Bl 47:26 - Sơ̆p Hlabơar Nơ̆r 'Bok Kei-Dei

²⁶ Gah tơdrong noh, Jôsep pơkă minh tơdrong juăt, truh tơ dang ei oei đei, athei thuê̆ teh ăn kơ Pharaôn minh lăm pơđăm chăl mă bơ̆n đei. Lăp dôm lu chŭn mir lu 'bok soi đĕch huay kơ jô̆ tơmam Pharaôn.

Bl 47:26 Iomraidhean Croise

Bl 14:20

Trŏ kơ bơnê kơkuh tơpă kơ Kră Yang 'Bok Kei-Dei tih hloh đei jao boih lu ayăt tơ lăm ti ih. Đơ̆ng noh Abram iŏk minh lăm mơjĭt đơ̆ng dôm tơmam mă sư iŏk đơ̆ng lu ayăt na pơyơ̆r ăn kơ pơtao noh.c”

Bl 28:22

Tơmo mă đêl inh pơdơ̆ng 'nâu jing jrăng hnam Kră Yang 'Bok Kei-Dei păng inh gô pơyơ̆r kơ Ih minh lăm mơjĭt đơ̆ng dôm mŭk tơmam mă inh đei đơ̆ng Ih ăn.

Bl 41:34

Kŭm chă lu wei-lăng tơring, tơgŭm chă ra mong minh lăm pơđăm, lăm tơpơh sơnăm đei 'ba rơkah rơkai ei.

Bl 47:22

Mă-lei chŭn mir, gah teh lu 'bok soi, Jôsep ưh kơ đei răt ôh, yua kơ lu sư đei phe 'ba đơ̆ng Pharaôn klah asong hai. Thoi ei na lu 'bok soi ưh kơ đei tĕch ôh mir chŭn lu sư.

Bl 47:25

Kon pơlei drơ̆ng: 'Bok ih đei pơrih lu nhôn! Apinh ih asong mơnat kơ lu nhôn 'bơ̆t anăp ih, nhôn jing đĭch đam Pharaôn.

Esơra 7:24

Đơ̆ng noh dơ̆ng, inh đei chih roi kơ iĕm băt ưh kơ gơh iŏk thuê̆ tơmam dah jên đơ̆ng 'bok soi, bơngai Lêwi, lu khŭl hơri, bơngai gak 'măng, bơngai Nêthinim, dah lu đam lăm hnam akŭm Kră Yang 'Bok Kei-Dei.

Êsêkiên 7:24

Inh gô anhăk ba lu bơngai đơ̆ng dêh tơmoi pơm kơnê̆ tih hloh năm blah iŏk hnam lu sư; Inh gô pơrăm lê̆ tơdrong pơang lu bơngai kră păng pơm kơ anih rơgoh lu sư jing 'mê̆-'mach.

Lêwi 27:30

Dôm tơmam minh lăm mơjĭt đơ̆ng chŭn mir, 'ba hơ'bo dah plei 'long noh tơmam Kră Yang ngăl tơmam 'lơ̆ng rơgoh pơyơ̆r kơ Kră Yang.

Jo 18:21

Bĕ gah lu kon sâu Lêwi, Inh ăn kơ lu sư yua iŏk đơ̆ng tơmam lu adrĕch Isơrael pơyơ̆r minh lăm mơjĭt apah lu sư jang lăm Bơsŭn Anih Akŭm.

Both 14:22

Lu iĕm 'nĕ kơ hiơt kơ pơyơ̆r minh lăm mơjĭt gah tơmam bơ̆n đêl rei bơih, mă đơ̆ng lăm mir chŭn bơ̆n đei lăm rim sơnăm.

Both 26:12

Kư̆ rim pêng sơnăm jơ̆ sơnăm pơyơ̆r minh lăm mơjĭt lu iĕm 'măn lê̆ pha dôm tơmam iĕm roi, na athei asong ăn kơ bơngai Lêwi, kơ bơngai tơmoi, bơngai mơti păng ăn kơ yă adro, wă kơ lu sư đei tơmam sa phĭ mah.