Bl 6:3 - Sơ̆p Hlabơar Nơ̆r 'Bok Kei-Dei

³ Kră Yang khan thoi âu: “Yang Bơhngol Inh ưh kơ oei lăm kon bơngai ling-lang ôh; yua kơ kon bơngai jơ̆ sĕch akar đĕch, chăl arih lu sư lăp minh-hrĕng 'bar-jĭt sơnăm đĕch.”

Bl 6:3 Iomraidhean Croise

Bl 6:2

Lu kon tơdăm yang 'bôh kon adruh kon bơngai 'lơ̆ng hơbŏ na iŏk oei, adruh ayơ mă sư lăp đon.

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Horiso 78:39

Kră Yang 'blŏk kơ lu sư jơ̆ bơngai hmă đĕch. Thoi hơyuh kial lĕch boih pă wih dơ̆ng,

Horiso 90:10

Sơnăm lu nhôn arih kư̆m lăp truh tơpơh-jĭt. Dah đei pran 'biơ̆ truh tơ tơhngam-jĭt. Mă-lei tơdrong pơang lu sư, jơ̆ lăp pơmat-tat păng ơh sơ'ngon. Yua kơ tơdrong arih lu nhôn 'bônh kơ tôch, đơ̆ng noh lu nhôn păr hiong.

Êsai 5:4

Hăm đei tơdrong kiơ gơh pơm dơ̆ng kơ pơgar hơmu Inh. Mă Inh tam mă pơm ăn kiơ kơ sư? Kơplah Inh hơmĕng kơ đei plei 'lơ̆ng mă-lei tă tơ plei wir kơnê̆?

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 11:7

Inh đei bơtho tơtă boih ăn kơ lu 'bok yă lu iĕm kơplah Inh chông tơlĕch lu sư đơ̆ng char Êyiptơ sơ̆ dĭng truh năr 'nâu, Inh ling-lang tơbăt kơ lu sư: “Chu kiơ̆ bĕ nơ̆r Inh.”

Jo 11:17

Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Yo 3:6

Mĕ bơ̆n tơpŭ kơ bơ̆n sơ̆, noh păng akâu sư kơdih. Mă-lei bơ̆n tơpŭ ming 'nao dơ̆ng, 'noh đơ̆ng Yang Bơhngol 'Lơ̆ng pơm kơ bơ̆n.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

I Tes 5:19

Na dang ei iĕm athei ăn kơ Yang Bơhngol 'Lơ̆ng pơgơ̆r iĕm kiơ̆ kơ Sư wă, iĕm 'nĕ pă pơgơ̆r akâu iĕm kơdih.