Bl 43:17 - Sơ̆p Hlabơar Nơ̆r 'Bok Kei-Dei

¹⁷ Bơngai wei-lăng hnam sư pơm kiơ̆ thoi sư đei pơkă, tơmơ̆t đĭ lu sư lăm hnam Jôsep.

Bl 43:17 Iomraidhean Croise

Bl 43:16

Kơplah Jôsep 'bôh Bênjamin kư̆m jur kiơ̆, sư đei pơkă kơ bơngai wei-lăng, hnam sư thoi âu: Athei chông ba lu đe âu mơ̆t tơ lăm hnam, rôp kon sem dơrong hơmet pơm 'nhot sa păng pôk ăn por 'nhot; yua kơ 'năr dơ̆ng âu kơnh lu sư gô sŏng sa hơdai inh.

Bl 43:18

'Nhŏng oh sư 'bôh đe tơmơ̆t lu sư lăm hnam Jôsep, kơna lu sư hli păng pơma tơduă lu sư khan: Âu yua kơ jên ki sư đei tah pơdrâu tơ rim 'nu 'bơ̆t 'bơ̆r 'bi bơ̆n, na sư mă tơmơ̆t bơ̆n tă tơ âu, wă chă tơdrong wă teh tôn lu bơ̆n, rôp lu bơ̆n pơm đĭch păng pơgô̆ thu iŏk dôm tơmam, dôm lu aseh bơ̆n.