Bl 48:12 - Sơ̆p Hlabơar Nơ̆r 'Bok Kei-Dei

¹² Jôsep iŏk bre kon sư đơ̆ng blu păng kŭl-tăng 'bă sư na drap bon tơ teh.

Bl 48:12 Iomraidhean Croise

Bl 18:2

Abraham ngơk lăng đei 'bôh pêng 'nu dơ̆ng jê̆ sư. Lăp sư 'bôh, sư kơdâu đơ̆ng 'măng bơsŭn sư tơkan tơ pêng 'nu noh, sư drap bon tơ teh.

Bl 19:1

Lăp hiưp kơ'năr kơsơ̆, 'bar 'nu linh jang 'lơ̆ng noh truh tơ pơlei Sôđôm, kơplah noh Lot sư oei ngôi 'bơ̆t 'măng jang pơlei. Lăp Lot 'bôh 'bar 'nu linh jang 'lơ̆ng, sư iung tơkan sơng na drap tơ teh kơkuh.

Bl 23:7

Abraham gruih iung năm drap bon kơkuh 'bơ̆t anăp lu kon pơlei lăm tơring noh, wă khan kon pơlei Hêtit,

Bl 33:3

Gah sư, năm adrol drap kơkuh tơpơh wơ̆t tơ teh, dĭng truh tơ jê̆ 'nhŏng sư

Bl 42:6

Na kơplah 'nâu, trŏ kơ Jôsep pơgơ̆r lăm dêh char Êyiptơ noh păng kư̆m tĕch ăn 'ba kơ đĭ-đăng kon pơlei. Lu đe 'nhŏng Jôsep truh, drap bon kơkuh 'bơ̆t anăp sư;

Bl 48:11

Isơrael khan kơ Jôsep thoi âu: Adrol kơ inh tơchĕng pă 'bôh muh măt e boih, mă-lei dang ei Kră Yang 'Bok Kei-Dei pơm ăn kơ inh gơh 'bôh lu adrĕch ioi e dơ̆ng.

Bl 48:13

Đơ̆ng noh, sư ba 'bar 'nu kon sư noh năm jê̆ tơ 'bă sư; ti gah 'ngiĕo sư pel Manase năm tơ gah 'ma kơ 'bă sư; ti gah 'ma chông Êphraim năm tơ gah 'ngiĕo kơ 'bă sư.

I Pot 2:19

Yă Batsêba năm tơ'bơ̆p pơtao Sôlômôn wă roi ăn kơ sư tơdrong Adonija wă noh, na pơtao Sôlômôn iung năm sơng păng kŭp kơ̆l kơkuh kơ mĕ sư, đơ̆ng noh sư hơ-oei tơ tang-dŏ pơtao sư păng athei đe iŏk ăn kơ mĕ sư tang-dŏ wă kơ hơ-oei, na mĕ sư hơ-oei gah 'ma kơ sư.

II Pot 4:37

Duch ei năm truh, drap 'bơ̆t jơ̆ng sư, păng kŭp muh măt tơ teh, pôk iŏk kon sư na lĕch tơ 'nguaih.

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Le 34:8

Môis hăt hot kŭp kơ̆l tơ teh kơkuh pơyom.

Tơdrông Pơđơk 31:28

Lu kon hơ'lơ̆p sơkat pŭn hiôk pôk pơư kơ sư. Klo sư kư̆m iung pơma ha 'bơ̆r khan bơnê kơ sư.

Lêwi 19:3

Rim 'nu lu iĕm athei lui yom kơ mĕ 'bă păng răk năr Sa'bat Inh, Inh boih Kră Yang 'Bok Kei-Dei lu iĕm.

Lêwi 19:32

Lu iĕm athei iung dơ̆ng 'bơ̆t anăp bơngai sŏk ko, lu iĕm athei pơyom kơ bơngai kră păng hli yom kơ 'Bok Kei-Dei Inh boih Kră Yang.

Êphêsô 6:1

Ơ lu bơngai 'lơ̆p 'lŏ drŏ-nglo drŏ-kăn, iĕm athei băt chu yom kơ lu mĕ 'bă iĕm, yua kơ iĕm bơngai lui boih kơ Yêsu Krist, tơ̆ng iĕm pơm thoi noh trŏ tơpă.