Bl 9:13 - Sơ̆p Hlabơar Nơ̆r 'Bok Kei-Dei

¹³ Inh ăn plĕnh chro tơ hơmơ̆l wă pơm tơdra pơgơ̆p inh hăm teh.

Bl 9:13 Iomraidhean Croise

Bl 9:12

Kră Yang 'Bok Kei-Dei khan dơ̆ng: “Âu boih tơdrong, tơdra gah tơdrong pơgơ̆p mă inh pơkă hăm lu iĕm păng đĭ-đăng lu tơmam arih oei hăm lu iĕm rim jơhnơr dĭng truh ning-mônh.

Bl 9:14

Mưh layơ Inh akŭm đĭ lu hơmơ̆l kơpal teh păng đei plĕnh chroa tơ hơmơ̆l noh.

Êsêkiên 1:28

Inh 'bôh hơdah rang tăp dăr thoi plĕnh chro tơ hơmơ̆l wă 'mi. Tơdrong noh thoi 'lơ̆ng rŏ rang mơnhal Kră Yang. Lăp inh 'bôh inh kŭp muh măt tơ teh păng kơtơ̆ng nơ̆r minh 'nu pơma khan.

Tơdrông Tơ'bôh 10:1

Klaih kơ noh dơ̆ng inh 'bôh minh 'nu linh jang 'lơ̆ng nai, sư jur đơ̆ng plĕnh đei hơmơ̆l gom akâu sư thoi hrŭk ao, sư pran tih. Păng đei plĕnh chro wăr kơpal kơ̆l sư; muh măt sư lăng mơnhal dang măt 'năr, jơ̆ng sư 'bak đum thoi pla ŭnh.

Tơdrông Tơ'bôh 4:3

'Bok mă oei tơ tang-dŏ ei inh lăng Sư dang tơmo rang mơnhal, tăp dăr kơ tang-dŏ Sư oei ei đei hơdah jơk thoi plĕnh chro.