Bl 7:4 - Sơ̆p Hlabơar Nơ̆r 'Bok Kei-Dei

⁴ Yua kơ pă tơpơh năr dơ̆ng, inh gô ăn 'mi jruh tơ teh, lăm puăn-jĭt năr puăn-jĭt măng; Inh gô pơrăm lê̆ đĭ kơpal teh mă dôm kon sem brem mă đĭ adrĕch đơ̆ng inh đei pơjing.”

Bl 7:4 Iomraidhean Croise

Bl 2:5

Kơplah noh tam mă đei 'long pơle chăt ôh tơ bri brah, kư̆m tam mă đei ôh minh tơnơm 'nhĕt 'nhot chăt lăm mir, chŭn, yua kơ Kră Yang 'Bok Kei-Dei tam mă ăn đak 'mi jur tơ teh păng kư̆m tam mă đei bu choh pơtăm mơ̆n.

Bl 6:13

Kră Yang 'Bok Kei-Dei khan kơ Nôê thoi âu: “Inh gô pơrăm đĭ kon bơngai, yua kơ đơ̆ng kon bơngai na teh âu 'bĕnh kơ tơdrong kơnê̆. Thoi noh inh gô pơrăm lu sư hơdai hăm teh.

Bl 6:17

Gah Inh, Inh gô ăn đak lip jơ̆p kơpal teh âu, wă pơrăm đĭ lu adrĕch sĕch akar mă đei dui jơhngơ̆m păng kial mă oei ala plĕnh, đĭ-đăng lu kon sem brem kơpal teh gô lôch goh đĭ.”

Bl 6:3

Kră Yang khan thoi âu: “Yang Bơhngol Inh ưh kơ oei lăm kon bơngai ling-lang ôh; yua kơ kon bơngai jơ̆ sĕch akar đĕch, chăl arih lu sư lăp minh-hrĕng 'bar-jĭt sơnăm đĕch.”

Bl 6:7

Kră Yang khan thoi âu: “Inh gô pơrăm lê̆ đĭ kon bơngai kơpal teh mă đêl Inh pơjing, đơ̆ng kon bơngai truh tơ lu kon sem brem, lu hơdrông kơep lep-ler, lu sem păr, yua kơ inh hmach kơdih akâu đei pơjing boih lu sư noh.”

Bl 7:10

Đơ̆ng rŏng kơ tơpơh năr, đak pơtơm jur jơ̆p kơpal teh.

Bl 7:12

'Mi jruh tơ teh lăm puăn-jĭt năr, puăn-jĭt măng.

Bl 7:17

Đak lơ̆p kơpal teh puăn-jĭt năr puăn-jĭt măng, đak tŏk kơjung tưk duk kư̆m rai kơjung đơ̆ng teh dơ̆ng kơpal đak.

Bl 7:3

Ih kư̆m athei anhăk ba lu sem păr, rim khŭl tơpơh hơgrop tơmông păng yŏng, wă kơ ih wei sư arih chek lar jơ̆p kơpal teh.

Bl 8:10

Đơ̆ng noh sư gô tơpơh năr dơ̆ng, sư achăng sem kơtơp lĕch đơ̆ng duk.

Bl 8:12

Sư gô tơpơh năr đơ̆ng rŏng dơ̆ng achăng dơ̆ng sem kơtơp lĕch, mă-lei sem kơtơp ưh pă brŏk tơ sư dơ̆ng.

Bl 8:2

Lu tu đak jrŭ păng lu bơnơ̆ tơ plĕnh tơlir dơ̆ng; 'mi đơ̆ng plĕnh ưh kơ jur tơ teh boih.

Jop 22:16

Đe rôp ba pơlôch lu sư adrol kơ năr pơkă, tơm tơdrong arih lu sư đe tơhiong hoch ro kiơ̆ đak glung;

Jop 28:25

Layơ Sư ăn tơdrong kơtang kơ kial. Gơh kŏng tơng lăng đak.

Horiso 69:28

Sŭt lê̆ anăn lu sư đơ̆ng lăm sơ̆p hla bơar tơdrong arih. Ưh kơ gơh chih tơmơ̆t hơdai hăm lu bơngai tơpăt

Je 28:16

Thoi noh, Kră Yang khan: 'Nâu; Inh gô ba ih weh đơ̆ng kơpal teh âu; sơnăm âu ih gô lôch; yua kơ ih đei pơma iung blah hăm Kră Yang.”

Am 4:7

Inh kư̆m ưh kơ ăn đak 'mi jur tơ lu iĕm lăm pêng khei adrol kơ bơyan kĕch yuă inh ăn boih 'mi tơ pơlei tih 'nâu mă-lei ưh kơ ăn 'mi tơ pơlei tih nai. Chŭn âu đei 'mi boih, mă-lei mir to ưh kơ đei 'mi na jô kro đĭ.

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.