Bl 8:20 - Sơ̆p Hlabơar Nơ̆r 'Bok Kei-Dei

²⁰ Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

Bl 8:20 Iomraidhean Croise

Bl 13:18

Na Abram yuih bơsŭn sư năm oei ala tơm 'long kôih tơ Mamrê, gah Hêbrôn păng sư kư̆m đei pơm tơ noh minh pôm chơnang soi kơ Kră Yang.

Bl 13:4

Noh mă anih sư đei pơm chơnang soi adrol ki. Tơ noh Abram krao khan anăn Kră Yang.

Bl 22:2

Kră Yang 'Bok Kei-Dei khan thoi âu: “Rôp bĕ Isăk kon pôm ih mă 'mêm kơeng păng năm tơ tơring Môria, tơ anih noh ih pơyơ̆r kon ih pơm tơmam soi 'buh tơ minh anih kơpal kông to mă Inh gô tơ'bôh kơ ih.”

Bl 22:9

Bre sư năm truh tơ anih mă Kră Yang 'Bok Kei-Dei tơ'bôh ăn; tơ noh Abraham hơmet chơnang soi, dan 'long ŭnh, chô̆ Isăk mă kon sư, dan sư tơ kơpal 'long ŭnh tơ kơpal chơnang soi.

Bl 26:25

Isăk pơm minh pôm chơnang soi kơkuh, krao khan kơ Kră Yang păng pơm pơlei oei tơ noh. Đơ̆ng noh; lu đĭch đam sư sir minh pôm sơlŭng đak tơ anih noh.

Bl 33:20

Tơ anih noh sư pơm chơnang soi, sư anăn Êl Êlôhe Isơraelc

Bl 35:1

Kră Yang 'Bok Kei-Dei khan kơ Jakôp thoi âu: Iung bĕ, weh năm tŏk oei tơ Bethel. Păng pơdơ̆ng tơ noh minh pôm chơnang soi ăn kơ Kră Yang 'Bok Kei-Dei, Kră Yang mă đei tơ'bôh boih kơ ih kơplah ih kơdâu ôn kơ Êsâu 'nhŏng ih.

Bl 35:7

Jakôp pơm tơ noh minh pôm chơnang soi, sư anăn anih âu El Bethela Yua kơ tơ âu Kră Yang 'Bok Kei-Dei tơ'bôh akâu Sư kơ Jakôp 'bơ̆t năr sư kơdâu đơ̆ng 'nhŏng sư Êsâu.

Bl 4:4

Abel kư̆m pơyơ̆r kon triu tuh blŭng-a hăm rơmăa sư kơ Kră Yang 'Bok Kei-Dei, Kră Yang lăng gah Abel păng iŏk tơmam soi sư.

Bl 7:2

Lăm lu kon sem brem 'lơ̆ng rơgoh, ih athei anhăk ba minh adrĕch tơpơh hơgrop, tơno păng akăn; gah lu sem brem mă ưh kơ 'lơ̆ng rơgoh minh adrĕch minh hơgrop, wă kơ pơm adrĕch jơ̆p kơpal teh đak.

Bl 7:3

Ih kư̆m athei anhăk ba lu sem păr, rim khŭl tơpơh hơgrop tơmông păng yŏng, wă kơ ih wei sư arih chek lar jơ̆p kơpal teh.

Bl 8:19

Lu sem brem, lu sem păr păng đĭ-đăng lu sem brem arih kơpal teh kiơ̆ kơ adrĕch lĕch đĭ-đăng đơ̆ng duk.

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Le 10:25

Mă-lei Môis tơl khan: Ih ăn bĕ kơ lu nhôn kon sem dơrong pơm tơmam soi sơmah pơyơ̆r 'buh ăn kơ Kră Yang 'Bok Kei-Dei lu nhôn.

Le 29:18

Na 'buh pơđĭ triu tơno noh tơ kơpal chơnang soi; 'noh jing tơmam soi 'buh, đei 'bâu phu pơyơ̆r kơ Kră Yang, wă khan tơmam soi 'buh păng ŭnh pơyơ̆r ăn kơ Kră Yang.

Le 29:25

Klaih kơ noh ih athei iŏk đơ̆ng tơpang ti lu sư, athei ba soh tơ kơpal chơnang soi, tơ kơpal tơmam soi sơmah 'buh, wă kơ 'bâu phu 'bơ̆t anăp Kră Yang, 'noh jing tơmam soi yua soh lăm ŭnh ăn kơ Kră Yang.

Jo 7:21

minh pôm kon rơmo dăm, minh pôm triu kon tơno, minh pôm triu kon tơno minh sơnăm, yua wă pơm tơmam soi 'buh,

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Hêbrơ 13:10

Yêsu soi akâu Sư kơ 'Bok Kei-Dei sơ̆ kư̆m thoi tơmam đe soi kơ 'Bok Kei-Dei tơ anih giĕng tih. Mă dôm tơmam đe soi tơ lăm anih giĕng tih noh, đĭ-đăng kơ lu bơngai jang lăm hnam 'Bok Kei-Dei ưh kơ đei bu gơh sa; mă-lei kư̆m dang bơ̆n gơh sa mơ̆n, yua kơ Yêsu khan bơ̆n gơh sa akâu Sư, huch pham Sư.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.