Bl 43:9 - Sơ̆p Hlabơar Nơ̆r 'Bok Kei-Dei

⁹ Inh gô bơwei sư; ih gô pơm kơ inh tơdah inh ưh kơ đei chông ba sư brŏk 'bơ̆t anăp ih. Inh gô pŭ tơdrong glăi 'bơ̆t anăp ih ling-lang đĭ chăl arih.

Bl 43:9 Iomraidhean Croise

Bl 31:39

Kŭm ưh tam biơh chĕp ba kơ ih triu ayơ đơ̆ng sem bri hek sa; dah đei, lê̆ kơdih inh 'mong kơ ih. Ih kư̆ hrăn khan ling-lang athei inh 'mong kơ đêl đe tơtông kơ'năr dah kơmăng.

Bl 42:37

Rubên drơ̆ng 'bă sư thoi âu: 'Bă, ih athei pơjao oh nhôn kơ inh, inh gô chông tơwih sư brŏk tơ ih, tơdah oh nhôn ưh kơ brŏk tơ âu, lei ih pơlôch 'bar 'nu kon drŏ-nglo inh to kư̆m bưh.

Bl 43:10

Tơdah huay kơ đei tơdrong kiơ lei lu nhôn brŏk năm 'bar wơ̆t boih.

Bl 9:5

Sĭt tơpă, tơdah kon bơngai dah sem brem pơlôch iĕm, inh ưh kơ ăn kơ sư oei arih ôh.

II Sam 14:9

Bơngai drŏ-kăn Têkôa tơl dơ̆ng: “Kơkuh kơ pơtao yŏng tơ'ngla inh, lê̆ tơdrong yoch tuh kơpal inh păng adrĕch hnam 'bă inh, gah pơtao păng anih pơtao ưh kơ đei 'bơm ôh.”

I Pot 1:21

Dah ưh lăm minh năr ei kơnh ih yŏng pơtao inh lôch oei hơdai 'bok yă, lei đe gô jô̆ kơ nhi Sôlômôn pơm yoch”

Jop 17:3

Ơ Kră Yang! Apinh Ih iŏk nơ̆r inh pơsĭt. Yua kơ ưh kơ đei bu nai gơh dŏng.

Horiso 119:122

Apinh Ih wei-lăng lu đĭch đam Ih wă kơ đei pŭn hiôk; 'Nĕ ăn kơ lu bơngai pơang pơjuă pơđep inh.

Êsêkiên 3:18

Layơ mă Inh khan kơ bơngai pơm kơnê̆! ‘Sĭt ih gô lôch,’ mă-lei ih ưh kơ khan tơbăt kơ sư păng ưh kơ pơma khă sư athei hŭt lê̆ tơdrong kơnê̆ wă kơ sư gơh arih, bơngai pơm kơnê̆ noh gô lôch lăm tơdrong yoch sư. Mă-lei Inh gô tơpŭ pham sư lăm tơpang ti ih.

Êsêkiên 3:20

Tơpă, dah minh 'nu bơngai tơpăt lê̆ tơdrong tơpăt sư na pơm yoch, Inh gô ăn đei tơdrong pơgăn 'bơ̆t anăp sư păng sư gô lôch yua kơ pơm yoch, mă-lei yua kơ ih ưh kơ khan khă bơngai noh, thoi noh sư gô lôch lăm tơdrong yoch sư, Inh ưh pă 'blŏk dôm tơdrong tơpăt mă sư đei pơm, mă-lei pham sư oei jô̆ lăm ti ih.

Êsêkiên 33:6

Tơdah bơngai gak 'bôh đao hơlă truh blah mă ưh kơ hlôm keng, kon pơlei ưh kơ băt kơchăng, na đao hơlă noh blah đei minh 'nu bơngai lôch yua kơ tơdrong yoch sư kơdih, mă-lei Inh gô tơpŭ pham noh tơ tơpang ti bơngai gak.

Êsêkiên 33:8

Mưh Inh khan kơ lu bơngai yoch, Ơ bơngai yoch, tơpă iĕm gô lôch mă-lei ih ưh kơ khă ôh lu bơngai yoch athei achăng lê̆ trong sư, sư gô lôch lăm tơdrong yoch sư; mă-lei Inh gô tơpŭ kơ ih pham sư.

Luka 11:50

Yua kơ thoi noh na Inh khan kơ iĕm thoi âu: Lu bơngai pơtruh nơ̆r 'Bok Kei-Dei mă lu 'bok iĕm pơlôch sơ̆, đơ̆ng blŭng-a 'Bok Kei-Dei pơjing plĕnh teh truh dang ei,

Hêbrơ 7:22

Thoi noh na bơ̆n băt kơ Yêsu pơgơ̆p bơ̆n kơ 'Bok Kei-Dei dang ei hiôk hloh kơ lu 'bok soi noh pơgơ̆p sơ̆.