Bl 47:6 - Sơ̆p Hlabơar Nơ̆r 'Bok Kei-Dei

⁶ Thoi noh dêh Êyiptơ đei 'măn ăn kơ ih; chă păng ăn bĕ kơ 'bă ih hăm lu 'nhŏng oh ih oei tơ anih mă 'lơ̆ng hloh lăm char Êyiptơ âu: Ăn bĕ kơ lu sư oei tơ tơring Gôsen noh; ih băt lăm lu sư bơngai bu gơh juăt hơgei kơ wei rong kon sem dơrong, jao bĕ kơ lu sư wei rong kon sem dơrong inh.

Bl 47:6 Iomraidhean Croise

Bl 13:10

Lot sư tơmang lăng 'bôh tơ thŭng gah Krong Jôrđăn noh, anih mă đei đak ro hngôm truh tơ pơlei Suar; bri chŭn noh kư̆m thoi lĕ pơgar Kră Yang pơm, thoi char Êyiptơ mơ̆n. Năr noh adrol kơ Kră Yang tam mă pơrăm pơlei Sôđôm păng pơlei Gômôrơ.

Bl 13:9

Đĭ kơ char âu ưh kơ sĭ e ngăl dăm hă? Thoi noh, na weh bĕ đơ̆ng inh; dah e iŏk tơring gah 'ngiĕo inh iŏk gah 'ma, dah e iŏk gah 'ma, inh iŏk gah 'ngiĕo.”

Bl 20:15

Pơtao Abimêlek khan: “Âu, dêh char inh asong ih oei, ih wă oei tơ yơ ih kư̆ oei tơ noh.”

Bl 34:10

oei hơdai bĕ hăm nhôn! Tơring âu kư̆m asong ăn kơ lu iĕm; oei bĕ, mơdro mơchan, jang sa pơjing anih-anơ̆m tơ noh.

Bl 45:10

'Bă, lu kon, sâu, lu bơbe triu, rơmo, mŭk măk 'bă gô oei tơ tơring Gôsen kư̆m jê̆ tơ âu.

Bl 46:34

Athei khan tơbăt: Lu đĭch đam ih păng yă 'bok nhôn juăt kơ bơ̆jang wei sem dơrong iŏk đơ̆ng 'lơ̆p sơ̆ khơ̆ dang ei. Noh wă kơ iĕm oei tơ tơring Gôsen, yua kơ kon pơlei Êyiptơ, tơdrong arih lu sư ngăl lăng lu bơngai wei triu 'brơ̆ krưp dêh.

Bl 47:11

Thoi noh, Jôsep chu nơ̆r Pharaôn athei, jao ăn teh kơ 'bă sư păng lu 'nhŏng oh sư oei jang sa, ăn teh mă 'lơ̆ng hloh lăm char Êyiptơ, wă choh jang sa, tơ gah tơring Ramse.

Bl 47:16

Jôsep tơl lu sư: Tơdah jên kăk đĭ boih, jao lu kon sem dơrong iĕm kơ inh, inh gô tơplih hăm phe 'ba.

Bl 47:4

Đơ̆ng noh lu sư khan dơ̆ng: Noh boih lu nhôn oei tơ tơring mă lu nhôn đei truh boih; yua kơ dêh char Kanaan đei pơngot rơwĕt tih dêh, 'nhĕt kư̆m ưh pă đei wă ăn kơ sem dơrong sa, thoi noh, wă apinh ih ăn kơ lu đĭch đam ih âu oei jang sa tơ tơring Gôsen.

Bl 47:5

Pharaôn khan kơ Jôsep thoi âu: 'Bă ih lu 'nhŏng oh ih truh boih;

I Pot 11:28

Jêrôbôam sư minh 'nu bơngai pran hơgei; Sôlômôn 'bôh minh 'nu bơngai tơdăm pơnam hơgei bơ̆jang, na Sôlômôn ăn kơ sư pơm yŏng pơgơ̆r lu bơngai jang apah lăm adrĕch Jôsep.

II Ho 26:10

Sư kư̆m pơm lơ hnam thôt tơ lăm tơmăn glă păng đei sir sơlŭng đak, yua kơ sư đei sem dơrong tơ kơpal groi tơ lăm thŭng glă; kư̆m đei lơ bơngai pơm mir, pơgar hơmu tơ kơpal kông groi păng tơ teh mơ̆r, pơtao sư 'maih jang mir 'ba.

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Le 18:25

Na, Môis rơih hloi lu bơngai drŏ-nglo gơh hơgei đơ̆ng lăm kon pơlei Isơrael, pôk ăn pơm yŏng wei-lăng kon pơlei kơ minh-rơbâu 'nu, kơ minh-hrĕng 'nu, kơ pơđăm-jĭt 'nu, kơ mơjĭt 'nu bơngai;

Le 9:10

Na bre sư chup tơnuh đơ̆ng tơnuh ŭnh, dơ̆ng 'bơ̆t anăp Pharaôn, Môis săi tơnuh ŭnh tơ kơpal, jing pơtôch pơchah lĕch đak đuh đơ̆ng akâu bơngai păng sem dơrong lu sư.

Le 9:21

Mă-lei đei lu bơngai mơ'nah ưh kơ hiơ̆k ôh kơ nơ̆r Kră Yang khan, lê̆ lu đĭch đam păng sem dơrong lu sư oei tơ bri tơ mir tơ tơmăn glă noh.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Je 40:4

Dang ei inh plôh lê̆ glang đơ̆ng ti ih, tơdah ih wă năm hơdai nhôn tơ char Babilôn, năm bĕ inh gô wei-lăng ih. Tơdah ih ưh kơ wă năm tơ char Babilôn ưh kơ đei tơdrong kiơ lei lê̆. Ih lăng tơ dêh char âu oei 'bơ̆t anăp ih. Ih rơngei boih wă năm tơ yơ mơ̆ng kơ Ih wă.”

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

I Sam 21:7

Lăm năr noh, đei minh 'nu đĭch đam Sôl oei tơ noh mơ̆n, đe gơ̆t lê̆ sư lăm hnam akŭm 'bơ̆t anăp Kră Yang, anăn sư Đôe bơngai Eđôm, pơgơ̆r lu bơngai wei triu Sôl.