Bl 48:7 - Sơ̆p Hlabơar Nơ̆r 'Bok Kei-Dei

⁷ Kơplah inh brŏk đơ̆ng Phadan tơ Kanaan na mĕ e lôch rok trong tơm măt inh, jê̆ Êphrat; inh 'bŭ sư jê̆ trong brŏk tơ Êphrat. Wă khan Betlehem.

Bl 48:7 Iomraidhean Croise

Bl 25:20

Na, kơplah Isăk đei puăn-jĭt sơnăm, sư oei kơ Rê'bêka, kon adruh Bêthuel păng oh drŏ-kăn La'ban, lu sư bơngai Aram đơ̆ng char Phadan Aram.c

Bl 33:18

Jakôp đơ̆ng tơring Phadan Aram truh tơ pơlei Sichem, lăm dêh char Kanaan; hiôk-hian. Sư pơm anih anăp pơlei tih Sichem.

Bl 35:20

Jakôp pơdơ̆ng minh pôm tơmo 'bơ̆t kơ̆l, noh boih bơsat Rachel, tơmo pơdơ̆ng kơ̆l bơsat Rachel oei truh tơ dang ei.

Bl 35:9

Kơplah lu sư truh đơ̆ng Phadan Aram. Kră Yang 'Bok Kei-Dei tơ'bôh akâu Sư kơ Jakôp dơ̆ng păng ăn tơdrong pŭn hiôk kơ sư.

Bl 48:6

Gah hơ'lơ̆p mă kon đei pơjing đơ̆ng rŏng noh, sư gah e, gah tơdrong mŭk măk, teh choh lu sư gô đei đêl e asong kơ bre 'nhŏng sư ră.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Mathiơ 2:18

“Đe kơtơ̆ng nơ̆r ôr pơret tơ Pơlei Ramma, 'bơ̆r đe nhơ̆m hmoi ơh tơpă. Yă Rachel hmoi ơh kơ kon sư lôch, sư nhơ̆m hmoi khŏm khŏm đe ưh pă gơh pơlung sư thoi yơ, yua kơ kon sư lôch đĭ.”

Ru 1:2

Bơngai drŏ-nglo anăn Êlimêlek, akăn sư anăn Naômi, 'bar 'nu kon drŏ-nglo anăn Makhlôn păng Kiliôn. Lu sư đơ̆ng bơngai Êphrat, pơlei Betlehem, dêh Juđê. Lu sư năm tơ teh đak Môap păng oei tơ noh.

I Sam 1:1

Đei minh 'nu bơngai drŏ-nglo đơ̆ng pơlei Ramathaim Suphima lăm tơring groi kông Êphraim anăn sư Êlkana, kon drŏ-nglo Jêrôham sâu Êlihu, sâu i Tơhu, sâu ach Sup, bơngai adrĕch Êphraim.

I Sam 10:2

Năr âu adrol wă weh tơklah đơ̆ng inh, ih gô tơ'bơ̆p 'bar 'nu bơngai drŏ-nglo 'bơ̆t bơsat Rachel tơ pơlei Selsa, dêh Bênjamin; bre sư gô khan kơ ih: Lu aseh akăn mă ih chă noh 'bôh bơih; 'nâu 'bă ih ưh pă bơngơ̆t kơ aseh akăn noh dơ̆ng bơih, mă-lei sư bơngơ̆t kơ măr iĕm dơ̆ng na khan: Inh wă pơm liơ kơ kon drŏ-nglo inh âu?

I Sam 16:4

Samuel pơm kiơ̆ dôm tơdrong Kră Yang bơtho khan kơ sư, năm truh tơ pơlei Betlehem. Lu kră pơlei tơkan sơng sư. Lu sư hli na apinh: Ih năm tơ âu ba tơdrong hiôk-hian dah kiơ?

I Sam 17:12

Na, Đawit, kon drŏ-nglo Jese bơngai Êphrat, oei lăm pơlei Betlehem dêh Juđa; sư đei tơhngam 'nu kon drŏ-nglo, lăm chăl Sôl, Jese sư bơngai kră mă đe pơyom.