Bl 6:14 - Sơ̆p Hlabơar Nơ̆r 'Bok Kei-Dei

¹⁴ Ih athei pơm minh pôm duk păng 'long gôphea, pơm đei lơ tăl, na pik chai tơ đaih păng tơ lăm.

Bl 6:14 Iomraidhean Croise

Bl 6:13

Kră Yang 'Bok Kei-Dei khan kơ Nôê thoi âu: “Inh gô pơrăm đĭ kon bơngai, yua kơ đơ̆ng kon bơngai na teh âu 'bĕnh kơ tơdrong kơnê̆. Thoi noh inh gô pơrăm lu sư hơdai hăm teh.

Bl 6:15

Thoi noh, athei pơm kiơ̆ thoi âu: Duk tor pêng-hrĕng hlok, wơ̆l pơđăm-jĭt hlok, kơjung pêng-jĭt hlok.

Le 2:3

Mă sư 'maih ôn đunh hloh kơ noh ră mă-lei ưh kơ gơh boih, na duch ei iŏk minh pôm bai hre, pik chai hơngo, na tơ'bĭch kon nge lăm noh, năm ming ôn sư 'bơ̆t 'nhĕt trang tơter jih lăm đak krong.

Mathiơ 24:38

Hơdrol kơ đak lip sơ̆, kon bơngai oei sa et pơrŏ tơdrong iŏk klo kăn, tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i.

Luka 17:27

Hơdrol kơ đak lip sơ̆ kon bơngai kư̆m oei pơm sa et pơrŏ, thoi et pơkong, et sa tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i, na truh hĭ kơ đak lip, lu sư lôch đĭ.

I Pet 3:20

Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.