Bl 43:11 - Sơ̆p Hlabơar Nơ̆r 'Bok Kei-Dei

¹¹ Đơ̆ng noh Isơrael, 'bă lu sư khan: Tơdah đei tơdrong thoi noh, lei lu iĕm athei pơm thoi âu: Athei pơih iŏk tơmam gĭt kăp đơ̆ng lăm kơdŭng iĕm mă chĕp ba đơ̆ng dêh bơ̆n âu: Pơgang 'bâu phu, đak sut, chai 'long, 'long 'bâu phu, plei 'long gĭt na pơyơ̆r ăn kơ sư pơm tơmam bơnê.

Bl 43:11 Iomraidhean Croise

Bl 33:10

Jakôp tơl thoi âu: Ưh ôh, apinh 'nhŏng iŏk bĕ dôm tơmam oh pơyơ̆r kơ 'nhŏng noh đơ̆ng jơ̆ng ti oh jang; yua kơ 'bôh tơ'bơ̆p muh măt 'nhŏng thoi 'bôh muh măt Kră Yang 'Bok Kei-Dei mơ̆n; păng 'nhŏng đei jơhngơ̆m hiôk sơng iŏk nhôn.

Bl 37:25

Lu sư oei sŏng sa. Tơmang lăng 'bôh bơngai Ismaela đơ̆ng Gileat wă truh, kơpal rŏng aseh lăk-đa lu sư đei tơmam lơ dêh, pơgang 'bâu phu, jăr 'long 'bâu phu wă chĕp mơdro tơ char Êyiptơ.

Bl 43:10

Tơdah huay kơ đei tơdrong kiơ lei lu nhôn brŏk năm 'bar wơ̆t boih.

Bl 43:14

Apơi kơ Kră Yang 'Bok Kei-Dei, mơsêh mơyang tơgŭm ăn kơ sư đei mơnat kơ iĕm păng achăng 'nhŏng ki, hăm Bênjamin ăn kơ iĕm, bĕ gah 'bă, tơdah hiong kon, 'bă kư̆m chu đĕch boih.

Bl 43:15

Thoi noh, lu 'nhŏng oh sư chĕp ba jên hloh kơ adrol ki 'bar wơ̆t, hăm lu tơmam pơyơ̆r, kư̆m chông ba Bênjamin yak hơdai jur tơ Êyiptơ wă tơ'bơ̆p Jôsep.

Bl 43:25

Lu 'nhŏng oh sư hơmet lê̆ tơmam gô Jôsep brŏk 'năr dơ̆ng yua kơ lu sư đei kơtơ̆ng khan wă sŏng sa hơdai tơ noh.

Bl 43:26

Wă Jôsep brŏk truh tơ hnam lu sư pơyơ̆r ăn kơ Jôsep tơmam mă đơ̆ng lu sư chĕp ba đơ̆ng hnam, na lu sư drap bon tơ teh kơkuh 'bơ̆t anăp Jôsep.

I Pot 10:15

Ưh kơ jô̆ maih iŏk đơ̆ng lu bơngai mơdro păng đơ̆ng lu anih tĕch mơdro hăm lu teh đak 'nguaih, đơ̆ng đĭ lu pơtao dêh Arơ̆p păng đơ̆ng lu yŏng pơgơ̆r tơ rim char chĕp ba ăn kơ sư.

I Pot 10:25

Rim sơnăm, bu năm kư̆m chĕp ba tơmam pơyơ̆r ăn kơ pơtao, mơ'nah pơm păng hu mơ'nah pơm păng maih, hơbĕn ao, đao hơlă, đak pơgang 'bâu phu, aseh, aseh iĕ.

I Pot 15:19

“Ba athei pơgơ̆p băl, thoi 'bă ba đei pơgơ̆p băl sơ̆; 'nâu tơmam hu, maih inh pơyơ̆r gơih ăn kơ ih. Dang ei ih athei sut lê̆ đĭ đêl ih pơgơ̆p hăm Baasa pơtao Isơrael, wă kơ sư weh ataih đơ̆ng inh.”

I Pot 4:21

Pơtao Sôlômôn pơgơ̆r kon pơlei pơla lăm dêh char sư, iŏk đơ̆ng đak Krong Ơphrat truh tơ dêh char Philistin păng truh tơ hơdral Êyiptơ. Rim kơ teh đak chu bơ̆jang păng ra ăn kơ pơtao Sôlômôn truh đĭ chăl arih sư.

II Pot 16:8

Ahas kư̆m iŏk hu, maih đơ̆ng lăm Hnam akŭm kơkuh kơ Kră Yang păng đơ̆ng lăm hnam mong tơmam lăm hnam pơtao, chĕp ba tơmam noh ăn kơ pơtao đe Asiri.

II Pot 20:12

Lăm kơplah noh, Mêrôđak Balađan, kon drŏ-nglo Balađan, pơtao đe Babilôn wơh bơngai năm ăn kơ Hesekia kơthơ păng tơmam yua kơ sư kơtơ̆ng Hesekia jĭ.

