Bl 6:7 - Sơ̆p Hlabơar Nơ̆r 'Bok Kei-Dei

⁷ Kră Yang khan thoi âu: “Inh gô pơrăm lê̆ đĭ kon bơngai kơpal teh mă đêl Inh pơjing, đơ̆ng kon bơngai truh tơ lu kon sem brem, lu hơdrông kơep lep-ler, lu sem păr, yua kơ inh hmach kơdih akâu đei pơjing boih lu sư noh.”

Bl 6:7 Iomraidhean Croise

Bl 6:6

Na Sư hmach kơdih Sư kơ tơdrong pơjing boih kon bơngai kơpal teh păng Sư sơ'ngon lăm jơhngơ̆m.

Bl 7:21

Đĭ-đăng dôm lu adrĕch sĕch akar arih kơpal teh lôch glơ̆k, mă lu sem păr, mă lu kon sem dơrong, kon sem bri, mă kon hơdrông kơep lep-ler păng đĭ kon bơngai.

Bl 7:4

Yua kơ pă tơpơh năr dơ̆ng, inh gô ăn 'mi jruh tơ teh, lăm puăn-jĭt năr puăn-jĭt măng; Inh gô pơrăm lê̆ đĭ kơpal teh mă dôm kon sem brem mă đĭ adrĕch đơ̆ng inh đei pơjing.”

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Horiso 37:20

Gah lu bơngai kơnê̆ gô lôch răm, Lu bơngai ayăt kơ Kră Yang gô jing thoi tơmăn 'nhĕt bluh 'lơ̆ng.d Lu sư gô hach, hiong thoi 'nhui ŭnh.

Tơdrông Pơđơk 10:27

Tơdrong hli yom kơ Kră Yang ba thim khei năr; Mă-lei khei sơnăm lu bơngai pơm kơnê̆ gô rai djăl.

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Hôsia 4:3

Yua kơ thoi noh na lăm char âu đei ơh sơ'ngon, lu bơngai oei lăm noh rơmơ̆n rơmok, lu sem brem, lu sem păr kư̆m lei-lăi, ka lăm đak dơsĭ kư̆m lôch.

Am 7:3

Kră Yang tơplih đon tơchĕng. Kră Yang khan thoi âu: Tơdrong noh huay pă đei truh dơ̆ng.

Am 7:6

Kră Yang khan: Tơdrong noh huay pă truh dơ̆ng.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Jêphania 1:2

“Inh gô pơlôch pơrăm đĭ tơmam kơpal teh,” Kră Yang khan thoi noh.

Jêphania 1:3

“Inh wă pơlôch kon bơngai păng kon sem brem, sem păr păng ka lăm đak dơsĭ, Inh gô tơhuŏng lê̆ lu bơngai pơm kơnê̆; păng Inh gô tơhuŏng lê̆ kon bơngai đơ̆ng kơpal teh.” Kră Yang khan thoi noh.

Both 28:63

Kŭm thoi Kră Yang đei hiôk pơm 'lơ̆ng păng ăn kơ iĕm rai lơ kơdrâ̆m thoi yơ, kư̆m thoi noh na Kră Yang kư̆m hiôk ăn kơ iĕm đei tơdrong gleh truh tơhiong pơrăm iĕm; Lu iĕm đe gô buch lê̆ puh tơlĕch đơ̆ng teh lăm dêh iĕm wă mơ̆t iŏk.

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.