Bl 43:30 - Sơ̆p Hlabơar Nơ̆r 'Bok Kei-Dei

³⁰ Jôsep lăng oh sư, na sư 'brơ̆k mơnat lĕch đak măt sư kơdâu lĕch tơ 'nguaih wă kơ chă anih nhơ̆m. Sư mơ̆t lăm hnam tơ anih sư na nhơ̆m.

Bl 43:30 Iomraidhean Croise

Bl 42:24

Jôsep tơwih muh măt sư weh tơ nai na nhơ̆m, đơ̆ng noh wih pơma dơnuh păng đe 'nhŏng sư dơ̆ng; na sư rôp lê̆ Simêôn minh 'nu lăm lu 'nhŏng sư athei chô̆ 'bơ̆t tơm muh măt lu 'nhŏng sư.

Bl 45:2

Jôsep nhơ̆m, ô kon pơlei Êyiptơ kơtơ̆ng păng hnam dơnŏ Pharaôn kư̆m kơtơ̆ng ang.

Bl 46:29

Jôsep sư năm tơ Gôsen wă sơng, Isơrael, 'bă sư, sư tơ'bơ̆p 'bă sư na kuăr 'bă sư nhơ̆m mah đunh đang.

I Pot 3:26

Mă-lei mĕ kon nge mă oei arih 'noh ưh kơeng, yua kơ sư 'mêm mơnat kơ kon sư dêh na sư khan kơ pơtao: “Ơ yŏng inh! Apinh ih ăn kơ bơngai 'noh kon nge mă oei arih 'nâu, ih 'nĕ kơ pơlôch sư.” Mă-lei mĕ bơngai nge lôch bơih 'noh khan: “Sư kư̆m ưh kơ trŏ kon inh, păng kư̆m ưh kơ trŏ kon ih blah song băl đĕch.”

Je 31:20

“Hăm trŏ Êphraim kon Inh mă 'mêm? Kon inh kơeng? Mă khan dôm wơ̆t boih inh hil kơ sư; inh oei 'blŏk 'brơ̆k mơnat, Tơpă Inh gô mơnat kơ sư.” Noh Kră Yang khan.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Jang 20:19

Iĕm băt thoi yơ inh pơm đĭch đam 'Bok Kei-Dei bơ̆jang tơdrong sư. Inh ưh kơ pơ̆n pơang akâu kơdih ôh. Inh 'bôh đe ưh kơ lui kơ Kră Yang Yêsu inh kư̆m nhơ̆m hmoi ơh kơdih akâu inh mơ̆n. Na lu bơngai Juđê kư̆m wă rôp pơrăm lê̆ inh.

Jang 20:31

Na iĕm athei kơchăng. Iĕm 'nĕ kơ hiơt kơplah măng năr inh bơtho iĕm lăm pêng sơnăm sơ̆. Inh kư̆m nhơ̆m hmoi ơh yua kơ iĕm, hli kơ iĕm lui ưh kơjăp.

Jang 20:37

Đĭ-đăng lu sư nhơ̆m hmoi, chŭm tơkuăr Pôl hloi.

Philip 1:8

'Bok Kei-Dei băt mơ̆n inh 'mêm kơ iĕm, kư̆m thoi Yêsu Krist 'mêm kơ iĕm.

Philip 2:1

Yua kơ bơ̆n pôm đon hăm Yêsu Krist na bơ̆n băt kơ pơlung dih băl, băt kơ 'mêm mơnat dih băl; 'noh yua kơ Yang Bơhngol 'Lơ̆ng oei hăm bơ̆n.

Kôlôsê 3:12

Lu bơ̆n âu boih 'Bok Kei-Dei 'mêm mơnat, na rơih iŏk bơ̆n, wă kơ bơ̆n jing kon Sư; na bơ̆n athei băt 'mêm mơnat kơ đe lei-lăi, pơm 'lơ̆ng kơ đe thoi lu bơngai gơh găt.

II Tim 1:4

Inh oei 'blŏk mơ̆n kơ ih hmoi kơ inh hơtai ba wă tơklah dih băl sơ̆, na dang ei inh rơnguơ̆ dêh, inh wă kơ ba tơ'bơ̆p băl dơ̆ng na jơhngơ̆m inh hiôk.

I Yo 3:17

Bơngai bu mơdrŏng 'bôh 'nhŏng oh sư dơnuh hin sơmă ưh kơ mơnat ăn tơmam kiơ kơ 'nhŏng oh sư, dah ưh kơ tơdŏng dih băl tơdrong jang, noh thoi yơ khan sư 'mêm kơ 'Bok Kei-Dei lĕ?