Bl 6:17 - Sơ̆p Hlabơar Nơ̆r 'Bok Kei-Dei

¹⁷ Gah Inh, Inh gô ăn đak lip jơ̆p kơpal teh âu, wă pơrăm đĭ lu adrĕch sĕch akar mă đei dui jơhngơ̆m păng kial mă oei ala plĕnh, đĭ-đăng lu kon sem brem kơpal teh gô lôch goh đĭ.”

Bl 6:17 Iomraidhean Croise

Bl 2:7

Kră Yang 'Bok Kei-Dei iŏk 'mui teh man kon bơngai dơhlu kial arih lăm trôm muh; na kon bơngai jing đei bơhngol arih.

Bl 6:13

Kră Yang 'Bok Kei-Dei khan kơ Nôê thoi âu: “Inh gô pơrăm đĭ kon bơngai, yua kơ đơ̆ng kon bơngai na teh âu 'bĕnh kơ tơdrong kơnê̆. Thoi noh inh gô pơrăm lu sư hơdai hăm teh.

Bl 6:16

Gah kơpal duk ih athei bŏk 'măng-'mŏk, să minh hlok păng pơm 'măng tơ hơnă hai; ih gô pơm minh tăl ala, minh tăl tŏk-bŏk păng minh tăl kơpơ̆ng.

Bl 6:7

Kră Yang khan thoi âu: “Inh gô pơrăm lê̆ đĭ kon bơngai kơpal teh mă đêl Inh pơjing, đơ̆ng kon bơngai truh tơ lu kon sem brem, lu hơdrông kơep lep-ler, lu sem păr, yua kơ inh hmach kơdih akâu đei pơjing boih lu sư noh.”

Bl 7:15

Hơgrop, hơgrop kiơ̆ Nôê mơ̆t lăm duk; wă khan đĭ-đăng dôm lu đei sĕch akar mă dui jơhngơ̆m.

Bl 7:17

Đak lơ̆p kơpal teh puăn-jĭt năr puăn-jĭt măng, đak tŏk kơjung tưk duk kư̆m rai kơjung đơ̆ng teh dơ̆ng kơpal đak.

Bl 7:4

Yua kơ pă tơpơh năr dơ̆ng, inh gô ăn 'mi jruh tơ teh, lăm puăn-jĭt năr puăn-jĭt măng; Inh gô pơrăm lê̆ đĭ kơpal teh mă dôm kon sem brem mă đĭ adrĕch đơ̆ng inh đei pơjing.”

Bl 9:9

“Gah Inh âu: Inh pơjing tơdrong pơgơ̆p pơkă pơkăm hăm lu iĕm păng lu adrĕch adrung lu iĕm,

Jop 22:16

Đe rôp ba pơlôch lu sư adrol kơ năr pơkă, tơm tơdrong arih lu sư đe tơhiong hoch ro kiơ̆ đak glung;

Horiso 107:34

Teh mơ̆r 'lơ̆ng jing teh 'băt 'boh, Yua kơ đei tơdrong kơnê̆ lăm lu kon pơlei oei tơ noh.

Horiso 29:10

Kră Yang oei tơ kơpal đak lơ̆p, Kră Yang pơm pơtao ling-lang ưh kơ layơ tôch

Le 14:17

Na Inh gô pơm kơ kon pơlei Êyiptơ kơ̆l arăng gô jur druh kiơ̆ kon pơlei Isơrael lăm đak dơsĭ, đơ̆ng noh Anăn Inh gô đei ư-ang yua kơ Pharaôn păng đĭ-đăng lu linh sư, lu bơngai chĕp gre aseh sư.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 54:9

Inh lăng tơdrong noh thoi đak lơ̆p jơhnơr Nôê sơ̆. Thoi Inh pơkă khan đak ưh kơ đei layơ wă lơ̆p pơđĭ kơpal teh đơ̆ng; na Inh kư̆m pơkă khan Inh ưh pă hil kơ iĕm dơ̆ng bơih păng kư̆m ưh kơ wă chrih phak iĕm dơ̆ng.

Êsêkiên 34:11

'Nâu nơ̆r Kră Yang khan: Inh kơdih gô chă triu Inh păng rong bơwei lu sư.

Êsêkiên 34:20

Na, Kră Yang khan kơ lu sư thoi âu: Inh kơdih gô sek tơlang bre triu bek păng lu triu hơkĕ.

Êsêkiên 5:8

Na, Kră Yang Tih Hloh khan: “Âu, Inh kơdih akâu Inh blah ih păng Inh gô phak ih 'bơ̆t anăp lu dêh char.

Êsêkiên 6:3

Păng khan: Ơ lu kông Isơrael, mơ̆ng bĕ nơ̆r Kră Yang Tih Hloh 'nâu nơ̆r Kră Yang Tih Hloh khan kơ lu kông, lu groi, lu thong păng lu thŭng dơnă: Âu, Inh gô iŏk đao hơlă blah lu iĕm păng Inh gô pơrăm anih kơjung lu iĕm.

Hôsia 5:14

Inh gô jing thoi dăm-brang kơ lu bơngai Êphraim, thoi kon dăm-brang kơ bơngai Juđa. Inh boih gô kăp hek lu sư, na yak hloi tơ nai. Inh gô chông ba, ưh kơ đei bu gơh plah dŏng lu sư ôh.

Lêwi 26:28

na Inh gô hil mĭl kơ iĕm tơpă hăm tơdrong kơtang păng yua kơ tơdrong yoch lu iĕm pơm, na Inh gô bơtho pơjĭ iĕm, hloh kơ tơdrong yoch iĕm tơpơh wơ̆t.

Am 9:6

Kră Yang đei pơjing hnam sư lăm lu tăl plĕnh, đei pơm boih plĕnh krôp kơpal teh. Sư krao đak đơ̆ng dơsĭ păng tuh jơ̆p kơpal teh. Anăn Sư Kră Yang.

Mathiơ 24:39

Lu sư ưh kơ kơchăng tơdrong kiơ wă truh kơ lu sư, dĭng đak lơ̆p pơlôch đĭ-đăng lu sư hloi. Na Inh Kon Bơngai gô jur ning-mônh thoi noh mơ̆n.

Luka 17:27

Hơdrol kơ đak lip sơ̆ kon bơngai kư̆m oei pơm sa et pơrŏ, thoi et pơkong, et sa tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i, na truh hĭ kơ đak lip, lu sư lôch đĭ.

Rom 5:21

Tơdrong yoch pơm kơ kon bơngai jing lôch, mă-lei 'Bok Kei-Dei Sư 'mêm na jô̆ bơ̆n jing bơngai 'lơ̆ng, ăn kơ bơ̆n arih ling-lang yua kơ Kră Yang bơ̆n Yêsu Krist.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

I Pet 3:20

Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.

II Pet 2:5

Chăl Nôê sơ̆, 'Bok Kei-Dei kư̆m phak đĭ-đăng kon bơngai ala teh ưh kơ lui kơ Sư, Sư phak hăm đak lơ̆p jơ̆p-jang kơ teh. Sư pơklaih pôm Nôê, yua kơ Nôê sư bơtho khan gah tơdrong tơpăt păng tơpơh 'nu hnam dơnŏ sư.