Bl 43:23 - Sơ̆p Hlabơar Nơ̆r 'Bok Kei-Dei

²³ Bơngai wei hnam khan; hiôk-hian bĕ iĕm 'nĕ kơ hli minh tơdrong kiơ! Noh đơ̆ng Kră Yang 'Bok Kei-Dei lu iĕm, mă Kră Yang 'Bok Kei-Dei 'bă lu iĕm, đei ăn tơmam gĭt tơ lăm 'bi lu iĕm. Lu jên iĕm inh iŏk boih. Đơ̆ng noh sư ba Simêôn năm tơ 'nhŏng oh lu sư;

Bl 43:23 Iomraidhean Croise

Bl 42:24

Jôsep tơwih muh măt sư weh tơ nai na nhơ̆m, đơ̆ng noh wih pơma dơnuh păng đe 'nhŏng sư dơ̆ng; na sư rôp lê̆ Simêôn minh 'nu lăm lu 'nhŏng sư athei chô̆ 'bơ̆t tơm muh măt lu 'nhŏng sư.

Bl 42:28

Na hloi khan kơ lu 'nhŏng oh sư! Jên inh oei ba pơdrâu, âu oei tơ lăm 'ba âu! Lu 'nhŏng oh sư hli pơma rah, tơtơ̆ rah na khan: Kră Yang 'Bok Kei-Dei đei pơm kiơ kơ lu bơ̆n lâu kih.

Bl 42:36

Jakôp, 'bă lu sư khan thoi âu: Lu iĕm tă kơ pơm tơhiong lê̆ kon inh; Jôsep hiong hloi boih Simêôn kư̆m hiong mơ̆n; na dang ei wă chông anhăk Bênjamin năm dơ̆ng hă? Dôm tơdrong ơh sơ'ngon âu tă tuh kơ inh ngăl.

Bl 43:14

Apơi kơ Kră Yang 'Bok Kei-Dei, mơsêh mơyang tơgŭm ăn kơ sư đei mơnat kơ iĕm păng achăng 'nhŏng ki, hăm Bênjamin ăn kơ iĕm, bĕ gah 'bă, tơdah hiong kon, 'bă kư̆m chu đĕch boih.

Bl 43:22

Păng kư̆m đei chĕp ba jên plơ̆ng hai dơ̆ng wă răt phe 'ba. Ưh kơ băt bu mă tah pơdrâu lê̆ tơ lăm 'bi lu nhôn dơ̆ng.

I Ho 12:18

Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

I Ho 12:19

Kŭm đei lu bơngai khŭl Manase năm kiơ̆ Đawit kơplah sư năm hơdai hăm linh Philistin tơblah hăm Sôl, mă-lei sư hăm lu linh sư ưh kơ đei tơgŭm linh Philistin yua kơ lu bơngai Philistin tơweh Đawit khan: “Hli kơ sư wih hơlơ̆k hăm Sôl, yŏng tơ'ngla sư, pơm kơnê̆ chơ̆ng kơ̆l lu bơ̆n dơ̆ng.

Esơra 4:17

Pơtao hloi chih hla bơar tơjur nơ̆r tơtă ăn kơ yŏng linh Rêhum, ăn kơ Simsai bơngai chih hla bơar păng ăn kơ đĭ-đăng lu bơngai bơ̆jang oei lăm Samari păng oei lăm dêh nai gah bơmơ̆t kơ đak krong, thoi âu: Hơpơi ăn kơ lu iĕm đei tơdrong hiôk-hian.

Luka 10:5

Lăp wă mơ̆t tơ hnam đe, iĕm khan: ‘'Bok Kei-Dei ăn kơ hnam iĕm chơt hiôk.’

Luka 24:36

Kơplah bre sư oei roi tơdrong noh hei ră 'bôh blư kơ Yêsu dơ̆ng hơdai lu sư. Na Yêsu khan: “Oei hiôk bĕ lu iĕm.”

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Yo 20:19

Hơdrơ̆m kơsơ̆ năr mă mônh lăm giĕng ei, lu bơngai pơhrăm păng Yêsu oei hơdai lăm hnam, 'măng chơkăl lê̆ ngăl yua kơ lu sư hli kơ khŭl Juđê. Thoi noh Yêsu mơ̆t dơ̆ng 'bơ̆t tŏk-bŏk lu đe ei păng khan: “Oei hiôk bĕ lu iĕm.”

Yo 20:21

Thoi noh Yêsu khan kơ lu sư dơ̆ng: “Oei hiôk bĕ lu iĕm. Thoi lĕ kơ đêl 'Bă Inh wơh Inh, 'noh Inh kư̆m wơh iĕm mơ̆n.”

Yo 20:26

Minh 'măng giĕng đơ̆ng rŏng kơ năr 'noh, lu bơngai pơhrăm păng Yêsu năm akŭm lăm hnam dơ̆ng. Thôm sư kư̆m akŭm hơdai mơ̆n. 'Măng hnam oei chơkăl lê̆, mă-lei Yêsu dơ̆ng 'bơ̆t tŏk-bŏk lu sư păng khan: “Oei hiôk bĕ lu iĕm.”

Lu 19:20

Bơngai kră ei khan: “Lu iĕm 'nĕ tơtăm kiơ! Inh gô hiơ̆k chă ăn kơ lu iĕm tơmam yua, mă-lei iĕm ưh kơ gơh 'bĭch tep tơ 'nguaih cham pơlei thoi âu.”

Lu 6:23

Mă-lei Kră Yang khan: 'Nĕ kơ hli, chơ̆n jơhngơ̆m bĕ; ih ưh kơ lôch ôh.

I Sam 25:6

Lu iĕm khan: Hơpơi kơ ih đei arih sot chơt hiôk, hơpơi kơ hnam dơnŏ ih kư̆m chơt hiôk; tơm!