Bl 43:5 - Sơ̆p Hlabơar Nơ̆r 'Bok Kei-Dei

⁵ Tơdah ưh, lei lu nhôn ưh kơ đei jur ôh, yua kơ bơngai noh đei khan boih thoi âu: Yua kơ tơdah oh hơdruch ưh kơ jur kiơ̆ lu iĕm, lei lu iĕm ưh pă đei 'bôh muh măt inh dơ̆ng boih.

Bl 43:5 Iomraidhean Croise

Bl 42:15

'Nâu inh wă pơlong lăng lu iĕm: Inh pơkăm hăm anăn Pharaôn na pơkă, tơdah oh hơdruch iĕm ưh kơ năm tơ âu lei lu iĕm ưh kơ gơh klaih hlôi đơ̆ng anih âu.

Bl 42:20

Na khan dơ̆ng, iĕm athei chông ba oh hơdruch jur tơ âu, lei nơ̆r iĕm pơma noh trŏ păng lu iĕm huay kơ lôch, thoi noh lu sư pơm kiơ̆.

Bl 42:38

Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Bl 43:3

Juđa tơl: Bơngai noh ki sư đei pơkă kơ lu nhôn tơpă thoi âu: Yua kơ tơdah oh hơdruch ưh kơ jur kiơ̆ hơdai lu iĕm, lei lu iĕm ưh pă 'bôh muh măt inh.

Bl 43:4

Tơdah ih ăn kơ oh nhôn năm, lei lu nhôn gơh jur tơ dêh Êyiptơ chă phe 'ba kơ ih.

Bl 43:6

Isơrael jet: Liơ mă lu iĕm hơgei dêh pơm kơ inh, na tơbăt ăn kơ bơngai 'nei khan lu iĕm oei đei minh 'nu oh hơdruch dơ̆ng?

Bl 44:23

Mă-lei ih đei khan: Tơdah oh hơdruch ưh kơ đei kiơ̆, lei lu iĕm ưh pă đei layơ wă 'bôh muh măt inh dơ̆ng.

Bl 44:25

Đơ̆ng noh, 'bă lu nhôn khan thoi âu: Năm jur dơ̆ng bĕ chă 'ba.

Bl 44:26

Lu nhôn tơl sư: Ưh kơ gơh ôh; athei ăn oh hơdruch nhôn jur kiơ̆ lei gơh, tơdah ưh lei lu nhôn ưh pă gơh tơ'bơ̆p muh măt sư dơ̆ng.

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.