Bl 43:34 - Sơ̆p Hlabơar Nơ̆r 'Bok Kei-Dei

³⁴ Jôsep athei pôk ăn kơ lu 'nhŏng oh sư tơmam sa dan 'bơ̆t anăp sư. Mă-lei Bênjamin đe ăn tơmam sa lơ hloh kơ lu nai pơđăm wơ̆t. Lu sư sŏng sa 'băt 'lơ̆ng ngôi chơt hơdai hăm Jôsep.

Bl 43:34 Iomraidhean Croise

Bl 35:24

Kon Rachel: Jôsep păng Bênjamin.

Bl 45:22

Sư kư̆m ăn ao tai kơ rim 'nu wă hrŭk tơplih, gah Bênjamin, sư ăn pêng-hrĕng hlak jên hu păng pơđăm blah ao tai.

II Sam 11:8

Na Đawit pơma dơnuh hăm Uri: “Năm wih brŏk bĕ tơ hnam ih, păng ôp hơrao jơ̆ng ih.” Na, Uri lĕch đơ̆ng hnam pơtao, pơtao wơh minh 'nu bơngai chĕp ba kơ sư tơmam đơ̆ng hnam pơtao ăn.

Tơdrông Pơđơk 31:6

Ăn bĕ tơdrô et suai kơ bơngai wă jê̆ lôch, Ăn kơ lu bơngai ơh sơ'ngon dêh.

Bôk Bơthô 10:19

Đe pơih et sa wă kơ chơt hiôk; et tơdrô pơthim ăn kơ chăl arih chơt; đei jên kăk gơh răt tôm tơdrong.

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Habakuk 1:6

'Nâu Inh ăn kơ lu bơngai Kalđê iung blah, sư jing minh adrĕch kơnê̆ pran kơtang năm tơ jơ̆p teh đak wă blah tơgar iŏk lu anih mă ưh kơ trŏ kơ teh đak lu sư.

Mathiơ 11:19

Na gah Inh Kon Bơngai jur tơ teh âu, sŏng sa mơh 'nhot hơdai kon bơngai, na đe jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n. Mă-lei dah bơ̆n 'bôh đe jang 'lơ̆ng, bơ̆n băt kơ đe jang trŏ jang hơgei.”

Yo 2:10

“Mă rim đe et sa tih, ling-lang đe ăn kơ tơmoi sik 'băt ngăl hơdrol na sik sap đơ̆ng rŏng. Na âu ăn kơ đe et sik 'băt đơ̆ng rŏng.”

I Sam 1:5

Na sư asong ăn kơ Hana 'bar yua kơ sư hưch dêh kơ Hana, mă-lei Kră Yang ăn kơ sư hơwŏng.