Bl 6:11 - Sơ̆p Hlabơar Nơ̆r 'Bok Kei-Dei

¹¹ Hơtai ei sơ̆ Kră Yang 'Bok Kei-Dei 'bôh đĭ kon bơngai lăm teh đak tă kơ yoch răm ngăl păng 'bĕnh kơ tơdrong kơnê̆.

Bl 6:11 Iomraidhean Croise

Bl 10:9

Sư âu bơngai chă lua nuih tơpă. Yua kơ noh đei nơ̆r pơđơ̆k khan: Nhen Nimrôt, minh 'nu bơngai lua nuih.

Bl 13:13

Kon pơlei Sôđôm kơnê̆ păng lu mơ'nah pơm yoch tih dêh hăm Kră Yang.

Bl 6:10

Nôê đei pêng 'nu kon drŏ-nglo, Sem, Cham, Japhet.

Bl 7:1

Kră Yang khan kơ Nôê thoi âu: “Ih păng đĭ-đăng hnam dơnŏ ih mơ̆t bĕ lăm duk, yua kơ lăm lu bơngai chăl dang ei Inh 'bôh ih jơ̆ minh 'nu bơngai tơpăt.

II Ho 34:27

‘Yua kơ ih đei jơhngơ̆m rơmuăn tơjur akâu kơdih 'bơ̆t anăp Kră Yang 'Bok Kei-Dei wă ih kơtơ̆ng nơ̆r Sư khan wă hil phak anih 'nâu păng kơ kon pơlei oei lăm âu, ih tơjur boih akâu 'bơ̆t anăp Inh, hek ao păng nhơ̆m hmoi 'bơ̆t anăp Inh, Inh kư̆m kơtơ̆ng boih nơ̆r ih,’ Kră Yang khan.

Horiso 11:5

Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă.

Horiso 140:11

Ăn kơ lu bơngai đei hơpiĕt hơlĕnh pơdăr ưh kơ gơh pơjing kơjăp lăm teh đak. Ăn tơdrong răm druh lu bơngai pơm kơnê̆.

Horiso 55:9

Ơ Kră Yang, pơrŭng bĕ lu sư, pơm kơ nơ̆r lu sư jing hơwơ̆l; Inh 'bôh tơdrong kơnê̆ tơgar pơjah băl lăm plei tih.

Le 32:7

Kră Yang khan kơ Môis: Jah jur bĕ, yua kơ lu kon pơlei pơla ih, lu bơngai mă ih đei chông tơlĕch lu sư đơ̆ng char Êyiptơ, lu sư pơm glăi răm bơih,

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Je 6:7

Thoi đak sơlŭng lĕch thoi yơ, tơdrong kơnê̆ lu sư kư̆m lĕch thoi noh. Kơtơ̆ng đei tơdrong kơnê̆ păng pơrăm tơ lăm pơlei noh, tơdrong jĭ jăn, rơka rơkĕch oei 'bơ̆t anăp Inh ling-lang.

Êsêkiên 28:16

Đơ̆ng ih mơdro sa tih đei mơdrŏng ih pơm kơnê̆ păng yoch; thoi noh na, ơ chêrubim gak bơwei, Inh puh lê̆ ih đơ̆ng kông Kră Yang 'Bok Kei-Dei; păng pơlôch ih đơ̆ng lu jơmŏng rang hơdah thoi ŭnh.

Êsêkiên 8:17

Sư khan kơ inh: “Ơ kon bơngai, ih hăm 'bôh ưh? Noh adrĕch Juđa oei đei pơm tơdrong yoch kơnê̆ krưp, hăm trŏ tơdrong iĕ dah liơ? Lu sư pơm tơdrong kơnê̆ 'bĕnh lăm teh đak âu, păng tơblĕk Inh ling-lang dơ̆ng. Âu, lăng bĕ lu sư tah 'long lăm trôm muh wă tơblĕk Inh!

Habakuk 1:2

Ơ Kră Yang inh ôr krao Ih mă Ih ưh kơ wă mơ̆ng Ih ngăn kơ inh dĭng dang yơ. Inh apinh krao Ih yua kơ tơdrong đe wă pơlôch, na Ih ưh kơ wă dŏng pơklaih.

Habakuk 2:17

Tơdrong ih pơm kơnê̆ tơ tơring Liban gô blơ̆ klơ̆p ih păng tơdrong ih pơlôch lu sem brem pơm ăn kơ ih hli tơrơ, yua kơ đơ̆ng pham đe ih yua pơlôch, yua kơ tơdrong kơnê̆ ih pơrăm teh, pơrăm lu pơlei tih păng đĭ-đăng kon pơlei pơla lu sư.

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Rom 2:13

'Bok Kei-Dei jô̆ bơ̆n bơngai 'lơ̆ng, ưh kơ sĭ yua kơ bơ̆n kơtơ̆ng tơdrong Sư pơkă đĕch ôh, yua kơ bơ̆n kiơ̆ tơdrong noh.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Lu 2:19

Mă-lei đơ̆ng rŏng kơ 'bok sek tơlang noh lôch na lu bơngai Isơrael pơm kơnê̆ hloh dơ̆ng kơ adrol, lui kiơ̆ kơkuh kơ lu yang nai; lu bơngai Isơrael ưh kơ chu hŭt lê̆ tơdrong kơnê̆, oei rok kiơ̆ trong kơnê̆ khŏm khŏm.