Bl 46:34 - Sơ̆p Hlabơar Nơ̆r 'Bok Kei-Dei

³⁴ Athei khan tơbăt: Lu đĭch đam ih păng yă 'bok nhôn juăt kơ bơ̆jang wei sem dơrong iŏk đơ̆ng 'lơ̆p sơ̆ khơ̆ dang ei. Noh wă kơ iĕm oei tơ tơring Gôsen, yua kơ kon pơlei Êyiptơ, tơdrong arih lu sư ngăl lăng lu bơngai wei triu 'brơ̆ krưp dêh.

Bl 46:34 Iomraidhean Croise

Bl 13:7

Na đei tơdrong tơgar băl lăm lu bơngai wei sem dơrong Abram păng lu bơngai wei sem dơrong Lot. Kơplah noh kon pơlei Kanaan păng kon pơlei Phêrêsit kư̆m oei lăm char ei, thoi noh anih wei sem dơrong ưh kơmah.

Bl 13:8

Abram khan kơ Lot thoi âu: “Oei pôm hơtô hơrao hơnao, kăt apinh ba 'nĕ pă pơjah băl; lu bơngai wei triu ba hai kư̆m 'nĕ pă tơgar băl.

Bl 26:20

Lu bơngai wei triu tơ Gêrar, tơgar hăm lu bơngai wei triu Isăk, lu sư khan sơlŭng đak âu sơlŭng đak lu nhôn. Na Isăk anăn đak sơlŭng âu Êseta yua kơ lu bơngai wei triu nai tơgar đơ̆ng lu sư.

Bl 30:35

Lăm năr noh hloi, La'ban klah lê̆ pha lu bơbe tơno 'brông, lu bơbe yŏng đei 'brông hơglŭk hơglăk, lu ayơ mă đei trong kok păng lu kon triu mă đei sŏk găm, jao ăn kơ kon drŏ-nglo sư.

Bl 34:5

Na Jakôp kơtơ̆ng Sichem pơm kơnê̆ glăi hăm Đina kon adruh sư, mă-lei sư kư̆ ngăn dĭng mă lu kon drŏ-nglo sư brŏk. Lu kon drŏ-nglo sư oei tơ bri yua kơ oei wei rong lu kon sem dơrong,

Bl 37:12

Lu 'nhŏng sư oei wei triu tơ bri tơmăn Sichem.

Bl 37:2

'Nâu roi tơdrong adrĕch adrung Jakôp. Jôsep sư mơjĭt-tơpơh sơnăm, sư wei triu hơdai hăm lu đe 'nhŏng oh sư, sư pơm buăl juăt hăm lu kon Bila hăm kon Yilpa, 'bar 'nu akăn kơnhŏng 'bă sư. Jôsep sư roi kơ 'bă sư tơdrong lu đe noh pơm kơnê̆.

Bl 43:32

Lu đe ei hơmet ăn kơ Jôsep gơ'bang sŏng sa phara: Yua kơ bơngai Êyiptơ ngăl lăng kơ bơngai Hêbrơ lŭch kơ sư yua kơ thoi noh na ưh kơ sŏng sa hơdai.

Bl 45:10

'Bă, lu kon, sâu, lu bơbe triu, rơmo, mŭk măk 'bă gô oei tơ tơring Gôsen kư̆m jê̆ tơ âu.

Bl 45:18

Chông 'bă păng đĭ hnam dơnŏ sư jur oei păng inh. Inh gô asong kơ lu sư tơmam kiơ mă gĭt hloh tơ char Êyiptơ âu păng lu sư gô choh jang đei teh 'lơ̆ng mơ̆r.

Bl 46:32

Lu bơngai juăt tơdrong jang wei triu, rong sem dơrong. Lu sư đei chông ba đĭ lu triu sư păng chĕp đĭ mŭk tơmam lu sư kơdih.

Bl 47:11

Thoi noh, Jôsep chu nơ̆r Pharaôn athei, jao ăn teh kơ 'bă sư păng lu 'nhŏng oh sư oei jang sa, ăn teh mă 'lơ̆ng hloh lăm char Êyiptơ, wă choh jang sa, tơ gah tơring Ramse.

Bl 47:3

Pharaôn jet: Lu iĕm juăt kơ bơ̆jang tơdrong kiơ? Lu sư tơl: Lu đĭch đam ih âu juăt kơ wei triu kư̆m thoi lu 'bok yă nhôn sơ̆.

Bl 47:4

Đơ̆ng noh lu sư khan dơ̆ng: Noh boih lu nhôn oei tơ tơring mă lu nhôn đei truh boih; yua kơ dêh char Kanaan đei pơngot rơwĕt tih dêh, 'nhĕt kư̆m ưh pă đei wă ăn kơ sem dơrong sa, thoi noh, wă apinh ih ăn kơ lu đĭch đam ih âu oei jang sa tơ tơring Gôsen.

Bl 47:6

Thoi noh dêh Êyiptơ đei 'măn ăn kơ ih; chă păng ăn bĕ kơ 'bă ih hăm lu 'nhŏng oh ih oei tơ anih mă 'lơ̆ng hloh lăm char Êyiptơ âu: Ăn bĕ kơ lu sư oei tơ tơring Gôsen noh; ih băt lăm lu sư bơngai bu gơh juăt hơgei kơ wei rong kon sem dơrong, jao bĕ kơ lu sư wei rong kon sem dơrong inh.

Le 8:22

Mă-lei năr noh, lăm tơring Gôsen, anih kon pơlei Inh oei, ưh kơ đei roi wŏng iam, wă kơ ih băt kơ Inh, Kră Yang oei lăm dêh 'nâu.

Le 8:26

Mă-lei Môis khan: Pơm thoi noh ưh kơ gơh ôh; yua kơ dôm tơmam soi mă lu nhôn wă soi pơyơ̆r kơ Kră Yang 'Bok Kei-Dei lu nhôn jing minh tơdrong krưp dêh kơ bơngai Êyiptơ. Tơdah lu nhôn pơyơ̆r tơmam soi sơmah mă lu sư areh. Hăm trŏ lu sư gô klơ̆m nhôn hăm tơmo?