Bl 8:9 - Sơ̆p Hlabơar Nơ̆r 'Bok Kei-Dei

⁹ Mă-lei sem kơtơp păr chă lăng ưh tam đei teh hrĕng wă jruh, na sư păr brŏk tơ duk dơ̆ng, yua kơ đak oei jơ̆p-jang kơ teh. Nôê jrơng ti sư sơng iŏk sem kơtơp rôp tơmơ̆t lăm duk hơdai hăm sư.

Bl 8:9 Iomraidhean Croise

Bl 8:10

Đơ̆ng noh sư gô tơpơh năr dơ̆ng, sư achăng sem kơtơp lĕch đơ̆ng duk.

Bl 8:8

Sư kư̆m achăng minh pôm sem kơtơp dơ̆ng, wă kơ băt đak tam hrơ̆ tơ teh.

Horiso 116:7

Ơ bơhngol inh, brŏk dơ̆ng tơ anih pơdơh ih, Yua kơ Kră Yang pơm 'lơ̆ng kơ ih.

Êsai 60:8

Lu đe bu âu, păr thoi hơmơ̆l, thoi sem kơtơp păr wih tơ tơpu sư kơdih?

Êsêkiên 7:16

Dôm lu bơngai ayơ klaih oei arih gô oei tơ kơpal kông nhơ̆m hmoi thoi sem kơtơp lăm pŭng-lŭng, đĭ-đăng lu sư nhơ̆m hmoi yua kơ tơdrong yoch kơdih.

Mathiơ 11:28

“Ơ lu bơngai mă oei pŭ trăp, năm tơ Inh bĕ, lê̆ Inh tơgŭm iĕm pŭ hơiơch.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Both 28:65

Oei lăm teh đak noh, iĕm ưh kơ đei hiôk rơnŭk ôh, ưh kơ đei anih wă ăn kơ kơnơl jơ̆ng iĕm pơdơh ôh. Tơ anih noh Kră Yang gô ăn kơ jơhngơ̆m iĕm hli tơrơ, măt hơ'nhôi, jơhngơ̆m đon ơh sơ'ngon.