Bl 49:6 - Sơ̆p Hlabơar Nơ̆r 'Bok Kei-Dei

⁶ Apơi jơhngơ̆m inh huay kiơ̆ kơ đon kơnê̆. Tơdrong ư-ang inh huay kơ hơdai lu sư; Yua kơ lu sư đei pơlôch boih bơngai lăm năr sư ơh blĕk. Koh huan jơ̆ng rơmo tơno kiơ̆ thoi lu sư kơdih wă.

Bl 49:6 Iomraidhean Croise

Bl 34:30

Na Jakôp khan kơ Simêôn păng Lêwi thoi âu: Măr iĕm pơm kiơ kơ inh ưh kơ hiôk, pơm ăn kơ kon tơring âu. Bơngai Kanaan păng bơngai Phêrêsit, hil areh kơ bơ̆n. Bơ̆n âu, tŏ sĕt bơngai; dah lu sư akŭm băl blah bơ̆n inh păng hnam dơnŏ bơ̆n gô răm.

II Sam 8:4

Pơtao Đawit rôp linh pơtao Sôba pơm bơnă minh-rơbâu tơpơh-hrĕng linh hao aseh, păng 'bar-jĭt rơbâu linh năm jơ̆ng, linh pơtao Sôba. Pơtao Đawit kư̆m koh lê̆ huan jon aseh păng aseh dui gre lê̆ kơ lu sư oei pă lăp kơ dui minh-hrĕng tŏ gre đĕch.

I Ho 18:4

Đawit blah tơgar iŏk minh-rơbâu tŏ gre aseh, tơpơh-rơbâu linh hao aseh păng 'bar-jĭt rơbâu linh yak jơ̆ng. Đawit chơ̆ng đĭ huan kơchôp jơ̆ng aseh dui gre, mă-lei oei lê̆ minh-hrĕng tŏ aseh.

Horiso 1:1

Pŭn dêh kơ bơngai bu, ưh kơ kiơ̆ trong lu bơngai kơnê̆, kư̆m ưh kơ oei lăm trong lu bơngai yoch, kư̆m ưh kơ ngôi hơdai hăm lu pơjăm đe;

Horiso 103:1

Ơ bơhngol inh, hơri bơnê bĕ kơ Kră Yang! Đĭ jơhngơ̆m hơri bơnê bĕ kơ anăn 'lơ̆ng rơgoh Sư!

Horiso 139:19

Ơ Kră Yang 'Bok Kei-Dei, trŏ kơ Ih pơlôch lu bơngai pơm kơnê̆! Lu bơngai 'maih pơlôch đe weh bĕ đơ̆ng inh.

Horiso 16:9

Yua kơ noh jơhngơ̆m inh chơt hiôk, bơhngol inh 'nă hal; Akâu akar inh gô pơdơh, hiôk-hian;

Horiso 26:9

Apinh Ih 'nĕ tah bơhngol inh hơdai hăm lu bơngai yoch, Kŭm 'nĕ kơ 'bŭ tơdrong arih inh hơdai hăm lu bơngai pơlôch đe.

Horiso 28:3

'Nĕ kơ lê̆ inh răm hơdai lu bơngai pơm kơnê̆. Păng hăm lu bơngai pơm kư̆ kă. Lu sư pơma hiôk hăm bơngai jê̆ lu sư. Mă-lei lăm jơhngơ̆m hơlĕnh ngăl

Horiso 30:12

Wă kơ bơhngol inh hơri bơnê kơ Ih pă pơdơh. Inh gô bơnê kơ Ih ling-lang hlŏng hloi.

Horiso 42:11

Ơ bơhngol inh, yua kơ kiơ ih rơdu klai păng liơ ih rŭng răng lăm akâu inh? Chang hơmĕng bĕ kơ Kră Yang 'Bok Kei-Dei; Inh oei bơnê ư-ang kơ sư, Kră Yang Kră Yang 'Bok Kei-Dei Tơ'ngla dŏng pơklaih inh.