II Pot 8:8

“Pơtao athei Hasael: Chĕp ba minh pôm tơmam pơyơ̆r năm sơng Êlisê bơngai Kră Yang 'Bok Kei-Dei yua, gơnang kơ sư krao apinh jet Kră Yang: “Ĭnh hăm wă kĕ klaih đơ̆ng jĭ dah ưh?”

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Horiso 68:29

Yua kơ Hnam akŭm Ih tơ pơlei Jêrusalem. Lu pơtao gô pơyơ̆r Tơmam Soi kơ Ih.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Horiso 76:11

Pơkă bĕ lu kon pơlei oei tăp dăr kơ sư păng pơm pơkeh nơ̆r pơkă hăm Kră Yang 'Bok Kei-Dei iĕm; Pơyơ̆r bĕ tơmam soi kơ Kră Yang, Sư boih trŏ kơ hli yom.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Tơdrông Pơđơk 17:18

Bơngai kơhlôh kơwao 'bônh kơ pơkă drơ̆ng, Dơ̆ng pơkă pơkăm hăm rông 'bôt sư.

Tơdrông Pơđơk 18:16

Tơmam bu pơyơ̆r gô pơih trong kơ sư. Ba sư truh tơ anăp lu bơngai yŏng mơng.

Tơdrông Pơđơk 19:6

Lơ bơngai chă tơdrong mơnat đơ̆ng bơngai hơmrah. Păng đĭ-đăng pơm buăl juăt hăm bơngai ăn đĕch.

Tơdrông Pơđơk 21:14

Tơmam ăn hlơp pơm rơngơp tơdrong hil. Tơmam sa pơgâm mơ̆t lăm jơhngơ̆m blĕk rai ngach.

Hơri Hiôk 4:10

Ơ mŏ adruh inh, ŭnh om inh! Tơdrong hơyuh ih 'lơ̆ng 'ngam hloh kơ sik hơmu. 'Bâu phu đak pơgang đơ̆ng ih 'bâu 'lơ̆ng hloh kơ lu tơmam 'bâu phu nai!

Hơri Hiôk 4:14

'Long 'bâu phu păng pơkao gôh, alamôs păng 'long hol. Hăm đĭ-đăng 'long 'bâu phu, pơgang 'bâu phu, đak alôê. Tơmam 'bâu phu hloh kơ đĭ-đăng,

Hơri Hiôk 8:14

Adruh Jah brŏk tĕnh bĕ ơ bơngai inh hơyuh. Thoi minh pôm kơtŏng. Dah thoi minh pôm juei dăm tơ kơpal kông 'long 'bâu phu.

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Êsêkiên 27:15

Lu bơngai pơlei Đêđan tĕch mơdro hăm ih, kon pơlei mă đei lơ bŏl teh lăm dơsĭ kư̆m tĕch mơdro hăm ih. Lu sư chĕp ba bơla rôih hăm 'long gơnhum tơplih tơmam ih.

Êsêkiên 27:17

Char Juđa păng teh đak Isơrael mơdro sa hăm ih; lu sư tĕch 'ba mi, 'ba tơ'bâu, 'bĕng 'ngam, đak sut, đak rơmă ôliwơ păng pơgang 'bâu phu wă tơplih iŏk tơmam ih

Êsêkiên 27:22

Lu bơngai mơdro đơ̆ng pơlei Sêba păng pơlei Raama mơdro hăm ih, iŏk lu tơmam 'lơ̆ng gĭt, đĭ-đăng lu tơmo gĭt păng maih tơplih iŏk tơmam ih.

Lêwi 20:24

Inh khan kơ lu iĕm, lu iĕm gô iŏk teh đêl lu sư oei, Inh ăn kơ lu iĕm đei teh noh, wă pơm tơmam iĕm kơdih, noh jơ̆ teh đak toh, đak sut kơdrot, Inh boih Kră Yang 'Bok Kei-Dei lu iĕm, plah iŏk lu iĕm đơ̆ng kon pơlei nai.

Jang 21:14

Na nhôn khan: “Ih pơma thoi noh nhôn ưh pă gơh tang găn ih dơ̆ng ôh na nhôn gô mơ̆ng kơ 'Bok Kei-Dei đĕch.”

Both 33:14

Lu tơmam gĭt yua hloh đei đơ̆ng măt 'năr, plei 'long hơ'bo 'lơ̆ng hloh đơ̆ng măt khei;

I Sam 25:27

Na dang ei 'nâu jơ̆ tơmam đĭch đam ih chĕp ba wă ăn kơ ih, kư̆m wă asong ăn kơ lu bơngai kiơ̆ ih.

I Sam 9:7

Sôl khan kơ đam sư: Mă-lei ba iŏk yă kiơ wă pơyơ̆r ăn kơ sư? Lăm kơdŭng ba tơmam sa ba đĭ bơih, ba ưh pă đei tơmam kiơ wă pơyơ̆r ăn kơ bơngai mă Kră Yang 'Bok Kei-Dei yua noh. Ba ưh pă đei yă kiơ?