk hơdơ̆r kơ kon drŏ-nglo Isơrael; Arôn gô 'băk anăn lu sư tơ 'bar pah hơngiĕng sư wă kơ 'blŏk 'bơ̆t anăp Kră Yang.

Je 14:21

'Nĕ kơ achăng lê̆ lu nhôn; yua kơ anăn Ih, 'nĕ pơm kơ anih pơtao ư-ang Ih đe pơjăm, Apinh Ih 'blŏk bĕ nơ̆r Ih đei pơgơ̆p hăm lu nhôn păng 'nĕ kơ tŭk.

Êsêkiên 16:60

Mă-lei, Inh gô 'blŏk tơdrong pơgơ̆p mă Inh đei pơgơ̆p hăm ih kơplah ih oei 'lơ̆p. Inh gô pơm tơdrong pơgơ̆p 'nao khŏm khŏm ling-lang hăm ih.

Luka 1:72

Sư pơm tơdrong noh wă kiơ̆ kơ tơdrong Sư pơkă kơ 'bok kơdră bơ̆n sơ̆, khan gô wă tơgŭm bơ̆n tơpă.

Both 7:9

Thoi noh na iĕm athei băt kơnăl kơ Kră Yang 'Bok Kei-Dei iĕm, 'noh boih Kră Yang 'Bok Kei-Dei, wă khan Kră Yang 'Bok Kei-Dei tơpăt, wei tơdrong pơgơ̆p păng 'mêm truh tơ rơbâu jơhnơr kơ lu bơngai bu mă 'mêm kơ Sư păng wei răk dôm nơ̆r sư tơtă.