Bl 6:4 - Sơ̆p Hlabơar Nơ̆r 'Bok Kei-Dei

⁴ Chăl noh păng chăl đơ̆ng rŏng kơ noh đei lu bơngai mă tih kơjung arih kơpal teh, yua kơ tơdăm yang oei hơdai hăm lu adruh kon bơngai na pơjing kon hơ'lơ̆p; noh lu bơngai nuih kơtang sơ̆ đe ư-ang kơ lu sư.

Bl 6:4 Iomraidhean Croise

Bl 11:4

Na khan thoi âu: “'Nâu bơ̆n athei pơjing minh pôm pơlei tih păng pơm hnam Thôt tŏk-bŏk pơlei, kơjung truh tơ plĕnh;a bơ̆n athei pơm ư-ang kơ bơ̆n; hli kơ bơ̆n tơklah tơklang tơ jơ̆p-jang kơpal teh đak âu.”

Jo 13:33

Lu nhôn 'bôh lu sư tih kơjung, noh lu kon sâu Anak, adrĕch bơngai nuih pran kơtang; lu nhôn lăng bơ̆n kơdih rŏ thoi lep 'ba, lu sư lăng lu nhôn kư̆m thoi noh mơ̆n.

Jo 16:2

Lu bơngai âu păng hăm 'bar-hrĕng pơđăm-jĭt 'nu lăm kon pơlei Isơrael, bơngai mă đe đei rơih iŏk pơm yŏng pơgơ̆r lu bơngai jang lăm khŭl tơpôl đe ư-ang, lu sư kư̆m pôm đon năm pơjah pơjăng hăm Môis păng Arôn,

Both 2:11

Đe kư̆m krao kon pơlei âu kon pơlei Rêphaim, a tih hơbŏ thoi adrĕch bơngai Anakim; mă-lei kon pơlei Môap krao lu sư bơngai Êmim.

Both 3:11

Gah adrĕch Rêphaim oei đei minh 'nu Ôka arih pơtao char Basan, giơng sư pơm păng mam tor giơng tơsĭn hơgăt, wơ̆l giơng puăn hơgăt. Oei đei tơ Raba pơlei tih kon sâu Ammôn,

I Sam 17:4

Đei minh 'nu bơngai tih kơjung lĕch đơ̆ng kơđông Philistin, anăn sư Gôliat, đơ̆ng pơlei Gat; sư kơjung pêng hlok minh hơđa.