Bl 49:22 - Sơ̆p Hlabơar Nơ̆r 'Bok Kei-Dei

²² Jôsep thoi tơmơ̆ng hla 'long adrih 'lơ̆ng, Chăt cheng tu đak. Dơng tơ'bla hro jơ̆p kơ dur.

Bl 49:22 Iomraidhean Croise

Bl 41:52

Sư anăn kon mă 'bar noh Êphraime yua kơ khan: Kră Yang 'Bok Kei-Dei ăn kơ inh pŭn hiôk tih lăm dêh char mă inh pơmat-tat.

Bl 46:27

Kon Jôsep mă đei pơjing tơ lăm dêh Êyiptơ đei 'bar 'nu, thoi lu bơngai lăm hnam dơnŏ Jakôp jur oei tơ Êyiptơ jô̆ đĭ-đăng đei tơpơh-jĭt 'nu.

Bl 48:1

Đơ̆ng rŏng kơ tơdrong noh đei bơngai năm khan kơ Jôsep thoi âu: Dang ei 'bă ih jĭ; Jôsep chông ba 'bar 'nu kon drŏ-nglo sư, bre Manase păng Êphraim.

Bl 48:15

Đơ̆ng noh sư sơkat ăn kơ Jôsep đei pŭn hiôk. Apơi apinh Kră Yang 'Bok Kei-Dei 'bok inh Abraham păng 'bă inh Isăk chu yom Kră Yang 'Bok Kei-Dei mă wei rong inh đơ̆ng oei nge sơ̆ khơ̆ dang ei.

Bl 48:16

Linh jang đei dŏng pơklaih inh đơ̆ng tơdrong pơmat-tat, apinh Ih tuh ăn tơdrong pŭn hiôk kơ bre hơ'lơ̆p âu; wă pơtrơp ioi adrĕch inh păng 'bok yă inh Abraham hăm Isăk păng ăn kơ lu sư hrôh rai lơ jơ̆p-jang kơ teh đak!

Bl 48:5

Dang ei, 'bar 'nu kon drŏ-nglo kon đei pơjing lăm dêh char Êyiptơ adrol kơ inh truh noh, Êphraim păng Manase, kư̆m dang hơ'lơ̆p inh thoi Rubên păng Simêôn mơ̆n.

Bl 49:23

Lu bơngai chĕp hră pơgreh sư. Prah 'brơ̆m tơ sư păng drŭt blah.

Horiso 128:1

Pŭn dêh kơ bơngai bu mă hli yom kơ Kră Yang. Yak năm lăm trong sư!

Horiso 128:3

Akăn ih thoi tơm hơmu plei trem oei lăm hnam ih. Lu kon ih oei tăp dăr gơ'bang thoi dơng ôliwơ.

Horiso 80:10

Yơ̆p sư jơ̆p kơ groi kông păng lu dơng sư hro jơ̆p kơ 'long hơngo Kră Yang 'Bok Kei-Dei.

Êsêkiên 19:11

Đei dơng sư tih, jing pơm 'long jra pơtao. Tơm sư kơjung, đei tơ'bla hla hơmŭl lơ, đe 'bôh sư kơjung yua kơ đei dơng kơjung hloh kơ lu dơng nai.

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.