Bl 44:2 - Sơ̆p Hlabơar Nơ̆r 'Bok Kei-Dei

² Kŭm athei tah kơchŏk hu inh păng jên oh hơdruch wă răt 'ba noh tơ lăm 'bi sư. Bơngai wei-lăng pơk 'ba noh pơm kiơ̆ thoi Jôsep đei pơkă kơ sư.

Bl 44:2 Iomraidhean Croise

Bl 42:20

Na khan dơ̆ng, iĕm athei chông ba oh hơdruch jur tơ âu, lei nơ̆r iĕm pơma noh trŏ păng lu iĕm huay kơ lôch, thoi noh lu sư pơm kiơ̆.

Bl 42:25

Jôsep athei lu đe jang kơ sư tŏng ăn 'ba 'bĕnh kơ 'bi păng tah pơdrâu jên tơ rim 'bi lu 'nhŏng sư, kư̆m đei ăn thim tơmam sa rok trong. Đam sư pơm thoi nơ̆r sư đei pơkă.

Bl 43:32

Lu đe ei hơmet ăn kơ Jôsep gơ'bang sŏng sa phara: Yua kơ bơngai Êyiptơ ngăl lăng kơ bơngai Hêbrơ lŭch kơ sư yua kơ thoi noh na ưh kơ sŏng sa hơdai.

Bl 44:1

Jôsep pơkă dơ̆ng kơ bơngai wei-lăng pơk 'ba noh thoi âu: Dah lu sư kĕ chơ dôm yơ ih kư̆ tah ăn kơ lu sư 'bĕnh dôm noh, kư̆m tah pơdrâu jên 'bơ̆t 'bơ̆r 'bi.

Bl 44:12

Bơngai wei-lăng ei chă pơih lăng iŏk đơ̆ng 'nhŏng kơdră truh tơ oh hơdruch. Kơchŏk noh 'bôh tơ lăm Bênjamin.

Bl 44:3

Năr đơ̆ng rŏng, 'năr 'nao lĕch, sư ăn kơ lu đe noh păng đĭ-đăng lu aseh sư brŏk.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

II Kor 8:8

Mă-lei tơdrong noh ưh kơ sĭ inh wă pơgŏ iĕm ôh, inh wă pơlong lăng iĕm hăm băt 'mêm kơ bôl buăl thoi lu bơngai lui tơ dêh Masêđôn dah ưh.

Both 13:3

Na 'nĕ kơ mơ̆ng ôh nơ̆r bơngai khan lê̆ adrol noh dah lu bơngai apo noh roi, yua kơ Kră Yang 'Bok Kei-Dei lu iĕm pơlong lăng lu iĕm, wă băt kơ lu iĕm hăm đĭ jơhngơ̆m klơm klak đĭ đon tơchĕng 'mêm kơ Kră Yang 'Bok Kei-Dei lu iĕm dah ưh.

Both 8:16

Lăm char glă Sư boih wei rong ăn kơ iĕm sa 'bĕng mana, mă lu 'bok iĕm tam lah băt, ăn kơ lu iĕm pơmat-tat wă pơlong lăng iĕm tuch-luch ăn pŭn hiôk kơ lu iĕm.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.