Horiso 42:5

Ơ bơhngol inh, yua kơ kiơ ih rơdu klai păng rŭng răng lăm akâu inh. Chang hơmĕng bĕ kơ Kră Yang 'Bok Kei-Dei, Inh oei bơnê ư-ang kơ Sư. Kră Yang 'Bok Kei-Dei Tơ'ngla dŏng pơklaih inh.

Horiso 43:5

Ơ bơhngol inh, yua kơ kiơ ih ơh sơ'ngon? Păng rŭng răng lăm akâu inh? Chang hơmĕng bĕ, kơ Kră Yang 'Bok Kei-Dei. Inh oei bơnê kơ Sư, Sư Tơ'ngla dŏng pơklaih inh păng Kră Yang 'Bok Kei-Dei inh.c

Horiso 5:10

Ơ Kră Yang, phak lu sư bĕ; Ăn kơ lu sư pơ̆k huŏng tơ lăm tơdrong lu sư pơđâu; Pơpuh bĕ lu sư yua kơ tơdrong yoch kơnê̆ lu sư lơ tơpă, Yua kơ lu sư blah Ih.

Horiso 57:8

Hơđơ̆r bĕ ơ bơhngol inh! Ơ tĭng-nĭng păng brŏ tơlei, hơdơ̆r bĕ! Inh kư̆m hơdơ̆r đơ̆ng hrôih.

Horiso 64:2

Ôn inh hlơp đơ̆ng lu bơngai kơnê̆ chă đon noh. Păng đơ̆ng lu bơngai tơpôl pơm kơnê̆.

Tơdrông Pơđơk 1:11

Tơdah lu sư khan, bĕ năm kiơ̆ nhôn; chă răp pơlôch đe. Chop pơlôch pơrăm lu bơngai ưh kơ đei yoch.

Tơdrông Pơđơk 12:5

Tơdrong tơdă lu bơngai tơpăt jing trŏ. Mă-lei đei lu bơngai kơnê̆ pơđâu chă hơlĕnh.

Je 15:17

Inh ưh kơ lah ngôi chơt hiôk hơdai hăm lu bơngai et sa kơnê̆ ôh, Inh kư̆m ưh kơ lah hiôk hơdai lu sư; Inh ngôi minh drô̆ inh yua kơ ti Ih dan kơpal inh, Ih kư̆m tuh kơ jơhngơ̆m inh 'bĕnh kơ tơdrong Ih hil mĭl.

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Luka 12:19

Lăp inh pơm đang boih, inh wă khan kơ inh kơdih thoi âu: Inh đei mŭk drăm lơ wă 'măn lê̆ kơ đunh sơnăm. Inh pơdơh bĕ, sŏng sa nhă đak phĭ mah rơkah rơkai, hiôk boih inh.’

II Kor 6:14

Iĕm 'nĕ kơ tôi 'long ăt hơdai hăm lu bơngai ưh kơ lui, yua kơ tơdrong 'lơ̆ng hăm tơdrong kơnê̆ ưh kơ gơh pơgơ̆p băl ôh; tơdrong hơdah hăm măng mu kư̆m lei-lăi ưh kơ gơh tơ jê̆ băl.

Both 27:24

Hiap pơtê̆ bĕ kơ bơngai bu teh pơlôch ôn kon pơlei sư! Đĭ-đăng kon pơlei gô khan: A-men!

Jôsuê 11:9

Jôsuê blah lu sư pơm kiơ̆ kơ nơ̆r Kră Yang đei pơkă kơ sư, koh huan jon aseh păng soh gre aseh lu sư.

Lu 5:21

Tơ đak krong Kisôn lu sư hoch đĭ, Đak krong Kisôn ro lơ̆p pơhoch lê̆ đĭ lu sư. Ơ bơhngol inh, mă nuih pran kơtang bĕ năm tơ anăp!