Bl 7:21 - Sơ̆p Hlabơar Nơ̆r 'Bok Kei-Dei

²¹ Đĭ-đăng dôm lu adrĕch sĕch akar arih kơpal teh lôch glơ̆k, mă lu sem păr, mă lu kon sem dơrong, kon sem bri, mă kon hơdrông kơep lep-ler păng đĭ kon bơngai.

Bl 7:21 Iomraidhean Croise

Bl 1:25

Kră Yang 'Bok Kei-Dei pơjing kơ lu sem bri kiơ̆ kơ adrĕch păng lu hơdrông kơep lep-ler, lu sem dơrong kiơ̆ kơ adrĕch. Kră Yang 'Bok Kei-Dei 'bôh tơdrong noh 'lơ̆ng.

Bl 6:13

Kră Yang 'Bok Kei-Dei khan kơ Nôê thoi âu: “Inh gô pơrăm đĭ kon bơngai, yua kơ đơ̆ng kon bơngai na teh âu 'bĕnh kơ tơdrong kơnê̆. Thoi noh inh gô pơrăm lu sư hơdai hăm teh.

Bl 6:17

Gah Inh, Inh gô ăn đak lip jơ̆p kơpal teh âu, wă pơrăm đĭ lu adrĕch sĕch akar mă đei dui jơhngơ̆m păng kial mă oei ala plĕnh, đĭ-đăng lu kon sem brem kơpal teh gô lôch goh đĭ.”

Bl 7:4

Yua kơ pă tơpơh năr dơ̆ng, inh gô ăn 'mi jruh tơ teh, lăm puăn-jĭt năr puăn-jĭt măng; Inh gô pơrăm lê̆ đĭ kơpal teh mă dôm kon sem brem mă đĭ adrĕch đơ̆ng inh đei pơjing.”

Jop 34:15

Đĭ-đăng lu sĕch akar gô lôch hơdai. Păng kon bơngai brŏk tơ 'mui teh.

Êsai 24:19

Plei teh pơchah hĕch hoch đĭ, teh đĭ hơđang phơ̆t, teh đĭ pơpơ̆ dêh.

Êsai 24:6

Thoi noh na tơdrong hiap luăn sa teh đak. Lu kon pơlei oei kơpal teh âu, đei pơmat-tat yua kơ tơdrong yoch lu sư kơdih. Yua kơ noh kon bơngai oei kơpal teh ŭnh sa bơih. Păng pă tŏ sĕt đĕch bơngai oei đei.

Hôsia 4:3

Yua kơ thoi noh na lăm char âu đei ơh sơ'ngon, lu bơngai oei lăm noh rơmơ̆n rơmok, lu sem brem, lu sem păr kư̆m lei-lăi, ka lăm đak dơsĭ kư̆m lôch.

Jôel 2:3

Ŭnh sa tơ anăp lu sư, đei ŭnh sa tơ rŏng lu sư, đei pla ŭnh sa pơgoh. Adrol kơ sư teh đak âu thoi pơgar Êđen, truh đơ̆ng rŏng kơ sư weh teh đak noh jing juơ juŏ, păng ưh kơ đei kiơ gơh klĕnh đơ̆ng lu sư ôh.

Jêphania 1:3

“Inh wă pơlôch kon bơngai păng kon sem brem, sem păr păng ka lăm đak dơsĭ, Inh gô tơhuŏng lê̆ lu bơngai pơm kơnê̆; păng Inh gô tơhuŏng lê̆ kon bơngai đơ̆ng kơpal teh.” Kră Yang khan thoi noh.

Mathiơ 24:39

Lu sư ưh kơ kơchăng tơdrong kiơ wă truh kơ lu sư, dĭng đak lơ̆p pơlôch đĭ-đăng lu sư hloi. Na Inh Kon Bơngai gô jur ning-mônh thoi noh mơ̆n.

Luka 17:27

Hơdrol kơ đak lip sơ̆ kon bơngai kư̆m oei pơm sa et pơrŏ, thoi et pơkong, et sa tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i, na truh hĭ kơ đak lip, lu sư lôch đĭ.

Rom 8:20

Sơ̆ 'Bok Kei-Dei lăng dôm tơmam Sư pơjing, Sư lăp đon dêh. Mă-lei dang ei Sư ăn kơ dôm lu tơmam Sư pơjing noh pơmat-tat yua kơ kon bơngai pơm yoch, ưh kơ sĭ yua kơ tơmam noh pơm yoch ôh. Dang ei Sư oei ăn kơ lu tơmam Sư pơjing noh pơmat-tat, ning-mônh Sư ăn hiôk 'lơ̆ng tơpă.

Rom 8:22

Bơ̆n băt lu tơmam 'Bok Kei-Dei pơjing noh kư̆m hơdai pơmat-tat đơ̆ng sơ̆ khơ̆ dang ei, lu sư dang lĕ kơ bơngai drŏ-kăn jĭ anăp wă tơpŭ.

II Pet 2:5

Chăl Nôê sơ̆, 'Bok Kei-Dei kư̆m phak đĭ-đăng kon bơngai ala teh ưh kơ lui kơ Sư, Sư phak hăm đak lơ̆p jơ̆p-jang kơ teh. Sư pơklaih pôm Nôê, yua kơ Nôê sư bơtho khan gah tơdrong tơpăt păng tơpơh 'nu hnam dơnŏ sư.