Bl 47:12 - Sơ̆p Hlabơar Nơ̆r 'Bok Kei-Dei

¹² Jôsep asong kiơ̆ kơ kơ̆l bơngai, asong tơmam sa kơ 'bă sư, lu 'nhŏng oh sư păng đĭ-đăng hnam dơnŏ 'bă sư.

Bl 47:12 Iomraidhean Croise

Bl 45:10

'Bă, lu kon, sâu, lu bơbe triu, rơmo, mŭk măk 'bă gô oei tơ tơring Gôsen kư̆m jê̆ tơ âu.

Bl 45:11

Tơ noh inh gô wei-lăng 'bă, yua kơ oei pơđăm sơnăm pơngot rơwĕt hli kơnh 'bă, hnam dơnŏ 'bă păng đĭ-đăng mŭk tơmam gô hiong hiach.

Bl 45:7

Kră Yang 'Bok Kei-Dei wơh inh năm tơ âu adrol, wă kơ lu iĕm oei đei ioi adrĕch kơpal teh âu, wă gơnang kơ minh tơdrong pơklaih tih wă oei bơwei tơdrong arih ăn kơ 'nhŏng oh.

Bl 47:1

Jôsep năm roi ăn kơ Pharaôn dôm tơdrong wă kơ băt păng sư khan thoi âu: 'Bă inh păng lu 'nhŏng oh inh đơ̆ng dêh Kanaan truh boih, đei chông ba khŭl triu, rơmo păng kư̆m chĕp ba lu mŭk tơmam hai, dang ei oei tơ tơring Gôsen.

Bl 47:21

Gah kon pơlei đơ̆ng tôch gah âu truh tôch gah to tă kơ năm oei tơ pơlei tih ngăl.

Bl 47:24

Na truh tơ bơyan, kĕch yuă, kư̆ ăn kơ Pharaôn minh lăm pơđăm, gah oei pă puăn noh 'măn kơ lu iĕm pơm adrĕch, wă pơm tơmam sa kơdih akâu păng hnam dơnŏ kon akăn.

Bl 50:21

Thoi ei, 'nĕ kơ hli, inh gô 'me rong lu iĕm păng lu kon akăn iĕm. Đơ̆ng noh Jôsep pơlung lu 'nhŏng oh sư pơma iŏk nơ̆r rơngơp hăm lu 'nhŏng oh sư.

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Êsai 22:24

Đe gô hơtol kơpal sư dôm tơdrong ư-ang hnam 'bă sư, đơ̆ng kon hơ'lơ̆p, adrĕch adrung păng đĭ-đăng tơmam yua tih iĕ đơ̆ng pơnhan kơthao truh tơ ge gŏ.

I Tes 2:7

Hơtai nhôn oei păng iĕm ki, nhôn 'mêm kơeng kơ iĕm tơpă thoi lĕ bơ̆n 'mêm kơeng kơ kon nge bơ̆n 'nao tơpŭ.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

I Tim 5:4

Mă-lei lu bơngai drŏ-kăn adro đei kon dah sâu sư, noh lê̆ lu kon sâu lu sư 'noh 'me sa sư. 'Bok Kei-Dei wă kơ bơ̆n wei-lăng 'me sa mĕ 'bă, yă 'bok bơ̆n kơdih. Bơ̆n athei 'me plơ̆ sư dơ̆ng.

Ru 4:15

Sư gô jing minh 'nu bơngai pơlung tơiung ih, sư gô wei rong ih lăm năr ih kră, yua kơ sư kon mŏ mai ih bơngai 'mêm kơeng kơ ih, Rut mŏ mai ih gĭt hloh kơ tơpơh 'nu kon drŏ-nglo.