Bl 5:2 - Sơ̆p Hlabơar Nơ̆r 'Bok Kei-Dei

² Sư pơjing bơngai drŏ-nglo păng bơngai drŏ-kăn, ăn tơdrong pŭn hiôk kơ bre sư păng năr Sư pơjing ei Sư anăn bre sư bơngai.

Bl 5:2 Iomraidhean Croise

Bl 1:27

Kră Yang 'Bok Kei-Dei đei pơjing kon bơngai hơbŏ thoi rup Sư kơdih; Sư pơjing kon bơngai hơbŏ nhen thoi Kră Yang 'Bok Kei-Dei; Sư pơjing bơngai drŏ-nglo păng bơngai drŏ-kăn.

Bl 1:28

Kră Yang 'Bok Kei-Dei ăn pŭn hiôk kơ kon bơngai păng khan thoi âu: “Athei pơjing chek lar rai lơ, wă kơ 'bĕnh jơ̆p kơ teh; athei pơm ăn kơ teh đak chu yom, athei pơgơ̆r lu ka lăm đak dơsĭ, khŭl sem păr kơpal plĕnh păng đĭ-đăng kon sem brem adrŏ kơpal teh.”

Bl 2:15

Kră Yang 'Bok Kei-Dei ba kon bơngai mơ̆t oei lăm pơgar Êđen wă pơtăm păng wei-lăng pơgar.

Bl 2:23

Ađam khan thoi âu: “Bơngai âu kơting đơ̆ng kơting inh, sĕch đơ̆ng sĕch inh. Bơngai âu gô krao anăn sư bơngai drŏ-kăn, yua kơ sư đei đơ̆ng bơngai drŏ-nglo.”

Bl 5:3

Kơplah Ađam đei minh-hrĕng pêng-jĭt sơnăm, sư pơjing minh 'nu kon drŏ-nglo hơbŏ thoi sư, sư anăn Set.

Malachi 2:15

Đơ̆ng noh, mă khan tơdrong arih Kră Yang 'Bok Kei-Dei đei lơ rơkah rơkai ră, mă-lei Sư pơjing ăn kơ ih lăp minh 'nu drŏ-kăn đĕch. Mă-lei yua kơ kiơ Sư pơjing ăn kơ ih lăp minh 'nu bơngai drŏ-kăn đĕch? Noh yua kơ wă chă adrĕch adrung 'lơ̆ng rơgoh, thoi noh lu iĕm athei mă kơchăng lăm jơhngơ̆m bơ̆n kơdih, 'nĕ kơ oei sa hơlĕnh pơdăr hăm akăn bơ̆n kơdih mă iŏk oei đơ̆ng 'lơ̆p.

Mathiơ 19:4

Yêsu khan kơ lu sư: “Iĕm ưh tam mă đŏk lăng ôh hă sơ̆p hla bơar 'Bok Kei-Dei chih khan thoi âu: ‘Blŭng-a sơ̆ 'Bok Kei-Dei pơjing minh 'nu drŏ-nglo, minh 'nu drŏ-kăn.’

Markôs 10:6

Blŭng-a sơ̆, ‘'Bok Kei-Dei pơjing minh 'nu drŏ-nglo, minh 'nu drŏ-kăn.’

Jang 17:26

'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.