Bl 7:11 - Sơ̆p Hlabơar Nơ̆r 'Bok Kei-Dei

¹¹ Kơplah noh Nôê tơdrâu-hrĕng sơnăm, khei 'bar năr mơjĭt-tơpơh, trŏ kơ năr noh, dôm lu tu đak đôh pơchah đak bluh đơ̆ng teh, đơ̆ng kơpal plĕnh kư̆m pơih tơjur đak.

Bl 7:11 Iomraidhean Croise

Bl 1:7

Kră Yang 'Bok Kei-Dei pơjing anê̆ rơwơ̆ng noh, klah asong đak tơ ala anê̆ rơwơ̆ng păng đak tơ kơpal anê̆ rơwơ̆ng; na đei hloi thoi noh.

Bl 6:17

Gah Inh, Inh gô ăn đak lip jơ̆p kơpal teh âu, wă pơrăm đĭ lu adrĕch sĕch akar mă đei dui jơhngơ̆m păng kial mă oei ala plĕnh, đĭ-đăng lu kon sem brem kơpal teh gô lôch goh đĭ.”

Bl 7:6

Kơplah đak lơ̆p, lah lai jơ̆p kơpal teh, Nôê đei tơdrâu-hrĕng sơnăm boih.

Bl 8:14

Truh khei 'bar, năr 'bar-jĭt tơpơh, teh hrĕng boih.

Bl 8:2

Lu tu đak jrŭ păng lu bơnơ̆ tơ plĕnh tơlir dơ̆ng; 'mi đơ̆ng plĕnh ưh kơ jur tơ teh boih.

II Pot 7:19

Yŏng linh kư̆m tơl Êlisê bơngai mă Kră Yang 'Bok Kei-Dei yua: “Mă khan Kră Yang pơih dôm lu 'măng-'mŏk tơ plĕnh ti ră, tơdrong 'nei gơh đei hă?” Na Êlisê khan dơ̆ng: “Măt ih gô 'bôh tơdrong 'noh, mă-lei ih ưh kơ đei sa ôh.”

II Pot 7:2

Yŏng linh mă jê̆ pơtao, sư tơl nơ̆r Êlisê bơngai mă Kră Yang 'Bok Kei-Dei yua: “Mă khan Kră Yang pơih dôm lu 'măng-'mŏk tơ plĕnh ti, tơdrong noh gơh đei hă?” Êlisê tơl: “Măt ih gô 'bôh tơdrong noh, mă-lei ih ưh kơ đei sa ôh.”

Jop 12:15

Sư bơ̆ găn lê̆ đak, đak glung hrơ̆ hrĕng hloi; Sư ăn 'mi đak lơ̆p kơ teh hloi,

Jop 28:4

Đe sir trong sơlŭng ataih đơ̆ng anih kon bơngai oei, Tơ lăm anih rơwơ̆ng ưh kơ đei jơ̆ng bơngai bu năm truh; Lu sư chô̆ hơtol akâu hăm tơlei bơ̆jang ataih kơ bơngai nai.

Jop 38:16

Hăm đei layơ ih jur truh tơ tu đak dơsĭ? Dah yak năm tơ jrŭ ala kơđĕl đak dơsĭ?

Jop 38:37

Bu gơh yua tơdrong hơgei na jô̆ lu hơmơ̆l? Dah hăm đei bu gơh gơling tuh ge đak đơ̆ng plĕnh

Horiso 33:7

Sư akŭm mong đak dơsĭ lăm đak poh-yă, Păng 'măn lu đak jrŭ lăm hnam mong lu sư.

Horiso 74:15

Ih boih pơih tu đak lĕch ăn kơ krong đei đak ro, păng pơhrơ̆ lê̆ lu đak krong tih.

Tơdrông Pơđơk 3:20

Hăm tơdrong hlôh wao Sư lu sơlŭng jrŭ bluh đak, Păng hơmơ̆l đei đak ngom.

Êsai 24:18

Bơngai ayơ kơdâu ôn đơ̆ng tơdrong hli tơrơ gô huŏng lăm sơlŭng; tŏk hlôi đơ̆ng sơlŭng gô hrơ̆p hơnhuăl, lu 'măng-'mŏk tơ kơpal plĕnh pơih lê̆ bơih, lu hơnă tơ ala teh pơpơ̆ đĭ.

Êsai 24:19

Plei teh pơchah hĕch hoch đĭ, teh đĭ hơđang phơ̆t, teh đĭ pơpơ̆ dêh.

Je 5:22

Kră Yang khan: “Hăm trŏ lu iĕm athei hli kơ Inh hă? Hăm trŏ lu iĕm athei tơtơ̆ tơrơ 'bơ̆t anăp Inh? Inh boih Tơ'ngla iŏk chuơh bơ̆ găn hơdral đak dơsĭ, Pơm bơnơ̆ hơdral ling-lang, Đak dơsĭ ưh kơ kĕ lĕch ro hlôi, Poh-yă tih tŭn kư̆m ưh kơ kĕ pơchah. Mă khan lu sư blŭng kư̆m ưh kơ kĕ klĕch hlôi.

Je 51:16

Tơdah Sư pơma, đei jơwa lu đak tơ plĕnh pơpơ̆; Sư ăn kơ hơyuh đak tŏk đơ̆ng tôch kơ teh. Sư ăn kơmlat hơdai hăm đak 'mi, tơlĕch kial đơ̆ng lăm anih 'mong sư.

Êsêkiên 26:19

'Nâu nơ̆r Kră Yang khan: Mưh Inh pơm kơ ih jing juơ tơtŭng, nhen thoi pơlei ưh kơ đei bơngai oei: Mưh Inh ba anih jrŭ păng đak tih lơ̆p ih,

Malachi 3:10

Lu iĕm athei pơyơ̆r iŏk minh lăm mơjĭt tah tơ lăm pơk Inh, wă kơ đei tơmam sa lăm hnam Inh; păng đơ̆ng năr âu lu iĕm athei pơlong lăng Inh, Kră Yang Tih Hloh khan, lăng Inh hăm pơih lu 'măng-'mŏk tơ kơpal plĕnh ti tuh ăn tơdrong pŭn hiôk kơ lu iĕm dĭng truh anih mong pă đei!

Mathiơ 24:38

Hơdrol kơ đak lip sơ̆, kon bơngai oei sa et pơrŏ tơdrong iŏk klo kăn, tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

II Pet 3:6

Sơ̆ Sư wă pơrăm teh, ăn đak lơ̆p jơ̆p-jang, teh jing răm hloi tơpă.