Bl 45:3 - Sơ̆p Hlabơar Nơ̆r 'Bok Kei-Dei

³ Jôsep khan kơ lu 'nhŏng oh sư thoi âu: Inh boih Jôsep. 'Bă inh oei arih ưh? Mă-lei 'bơ̆t anăp sư lu 'nhŏng oh sư kơdih rŭng răng ưh kơ đei bu gơh pơma.

Bl 45:3 Iomraidhean Croise

Bl 37:20

Dang ei thoi âu: Bĕ lu bơ̆n pơlôch sư, na gô klơ̆m lê̆ lăm sơlŭng đak ayơ ayơ na lu bơ̆n gô khan thoi âu: Đei lu sem bri châu sa sư, đơ̆ng noh bơ̆n gô lăng tơdrong apo sư noh gô jing thoi yơ?

Bl 42:21

Lu sư khan tơduă lu sư thoi âu: Sĭt tơpă bơ̆n đei pơm yoch hăm oh bơ̆n boih; yua kơ adrol sơ̆ bơ̆n 'bôh jơhngơ̆m sư sơ'ngon, sư apinh bơ̆n mơnat, mă-lei lu bơ̆n ưh kơ mơ̆ng, thoi noh na 'nâu đei tơdrong truh kơ lu bơ̆n thoi âu.

Bl 42:22

Rubên tơl; Hăm trŏ kơ inh khan kơ lu đe oh khan: 'Nĕ kơ pơm yoch kơ bơngai 'lơ̆p noh? Mă-lei lu iĕm ưh kơ mơ̆ng, 'nâu dang tơiung pham sư tuh kơ lu bơ̆n.

Bl 43:27

Sư apinh hloi lu 'nhŏng oh sư thoi yơ hăm oei liĕm akâu păng khan; “'bă kră mă lu iĕm đei roi kơ inh ki noh sư hăm oei liĕm akâu, hăm oei arih?”

Jop 23:15

Yua kơ noh boih na inh hli krưp dêh 'bơ̆t anăp Sư; Rai tơchĕng inh rai hli kơ Sư loi.

Jop 4:5

Mă-lei dang ei đei tơdrong gleh truh kơ ih, mă ih kư̆m ưh kơ kĕ chu iŏk; Ih tơ'bơ̆p tơdrong pơmat-tat, na ih hli tơrơ.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Markôs 6:50

Đĭ dôm lu sư 'bôh tôm, na lu sư hli tơrơ tơpă. Mă-lei Yêsu khan hloi kơ lu sư: “Iĕm 'nĕ pă hli âu, Inh lah.”

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Jang 7:13

Klaih kơ noh lu sư năm pă 'măng dơ̆ng na lu sư kơnăl kơ oh sư Yôsep. Mă đe kư̆m roi ăn kơ pơtao Pharôn gah tơdrong 'nhŏng oh đe Yôsep mơ̆n.

Jang 9:5

Sôl khan: “Ơ 'Bok, anăn Ih bu?” Kră Yang Yêsu khan: “Inh Yêsu mă ih areh kơ Inh.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.