Bl 43:21 - Sơ̆p Hlabơar Nơ̆r 'Bok Kei-Dei

²¹ Păng wă nhôn brŏk truh tơ anih nhôn pơdơh nhôn pơih 'bi 'bôh jên lu nhôn oei tơ lăm 'bi lu nhôn ngăl; lơ tŏ sĕt trăp phiơl dang yơ oei tôm dôm noh. Âu, lu nhôn kư̆m chĕp ba kơsô̆ jên noh.

Bl 43:21 Iomraidhean Croise

Bl 43:12

Athei chĕp ba jên hloh 'bar wơ̆t kơ lu adrol ki, wă pơdrâu kơ sư đơ̆ng sư tah pơdrâu lăm 'bơ̆r 'bi lu iĕm ki. Băt sư hiơt kơlĕ.

Bl 43:15

Thoi noh, lu 'nhŏng oh sư chĕp ba jên hloh kơ adrol ki 'bar wơ̆t, hăm lu tơmam pơyơ̆r, kư̆m chông ba Bênjamin yak hơdai jur tơ Êyiptơ wă tơ'bơ̆p Jôsep.

Bl 43:20

Thoi âu: Apinh yŏng kơ kơdră mơnat ăn! 'Nhŏng oh lu nhôn năm tơ âu minh wơ̆t boih, wă chă tơmam sa;

Bl 43:22

Păng kư̆m đei chĕp ba jên plơ̆ng hai dơ̆ng wă răt phe 'ba. Ưh kơ băt bu mă tah pơdrâu lê̆ tơ lăm 'bi lu nhôn dơ̆ng.

Bl 44:8

Âu, đơ̆ng dêh Kanaan lu nhôn đei chĕp ba jên mă đêl tah lê̆ 'bơ̆t 'bi nhôn dơ̆ng wă pơdrâu ăn kơ ih ră; mă-lei liơ mă khan wă tơtông dơ̆ng hu maih đơ̆ng anih yŏng tơ'ngla ih?

Rom 12:17

Đe pơm kơnê̆ kơ bơ̆n, bơ̆n 'nĕ pơm tơwih kơ đe, bơ̆n athei pơm 'lơ̆ng pơm trŏ, pơm kiơ̆ kơ tơdrong bôl buăl mă lăp đon; bơ̆n pơm thoi noh đĕch 'lơ̆ng.

Rom 13:8

Tơdrong bơ̆n hre kơ đe, bơ̆n athei jah ăn na jah tôch. Mă gah tơdrong 'mêm kơ bôl buăl ưh kơ tôch ôh. Bơngai bu 'mêm kơ bôl buăl, bơngai noh ưh kơ hŭt ôh dôm tơdrong juăt 'Bok Kei-Dei pơkă.

Hêbrơ 13:18

Apinh iĕm krao khan tơgŭm nhôn hŏ, nhôn mơn kơdih nhôn pơm 'lơ̆ng păng nhôn 'maih pơm tơpăt ling-lang.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.