Bl 44:16 - Sơ̆p Hlabơar Nơ̆r 'Bok Kei-Dei

¹⁶ Juđa tơl: Lu nhôn pă băt thoi yơ hăm yŏng tơ'ngla nhôn wă pơma dŏng nhôn kơdih thoi yơ? Wă pơ̆n pơma kơ ih thoi yơ dơ̆ng. Kră Yang 'Bok Kei-Dei 'bôh nhen boih tơdrong kơnê̆ đĭch đam ih. 'Nâu, na đĭ-đăng kơ lu nhôn păng bơngai mă chă 'bôh kơchŏk tơ 'bi sư wă jing đĭch đam ih yŏng tơ'ngla.

Bl 44:16 Iomraidhean Croise

Bl 37:7

Lu bơ̆n oei lăm mir chô̆ 'ba hơchô̆ 'ba inh oei dơ̆ng, mă lu hơchô̆ 'ba iĕm năm drap tăp dăr kơ hơchô̆ 'ba inh, drap pơđĭ 'bơ̆t anăp hơchô̆ 'ba inh.

Bl 37:9

Jôsep tep apo dơ̆ng, roi dơ̆ng kơ lu 'nhŏng oh sư thoi âu: Inh oei đei apo pă minh dơ̆ng: 'Nâu đei măt 'năr, măt khei păng mơjĭt-mônh tŏ sơnglŏng đĭ-đăng tă kơ drap kơkuh 'bơ̆t anăp inh!

Bl 44:17

Mă-lei Jôsep tơl lu sư: Inh ưh kơ wă pơm tơdrong thoi noh! Bơngai bu mă đei chă 'bôh kơchŏk tơ lăm 'bi sư, bơngai noh đĕch jing đĭch đam inh; na lu bơngai nai brŏk bĕ tơ hnam 'bă hiôk-hian.

Bl 44:32

Yua kơ inh pơkă kơjăp hăm 'bă gah oh hơdruch âu na inh khan: Tơdah nhôn ưh kơ đei ba oh nhôn brŏk tơ ih dơ̆ng yoch hăm ih ling-lang hloi.

Bl 44:9

Apinh ih chă tơmam noh tơ lăm 'bi bu bơngai noh athei pơlôch bĕ păng kơdih akâu lu nhôn kư̆m jing đĭch đam ih.

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

Esơra 9:10

Dang ei, ơ Kră Yang 'Bok Kei-Dei lu nhôn! Nhôn wă gơh pơma kiơ dơ̆ng yua kơ tơdrong truh boih? Yua kơ lu nhôn đei sơngah boih kơ nơ̆r Ih tơtă.

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”

Jop 40:4

Inh bơngai ưh kơ yua kiơ liơ inh gơh tơl Kră Yang? Inh iŏk ti đơ̆p 'bơ̆r ưh kơ pơ̆n pơma.

Tơdrông Pơđơk 17:15

Bu dŏng bơngai kơnê̆ khan bơngai tơpăt. Bu băt jâu bơngai 'lơ̆ng tơpăt khan kơnê̆, 'Bar 'nu bre noh Kră Yang areh pơđĭ.

Tơdrông Pơđơk 28:17

Bơngai bu tuh pham pơlôch đe, lê̆ sư kơdâu ôn truh tơ lôch; 'nĕ ăn bu tơgŭm sư.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Êsai 5:3

“Ơ kon pơlei oei lăm pơlei Jêrusalem păng lu bơngai oei lăm char Juđa. Apinh sek tơlang bĕ kơ Inh păng pơgar hơmu Inh.

Da 9:7

Ơ Kră Yang 'Bok Kei-Dei, Ih 'lơ̆ng tơpă, gah nhôn đei tơdrong mơlâu, thoi năr âu; tơdrong noh gom lê̆ lu bơngai Juđa, kon pơlei Jêrusalem, kơ đĭ-đăng lu bơngai Isơrael oei jê̆, oei ataih, tơ lăm jơ̆p kơ teh đak mă Ih pơm ăn kơ lu sư tơklah tơklang, yua kơ tơdrong lu sư yoch hăm Ih.

Jo 32:23

Tơdah iĕm ưh kơ pơm kiơ̆ thoi noh, lu iĕm gô pơm yoch 'bơ̆t anăp Kră Yang, iĕm athei băt tơdrong yoch noh gô tuh tơ kơpal kơ̆l lu iĕm.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Luka 12:2

Mă-lei dôm tơdrong lu sư wă ôn hrĕp dang ei, đe gô 'bôh ning-mônh.

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Both 25:1

Tơdah đei tơdrong pơjah băl, 'bar pah athei năm apinh truh tơ anih sek tơlang, lu kră sek tơlang, sek tơpăt kơ bơngai 'lơ̆ng tơpăt păng sek phak lu bơngai mă đei yoch noh.

Jôsuê 7:1

Kon pơlei Isơrael đei pơm tơdrong yoch ưh kơ chu gah tơmam trŏ kơ pơyơ̆r; păng pơrăm Akan kon drŏ-nglo Karmi, sâu Sapđi, sâu i Sêra, đơ̆ng adrĕch Juđa, đei iŏk tơmam trŏ kơ soh pơrăm lê̆ păng trŏ kơ pơyơ̆r noh, lei Kră Yang, hil mĭl kơ kon pơlei Isơrael.

Jôsuê 7:18

Sư ăn kơ hnam dơnŏ Sapđi năm jê̆ minh 'nu minh 'nu, na Kră Yang tơhlâu Akan kon drŏ-nglo Karmi, sâu Sapđi, sâu i Sêra, đơ̆ng adrĕch adrung Juđa.

Lu 1:7

Kơplah noh Ađôni Bêsek khan: Sơ̆ đei tơpơh-jĭt 'nu pơtao đe chơ̆ng hơnglâu yŏng ti păng hơnglâu Yŏng jơ̆ng boih, lu sư chă dônh sa tơmam sa huŏng ala kơ 'bang inh. Tơdrong mă đêl inh pơm Kră Yang 'Bok Kei-Dei pơm tơwih kơ inh. Lu sư chông ba sư truh tơ pơlei Jêrusalem păng sư lôch tơ noh.