Bl 5:22 - Sơ̆p Hlabơar Nơ̆r 'Bok Kei-Dei

²² Đơ̆ng rŏng kơ Ênok pơjing kơ Mêtusêla boih, đơ̆ng noh sư mơ̆ng kiơ̆ Kră Yang 'Bok Kei-Dei lăm pêng-hrĕng sơnăm, sư pơjing kon drŏ-nglo kon drŏ-kăn.

Bl 5:22 Iomraidhean Croise

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 24:40

Yŏng tơ'ngla inh tơl inh: ‘Kră Yang mă Tơ'ngla inh oei pơm kiơ̆ gô ăn linh jang Sư jur pơm pơkeh tơdrong jang ih; păng ih gô chă ăn kơ kon drŏ-nglo inh akăn đơ̆ng lăm adrĕch adrung inh, tơ hnam 'bă inh.

Bl 48:15

Đơ̆ng noh sư sơkat ăn kơ Jôsep đei pŭn hiôk. Apơi apinh Kră Yang 'Bok Kei-Dei 'bok inh Abraham păng 'bă inh Isăk chu yom Kră Yang 'Bok Kei-Dei mă wei rong inh đơ̆ng oei nge sơ̆ khơ̆ dang ei.

Bl 5:21

Ênok đei tơdrâu-jĭt pơđăm sơnăm, pơjing Mêtusêla.

Bl 5:23

Thoi noh Ênok đei arih pêng-hrĕng tơdrâu-jĭt pơđăm sơnăm.

Bl 5:24

Ênok kiơ̆ Kră Yang 'Bok Kei-Dei, na biŏng pă 'bôh hloi, yua kơ Kră Yang 'Bok Kei-Dei sơng iŏk sư boih.

Bl 6:9

Âu roi gah Nôê. Nôê lăm chăl arih sư jơ̆ minh 'nu bơngai 'lơ̆ng tơpăt, ưh kơ đei tơdrong glăi kiơ, sư kiơ̆ Kră Yang 'Bok Kei-Dei.

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

Horiso 116:9

Inh gô yak năm 'bơ̆t anăp Kră Yang. Lăm teh đak lu bơngai arih.

Horiso 128:1

Pŭn dêh kơ bơngai bu mă hli yom kơ Kră Yang. Yak năm lăm trong sư!

Horiso 16:8

Inh 'măn Kră Yang ling-lang 'bơ̆t anăp inh; Inh ưh kơ đei hli kiơ, yua kơ Sư oei gah 'ma kơ inh.

Horiso 26:11

Gah inh, inh yak năm lăm trong 'lơ̆ng rơgoh, Apinh Ih pơklaih inh păng mơnat kơ inh.

Horiso 56:13

Yua kơ Ih dŏng pơklaih bơhngol inh đơ̆ng lôch; Ih kiơ̆ bơwei jơ̆ng inh huay kơ tơpling pơ̆k! Wă kơ inh năm 'bơ̆t anăp Kră Yang 'Bok Kei-Dei arih hơdah hơdong.

Horiso 86:11

Ơ Kră Yang, apinh Ih bơtho tơ'bôh kơ inh trong Ih. Na inh gô yak kiơ̆ tơdrong 'lơ̆ng tơpăt Ih; Apinh Ih ăn kơ inh đei jơhngơ̆m băt hli yom kơ Ih,

Le 16:4

Kră Yang khan kơ Môis: Inh gô ăn 'bĕng đơ̆ng plĕnh jur thoi 'mi kơ lu iĕm. Kon pơlei gô năm rim năr dônh, dônh tôm mah sa kơ năr 'noh, Inh wă pơlong lăng lu sư hăm đei pơm kiơ̆ thoi Inh athei dah ưh.

Hơri Hiôk 1:4

Chông ba inh kiơ̆ ih bĕ kơdâu mă hrĕnh. Pơtao chông inh boih mơ̆t tơ anih sư.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Lêwi 26:12

Inh gô oei tŏk-bŏk lu iĕm Inh gô jing Kră Yang 'Bok Kei-Dei lu iĕm păng lu iĕm gô jing kon pơlei pơla Inh.

Am 3:3

Tơdah 'bar 'nu ưh kơ lăp đon băl, lei bre sư hăm gơh yak minh pôm trong?

Mi 4:5

Rim adrĕch bu bu kư̆m kiơ̆ anăn sư kơdih; păng lu bơ̆n gô yak kiơ̆ anăn Kră Yang 'Bok Kei-Dei lu bơ̆n ling-lang hlŏng hloi.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Malachi 2:6

Tơdrong khôi juăt tơdrong tơpăt oei boih tơ lăm 'bơ̆r lu sư bơtho, lăm hơkŭng lu sư ưh pă đei tơdrong kơnê̆ boih; lu sư yak hơdai hăm Inh lăm tơdrong hiôk-hian păng tơpăt, pơm ăn kơ lơ bơngai weh achăng đơ̆ng tơdrong kơnê̆.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

I Kor 7:17

Rim 'nu kơ bơ̆n athei pơm kiơ̆ gô mơ̆ng kơ 'Bok Kei-Dei asong. Sơ̆ 'Bok Kei-Dei krao bơ̆n lui kơ Sư kơplah bơ̆n oei pơm đĭch đe dah bơngai rơngei dah bơngai thoi yơ, bơ̆n athei kiơ̆ tơdrong 'noh đĕch. Inh bơtho tơ rim hnam akŭm thoi noh ngăl.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Both 13:4

Lu iĕm athei yak kiơ̆ Kră Yang 'Bok Kei-Dei lu iĕm păng hli yom kơkuh kơ Sư, wei răk dôm nơ̆r Sư tơtă, mơ̆ng kiơ̆ nơ̆r Sư khan, bơ̆jang kơ Sư păng pơgơ̆p kơjăp hăm Sư.

Both 28:9

Tơdah iĕm wei răk dôm nơ̆r tơtă Kră Yang 'Bok Kei-Dei iĕm păng yak năm kiơ̆ trong Sư, na Kră Yang gô ăn kơ iĕm jing minh adrĕch adrung 'lơ̆ng rơgoh ăn kơ Sư kư̆m thoi Sư pơkă boih kơ iĕm.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

I Tes 2:12

Thoi noh na nhôn pơlung iĕm wă kơ iĕm pơm kiơ̆ kơ 'Bok Kei-Dei wă. 'Bok Kei-Dei iŏk iĕm wă ăn kơ iĕm mơ̆t tơ dêh char 'lơ̆ng rŏ Sư ning-mônh.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.