Bl 45:2 - Sơ̆p Hlabơar Nơ̆r 'Bok Kei-Dei

² Jôsep nhơ̆m, ô kon pơlei Êyiptơ kơtơ̆ng păng hnam dơnŏ Pharaôn kư̆m kơtơ̆ng ang.

Bl 45:2 Iomraidhean Croise

Bl 42:24

Jôsep tơwih muh măt sư weh tơ nai na nhơ̆m, đơ̆ng noh wih pơma dơnuh păng đe 'nhŏng sư dơ̆ng; na sư rôp lê̆ Simêôn minh 'nu lăm lu 'nhŏng sư athei chô̆ 'bơ̆t tơm muh măt lu 'nhŏng sư.

Bl 43:30

Jôsep lăng oh sư, na sư 'brơ̆k mơnat lĕch đak măt sư kơdâu lĕch tơ 'nguaih wă kơ chă anih nhơ̆m. Sư mơ̆t lăm hnam tơ anih sư na nhơ̆m.

Bl 45:14

Jôsep kuăr chŭm Bênjamin oh sư pôm mĕ 'bă na nhơ̆m, oh sư Bênjamin kư̆m kuăr sư na nhơ̆m.

Bl 45:15

Jôsep kư̆m chŭm lu 'nhŏng sư na nhơ̆m. Đơ̆ng noh lu sư pơma dơnuh hăm Jôsep.

Bl 46:29

Jôsep sư năm tơ Gôsen wă sơng, Isơrael, 'bă sư, sư tơ'bơ̆p 'bă sư na kuăr 'bă sư nhơ̆m mah đunh đang.

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Jo 14:1

Đĭ-đăng lu tơpôl bơngai akŭm ôr re păng lu kon pơlei nhơ̆m hmoi lăm măng noh.

Jang 20:37

Đĭ-đăng lu sư nhơ̆m hmoi, chŭm tơkuăr Pôl hloi.

Ru 1:9

Hơpơi kơ Kră Yang ăn kơ măr iĕm tơdrong chơt hiôk hăm klo hle. Đơ̆ng noh sư kuăr chŭm bre mŏ mai sư na bre mŏ mai sư nhơ̆m.